San Mateo 9:27 - Triqui de San Juan Copala

²⁷ Dan me se ga̱a cavii Jesús tucuá síí nica̱j suun yoꞌ, ne̱ canocoꞌ vi̱j síí tuchri̱i man soꞌ a. Ne̱ caguáj ro̱j soꞌ, cataj ro̱j soꞌ a: ―Neꞌen rój se vaa Taꞌníí Taꞌnij Siꞌno̱ David síí cayáán ga̱a naá mé so̱ꞌ ado̱nj. Cheꞌé dan cunu̱u ꞌe̱e̱ rá so̱ꞌ man rój rugua̱nj ―taj ro̱j soꞌ, caguáj ro̱j soꞌ a.

San Mateo 9:27 Referans Kwoze

San Mateo 15:22

Dan me se curiha̱nj ꞌo̱ chana̱ cananea chana̱ ya̱nj rej yoꞌ a. Ne̱ caguáj ndoꞌo noꞌ rihaan Jesús, cataj noꞌ a: ―Neꞌenj se vaa Taꞌníí Taꞌnij Siꞌno̱ David síí cayáán ga̱a naá mé so̱ꞌ, Señor. Cheꞌé dan cunu̱u ꞌe̱e̱ rá so̱ꞌ manj rugua̱nj. ꞌO̱ se canó uxrá nana̱ chre̱e man taꞌníj chala̱ cunii na̱nj ado̱nj ―taj chana̱ yoꞌ, caguáj noꞌ rihaan Jesús a.

San Mateo 11:5

Dan me se nij síí tuchri̱i roꞌ, naxraꞌ rihaan, ne̱ nij síí naꞌvee cache̱e̱ roꞌ, chéé nij soꞌ, ne̱ nij síí ranꞌ luj riꞌyuj roꞌ, nahuun sa̱ꞌ, ne̱ nij síí soꞌo̱ roꞌ, nachuguu̱n xréé nij soꞌ, ne̱ nij síí caviꞌ roꞌ, nuu iꞌna̱ꞌ uún, ne̱ nij síí nique̱ roꞌ, uno nij soꞌ snana̱ Yaꞌanj nana̱ sa̱ꞌ a. Nu̱ꞌ nihánj cata̱j xnaꞌanj ro̱j so̱j rihaan Juan á.

San Mateo 17:15

―Señor, cunu̱u ꞌe̱e̱ rá so̱ꞌ man taꞌníj rugua̱nj. ꞌO̱ se ranꞌ soꞌ chiꞌii̱ snúú, ne̱ cheꞌé dan ranꞌ ndoꞌo soꞌ sayuun na̱nj ado̱nj. Veé dan, ne̱ ina̱nj naxruꞌ soꞌ rihaan yaꞌan do̱ꞌ, naxruꞌ soꞌ rque na do̱ꞌ a.

San Juan 7:42

ꞌO̱ se Danj Yaꞌanj taj se vaa taꞌníí taꞌnij siꞌno̱ rey cuꞌna̱j David síí cayáán ga̱a naá me Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ si̱j cavi̱i̱ chiháán David chumanꞌ Belén me uún soꞌ ado̱nj ―taj ꞌó taꞌa̱j nij yuvii̱ uún a.

San Lucas 7:21

Ga̱a ne̱ veé ma̱an orá caꞌnaꞌ ro̱j síí caꞌnéé Juan man roꞌ, nahuun queꞌe̱e̱ ndoꞌo síí ranꞌ do̱ꞌ, curiha̱nj nana̱ chre̱e nimán queꞌe̱e̱ yuvii̱ do̱ꞌ, nachuguu̱n rihaan queꞌe̱e̱ síí tuchri̱i do̱ꞌ, quiꞌyaj Jesús a.

San Marcos 11:10

Cuna̱j uxrá vaa ꞌnaꞌ síí gu̱un chij nda̱a vaa guun chij xi̱i níꞌ rey David ga̱a naá a. Síí sa̱ꞌ uxrá me Yaꞌanj si̱j nicu̱nꞌ xta̱ꞌ na̱nj á ―taj nij yuvii̱ yoꞌ a.

San Marcos 9:22

ne̱ queꞌe̱e̱ ndoꞌo caganꞌ nana̱ chre̱e man soꞌ rihaan yaꞌan do̱ꞌ, rihaan na do̱ꞌ, cheꞌé yan cavi̱ꞌ xnii, tza̱j ne̱ sese caꞌve̱e, ne̱ cunu̱u ꞌe̱e̱ rá so̱ꞌ manj ne̱ ra̱cuíj so̱ꞌ man núj rugua̱nj ―taj rej xnii yoꞌ rihaan Jesús a.

