San Mateo 9:29 - Triqui de San Juan Copala

²⁹ Ga̱a ne̱ cutaꞌ raꞌa Jesús rihaan ro̱j soꞌ, ne̱ cataj Jesús a: ―Cheꞌé se amán rá ro̱j so̱j, ne̱ cheꞌé dan naxra̱ꞌ rihaan ro̱j so̱j ado̱nj ―taj Jesús a.

San Mateo 9:29 Referans Kwoze

San Mateo 15:28

Ga̱a ne̱ cataj Jesús a: ―Amán uxrá rá so̱ꞌ niꞌya̱j so̱ꞌ manj, nocoj. Cheꞌé dan qui̱ꞌyáj se vaa achíín so̱ꞌ rihanj na̱nj á ―taj Jesús rihaan noꞌ a. Ne̱ veé ma̱an orá dan nahuun sa̱ꞌ taꞌníí chana̱ yoꞌ a.

San Marcos 10:52

Ga̱a ne̱ cataj Jesús rihaan soꞌ a: ―Caꞌve̱e caꞌa̱nj so̱ꞌ á. Ma̱an cheꞌé se amán rá so̱ꞌ niꞌya̱j so̱ꞌ manj roꞌ, cheꞌé dan cunuu sa̱ꞌ rihaan so̱ꞌ ado̱nj ―taj Jesús rihaan soꞌ a. Nu̱ꞌ caꞌmii Jesús da̱nj, ne̱ nu̱ꞌ curuviꞌ rihaan síí tuchri̱i yoꞌ, ne̱ caꞌanj soꞌ ga̱ Jesús chrej va̱j Jesús a.

San Mateo 9:22

Ga̱a ne̱ canica̱j Jesús queneꞌen Jesús man noꞌ, ne̱ cataj soꞌ a: ―Nari̱ꞌ nucuaj nimán so̱ꞌ, nocoj. ꞌO̱ se cheꞌé se amán rá so̱ꞌ niꞌya̱j so̱ꞌ manj roꞌ, cheꞌé dan nahuun sa̱ꞌ so̱ꞌ ado̱nj ―taj Jesús rihaan chana̱ yoꞌ a. Ne̱ veé ma̱an orá dan nahuun sa̱ꞌ chana̱ yoꞌ ado̱nj.

San Mateo 8:13

Canica̱j uún Jesús cataj Jesús rihaan tanuu capitán yoꞌ a: ―Caꞌve̱e caꞌa̱nj so̱ꞌ ya̱j a. Ya̱ cuchumán rá so̱ꞌ se vaa nahu̱un se‑mo̱zó so̱ꞌ qui̱ꞌyáj a. Ne̱ nahu̱un soꞌ chugua̱nj ―taj Jesús rihaan soꞌ a. Ne̱ veé ma̱an orá yoꞌ roꞌ, nahuun sa̱ꞌ se‑mo̱zó tanuu capitán yoꞌ, quiꞌyaj Jesús ado̱nj.

San Mateo 20:34

Ga̱a ne̱ cunuu ꞌe̱e̱ rá Jesús man ro̱j soꞌ, ne̱ cutaꞌ Jesús raꞌa Jesús rihaan ro̱j soꞌ, ga̱a ne̱ veé ma̱an orá dan cunuu sa̱ꞌ rihaan ro̱j soꞌ na̱nj ado̱nj. Ga̱a ne̱ caꞌanj ro̱j soꞌ ga̱ Jesús a.

San Mateo 9:28

Dan me se catúj Jesús rá veꞌ, ne̱ cuchiꞌ ro̱j síí tuchri̱i yoꞌ rihaan soꞌ a. Ga̱a ne̱ cataj Jesús rihaan ro̱j soꞌ a: ―Amán rá ro̱j so̱j se vaa gu̱un nu̱cuáj naxra̱ꞌ rihaan ro̱j so̱j qui̱ꞌyáj naꞌ ―taj Jesús, xnáꞌanj Jesús man ro̱j soꞌ a. ―Amán rá rój, Señor ―taj ro̱j soꞌ rihaan Jesús a.