Tito 1:10 - Triqui de San Juan Copala

¹⁰ Dan me se ma̱n ndoꞌo síí tucuáá do̱ꞌ, síí tuꞌva rmaꞌa̱n do̱ꞌ, síí tihaꞌ yuꞌunj do̱ꞌ, rej Creta a. Ne̱ síí chiꞌi̱i̱ doj rihaan ꞌó nij soꞌ me nij síí taj se vaa no̱ xcúún nij snóꞌo noco̱ꞌ man Cristó canoco̱ꞌ nij soꞌ nu̱ꞌ tucuáán noco̱ꞌ nij yuvii̱ israelitá a.

Tito 1:10 Referans Kwoze

1 Timoteo 1:6

Dan me se vaa taꞌa̱j nij yuvii̱, ne̱ taꞌaa nij soꞌ ꞌó chrej aꞌmii nij soꞌ, ne̱ dan me se riꞌ rmaꞌa̱n tiempó, ꞌyaj nij soꞌ, aꞌmii nij soꞌ cheꞌé ꞌó tucuáán na̱nj á.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

Gálatas 2:4

Tza̱j ne̱ do̱j nij síí tihaꞌ yuꞌunj taj se vaa tinúú níꞌ me nij soꞌ, tza̱j ne̱ taj maꞌ. Dan me se catúj yuve̱ nij soꞌ rej nuu chre̱ꞌ núj cheꞌé rej xca̱j nij soꞌ cuentá da̱j ꞌyaj núj a. ꞌO̱ se vaa yaꞌnúj rihaan níꞌ canoco̱ꞌ níꞌ man Cristó Jesús, ne̱ taj cheꞌé canoco̱ꞌ níꞌ nu̱ꞌ stucua̱nj Moisés nda̱a vaa guun rá nij síí tihaꞌ yuꞌunj quiꞌya̱j níꞌ a̱ maꞌ.

Efesios 4:14

Tza̱j ne̱ cuano̱ roꞌ, ase vaa xnii vaa níꞌ, ne̱ vaa yuvii̱ tihaꞌ yuꞌunj ndoꞌo man níꞌ, ne̱ dan me se nuchruj ra̱a̱ ndoꞌo nij yuvii̱ da̱j quiꞌya̱j nij soꞌ, ne̱ tihaꞌ yuꞌunj nij soꞌ man níꞌ a. Ne̱ tucuꞌyón ndoꞌo nij síí tihaꞌ yuꞌunj nana̱ naca̱ man níꞌ, ne̱ amán rá níꞌ uno níꞌ náá guun nana̱ tihaꞌ yuꞌunj yoꞌ, ꞌyaj nij soꞌ a. Tza̱j ne̱ asa̱ꞌ quisíj cunuu chij rá níꞌ, ne̱ se̱ cuno níꞌ nana̱ tihaꞌ yuꞌunj yoꞌ a̱ maꞌ.

Santiago 1:26

Me maꞌa̱n síí uun rá se vaa síí veꞌé nocoꞌ man Yaꞌanj me soꞌ, tza̱j ne̱ niha̱ꞌ rá soꞌ nano̱ soꞌ cuentó cheꞌé tuviꞌ soꞌ, ne̱ né si̱j noco̱ꞌ ya̱ man Yaꞌanj me soꞌ maꞌ. Tana̱nj síí tihaꞌ yuꞌunj man maꞌa̱n me soꞌ na̱nj chugua̱nj.

2 Timoteo 3:13

Tza̱j ne̱ xa̱ꞌ nij síí tihaꞌ yuꞌunj, tza̱j ne̱ tana̱nj a̱ doj a̱ doj a̱ caꞌa̱nj nij soꞌ tiha̱ꞌ yuꞌunj nij soꞌ man nij yuvii̱ do̱ꞌ, tiha̱ꞌ yuꞌunj nij yuvii̱ man maꞌa̱n nij soꞌ do̱ꞌ na̱nj á.