San Mateo 21:9

Ne̱ va̱j uxrá yuvii̱ quitáá ya̱a̱n rihaan Jesús, ne̱ va̱j uxrá yuvii̱ noco̱ꞌ rej xco̱ Jesús a. Ne̱ caguáj nij yuvii̱, cataj nij yuvii̱ a: ―Síí sa̱ꞌ uxrá me Taꞌníí Taꞌnij Siꞌno̱ David síí cayáán ga̱a naá na̱nj á. ꞌNaꞌ síí caꞌnéé Síí ꞌNi̱j Raꞌa man níꞌ na̱nj á. Se lu̱j ndoꞌo ꞌyaj Yaꞌanj cheꞌé soꞌ a. Síí sa̱ꞌ uxrá me Yaꞌanj si̱j nicu̱nꞌ xta̱ꞌ na̱nj ado̱nj ―taj nij yuvii̱, caguáj nij yuvii̱ a.

San Mateo 1:1

Yanj nihánj me taj xnaꞌanj cheꞌé nij xi̱i Jesús Si̱j Caꞌnéé Yaꞌanj Ti̱nanii man Yuvii̱ rihaan Sayuun a. Veé xi̱i Jesús me rey cuꞌna̱j David síí cayáán ga̱a naá, ne̱ xi̱i David me síí cuꞌna̱j Abraham ado̱nj.

San Mateo 21:15

Ne̱ ma̱n xnii catúj rej ya̱nj nuvií, ne̱ caguáj nij xnii cataj nij xnii a: ―Síí sa̱ꞌ uxrá me Taꞌníí Taꞌnij Siꞌno̱ David síí cayáán ga̱a naá na̱nj ado̱nj ―taj nij xnii a. Ne̱ vaa xrej ata̱ suun noco̱o vaa síí naquiꞌyaj cu̱u stucua̱nj Moisés vaa, ne̱ queneꞌen nij soꞌ nu̱ꞌ suun sa̱ꞌ quiꞌyaj Jesús rej ya̱nj nuvií, ne̱ cuno nij soꞌ nana̱ caguáj nij xnii a. Ga̱a ne̱ caꞌmaan rá nij soꞌ,

Romanos 9:5

Xi̱i nij yuvii̱ israelitá me nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ a. ꞌO̱ tuviꞌ nij soꞌ me Cristó Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Cristó me se Yaꞌanj me soꞌ, ne̱ uun chij soꞌ rihaan cunuda̱nj a. Veꞌé uxrá caꞌmi̱i̱ níꞌ cheꞌé soꞌ nu̱ꞌ cavii nu̱ꞌ caꞌanj na̱nj á. Veé da̱nj ga̱a̱ ya̱ ado̱nj.

San Lucas 20:41

Ga̱a ne̱ cataj Jesús rihaan nij soꞌ a: ―Me cheꞌé taj nij soj se vaa na̱nj taꞌníí taꞌnij siꞌno̱ rey cuꞌna̱j David síí cayáán ga̱a naá me Síí Caꞌne̱j Yaꞌanj Ti̱nanii man Yuvii̱ rihaan Sayuun ga̱.

San Lucas 17:13

ne̱ nucua̱j canacúún nij soꞌ man Jesús, ne̱ cataj nij soꞌ a: ―Jesús. Cunu̱u ꞌe̱e̱ rá so̱ꞌ man núj, maestro ―taj nij soꞌ, caguáj nij soꞌ a.

Romanos 1:3

Dan me se caꞌmii Yaꞌanj cheꞌé Taꞌníí soꞌ Jesucristó Si̱j ꞌNi̱j Raꞌa man níꞌ, ne̱ xa̱ꞌ nee̱ ma̱n soꞌ, tza̱j ne̱ síí noco̱ꞌ xnaꞌanj tuvi̱ꞌ ga̱ rey cuꞌna̱j David síí cayáán ga̱a naá me soꞌ ado̱nj.

San Mateo 9:28

Dan me se catúj Jesús rá veꞌ, ne̱ cuchiꞌ ro̱j síí tuchri̱i yoꞌ rihaan soꞌ a. Ga̱a ne̱ cataj Jesús rihaan ro̱j soꞌ a: ―Amán rá ro̱j so̱j se vaa gu̱un nu̱cuáj naxra̱ꞌ rihaan ro̱j so̱j qui̱ꞌyáj naꞌ ―taj Jesús, xnáꞌanj Jesús man ro̱j soꞌ a. ―Amán rá rój, Señor ―taj ro̱j soꞌ rihaan Jesús a.

San Mateo 20:29

Ga̱a ne̱ cavii nij soꞌ chumanꞌ Jericó, ne̱ cachéé ri̱i̱ ndoꞌo yuvii̱ xcó Jesús a.