Hechos 11:2

Ne̱ ga̱a cavii Pedró caꞌanj soꞌ chumanꞌ Jerusalén, ne̱ nij síí israelitá cuchumán rá niꞌya̱j man Jesús noco̱ꞌ doj stucua̱nj Moisés roꞌ, cutaꞌ cacunꞌ xráá soꞌ,

Apocalipsis 2:14

Tza̱j ne̱ vaa do̱j cacunꞌ tumé soj rihanj, se vaa nda̱a scaꞌnúj soj ꞌnij síí noco̱ꞌ stucua̱nj síí cuꞌna̱j Balaam a. Ne̱ tucuꞌyón Balaam rihaan síí cuꞌna̱j Balac se vaa caꞌne̱j soꞌ tucuáán chiꞌi̱i̱ nimán nij síí israelitá se vaa cha̱ nij síí israelitá rasu̱u̱n rqué nii rihaan nij yaꞌanj quiꞌyaj nij tuvi̱ꞌ Balac ne̱ quiꞌya̱j nij soꞌ cacunꞌ ga̱ chana̱ ado̱nj.

Apocalipsis 2:6

Tza̱j ne̱ nihánj me se sa̱ꞌ ꞌyaj soj, se vaa nachriꞌ uxrá rá soj niꞌya̱j soj se vaa ꞌyaj nij síí nicolaíta, ne̱ veé da̱nj nachriꞌ rá ma̱ꞌanj niꞌya̱j ꞌu̱nj se vaa ꞌyaj nij soꞌ uún na̱nj ado̱nj.

1 Juan 2:18

Dan me se ase vaa taꞌníj vaa soj, ne̱ me raj cuno̱ soj nana̱ nihánj ado̱nj. ꞌO̱ se nichrunꞌ navi̱j güii man níꞌ, ne̱ a̱j cuno soj nana̱ se vaa caꞌna̱ꞌ maꞌa̱n síí ta̱j riꞌyunj man Cristó, ne̱ cata̱j soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ, ne̱ nihánj me se a̱j caꞌnaꞌ queꞌe̱e̱ síí ta̱j riꞌyunj man Cristó, ne̱ cheꞌé dan neꞌen ya̱ níꞌ se vaa ya̱ nichrunꞌ navi̱j güii man níꞌ ado̱nj.

2 Timoteo 4:4

Ne̱ caꞌa̱nj nij soꞌ rej nuviꞌ nana̱ ya̱ cuno̱ nij soꞌ, ne̱ na̱nj cuentó ne̱ cuno̱ nij soꞌ a.

1 Timoteo 1:4

Dan me se cata̱j so̱ꞌ rihaan nij tinúú níꞌ, ne̱ a̱ se̱ nanó xre̱j nij soꞌ cuentó ma̱n ga̱a naá do̱ꞌ, cuentó cheꞌé da̱j vaa da̱j a̱ xi̱i nij soꞌ síí ma̱n ga̱a naá do̱ꞌ maꞌ. ꞌO̱ se aꞌmii unuꞌ uxrá yuvii̱ cheꞌé nana̱ yoꞌ, tza̱j ne̱ ne racuíj nana̱ yoꞌ man níꞌ sa̱ꞌ doj canoco̱ꞌ níꞌ man Yaꞌanj maꞌ. ꞌO̱ se me rá Yaꞌanj ga̱a̱ nucua̱j rá níꞌ man maꞌa̱n Yaꞌanj ado̱nj.

Gálatas 3:1

Síí nij snúú rmaꞌa̱n ya̱ me soj si̱j ma̱n estadó Galacia na̱nj chugua̱nj. Me cheꞌé guun rá soj ta̱náj soj tucuáán sa̱ꞌ ga̱. Vaa síí quiꞌyaj chre̱e man soj naꞌ. Né se sa̱ꞌ uxrá nataꞌ nii rihaan soj se vaa caviꞌ Jesucristó rihaan rcutze̱ cheꞌé soj a̱ naꞌ.

Hechos 20:29

Dan me se neꞌenj se vaa asa̱ꞌ caꞌanj ꞌu̱nj, ne̱ catu̱u̱ síí chiꞌi̱i̱ scaꞌnúj soj, ne̱ ase vaa xcaꞌyanj caꞌnu̱ꞌ yuva̱a̱ roꞌ, da̱nj ga̱a̱ nij síí chiꞌi̱i̱ yoꞌ ado̱nj. Ne̱ se̱ caráj xꞌnaa nij soꞌ man nij tinúú níꞌ nij síí noco̱ꞌ man Jesucristó maꞌ.

Hechos 15:1

Dan me se taꞌa̱j nij síí noco̱ꞌ man Jesucristó cavii estadó Judea, ne̱ caꞌanj nij soꞌ tucuꞌyón nij soꞌ rihaan ꞌó tinúú nij soꞌ se vaa sese se̱ cataꞌ taꞌngaꞌ man ꞌo̱ soꞌ nda̱a vaa taj stucua̱nj Moisés, ne̱ daj chiha̱a̱ míj se̱ caꞌvee nani̱i̱ soꞌ rihaan sayuun ne̱ cavi̱i̱ sa̱ꞌ soꞌ quiꞌya̱j Yaꞌanj maꞌ.

Hechos 15:24

Dan me se caꞌnaꞌ nana̱ rihaan núj se vaa do̱j tuviꞌ núj me síí caꞌmii nana̱ quiꞌyaj sayuun rihaan soj, ne̱ quiriꞌ rá nimán soj, quiꞌyaj nij síí caꞌmii nana̱ yoꞌ a. Tza̱j ne̱ né núj caꞌnéé man nij soꞌ maꞌ.

1 Timoteo 1:9

Neꞌen níꞌ se vaa xa̱ꞌ yuvii̱ nica̱ nimán, tza̱j ne̱ taj tucuáán achiin man nij soꞌ canoco̱ꞌ nij soꞌ Yaꞌanj maꞌ. Tana̱nj cuchruj Yaꞌanj stucua̱nj Moisés cheꞌé yuvii̱ ne uno suun caꞌneꞌ Yaꞌanj do̱ꞌ, yuvii̱ tucuáá do̱ꞌ, yuvii̱ ne nocoꞌ man Yaꞌanj do̱ꞌ, yuvii̱ tumé ndoꞌo cacunꞌ do̱ꞌ, yuvii̱ ne vaa sa̱ꞌ nimán do̱ꞌ, yuvii̱ ne acaj cuentá cheꞌé Yaꞌanj do̱ꞌ, yuvii̱ ticaviꞌ rej do̱ꞌ, yuvii̱ ticaviꞌ nii do̱ꞌ, yuvii̱ ticaviꞌ me maꞌa̱n ꞌó yuvii̱ do̱ꞌ ado̱nj.

Tito 1:6

Xa̱ꞌ nij síí tumé sa̱ꞌ man yuvii̱ rihaan Yaꞌanj, tza̱j ne̱ vaa cheꞌé cune̱ꞌ so̱ꞌ ina̱nj síí nuviꞌ cacunꞌ tumé do̱ꞌ, síí vaa o̱rúnꞌ chana̱ nica̱ do̱ꞌ á. Da̱nj na̱nj uún, ne̱ amán rá nij taꞌníí soꞌ niꞌya̱j nij soꞌ man Yaꞌanj, ne̱ taj cacunꞌ caꞌve̱e cuta̱ꞌ nii xráá nij soꞌ se vaa síí niha̱ꞌ rá quiꞌya̱j se nij do̱ꞌ, síí tucuáá do̱ꞌ, me nij soꞌ maꞌ.

1 Juan 2:4

Tza̱j ne̱ sese taj ꞌo̱ soꞌ se vaa si̱j noco̱ꞌ man Cristó me soꞌ ne̱ ne uno soꞌ suun caꞌneꞌ Cristó rihaan níꞌ, ne̱ síí ne̱ me soꞌ, ne̱ né si̱j aꞌmii nana̱ ya̱ me soꞌ maꞌ.

San Mateo 23:14

’Nique̱ soj si̱j fariseo do̱ꞌ, si̱j naquiꞌyaj cu̱u stucua̱nj Moisés do̱ꞌ a. Quira̱nꞌ uxrá soj sayuun ado̱nj. Síí nucuiꞌ rá me nij soj ado̱nj. Dan me se aꞌnéj nij soj veꞌ tucuá chana̱ caviꞌ nica̱, ne̱ yu̱u̱n cheꞌe̱ guun tucua̱ nij soj man veꞌ yoꞌ, ꞌyaj maꞌa̱n nij soj a. Ne̱ ra̱a̱n ndoꞌo achíín niꞌya̱j nij soj rihaan Yaꞌanj, cheꞌé rej gu̱un rá yuvii̱ se vaa síí sa̱ꞌ noco̱ꞌ Yaꞌanj me nij soj a. Cheꞌé dan doj a̱ ga̱a̱ sayuun quira̱nꞌ soj quiꞌya̱j Yaꞌanj vaa güii ado̱nj.