San Mateo 8:9 - Triqui de San Juan Copala

⁹ ꞌO̱ se vaa síí rii taꞌngaꞌ rihaan ꞌu̱nj, ne̱ rii taꞌngáꞌ ꞌu̱nj rihaan tanuu, ne̱ taj ꞌu̱nj rihaan ꞌo̱ tanuu se vaa caꞌa̱nj soꞌ, ne̱ ꞌanj soꞌ, ne̱ taj ꞌu̱nj rihaan ꞌó soꞌ se vaa caꞌna̱ꞌ soꞌ, ne̱ ꞌnaꞌ soꞌ rihaan ꞌu̱nj, ne̱ taj ꞌu̱nj rihaan se‑mo̱zó ꞌu̱nj da̱j quiꞌya̱j soꞌ, ne̱ veé da̱nj ꞌyaj soꞌ ado̱nj ―taj tanuu capitán yoꞌ rihaan Jesús a.

San Mateo 8:9 Referans Kwoze

Tito 2:9

Ne̱ narque̱ so̱ꞌ chrej nucua̱j man nij mozó se vaa veꞌé cuno̱ nij mozó rihaan se‑ruꞌve̱e̱ mozó, ne̱ quiꞌya̱j suun nij mozó nu̱ꞌ suun caꞌne̱ꞌ nij ruꞌvee rihaan nij soꞌ á. Ne̱ quiꞌya̱j mozó cara̱nꞌ rá se‑ruꞌve̱e̱ mozó ni̱ꞌyaj soꞌ man mozó yoꞌ á. Se̱ caꞌmii tuꞌva̱ mozó rihaan se‑ruꞌve̱e̱ mozó maꞌ.

Colosenses 3:22

Cuno̱ sa̱ꞌ mozó rihaan se‑ruꞌve̱e̱ mozó á. Se̱ naquiꞌyaj rmi̱i̱ mozó man mozó rihaan se‑ruꞌve̱e̱ mozó maꞌ. Nda̱ꞌ se ne niꞌya̱j se‑ruꞌve̱e̱ mozó, tza̱j ne̱ ꞌo̱ quiꞌya̱j suun mozó á. Síí ꞌNi̱j Raꞌa man níꞌ roꞌ, niꞌya̱j soꞌ man mozó yoꞌ, ne̱ cheꞌé dan cuchuꞌvi̱ꞌ mozó ne̱ veꞌé quiꞌya̱j suun soꞌ a.

San Lucas 7:8

Ne̱ cataj soꞌ se vaa vaa síí rii taꞌngaꞌ rihaan soꞌ, ne̱ rii taꞌngaꞌ soꞌ rihaan tanuu, ne̱ taj soꞌ rihaan tanuu se vaa caꞌa̱nj nij soꞌ, ne̱ ꞌanj nij soꞌ, ne̱ taj soꞌ rihaan nij tanuu se vaa caꞌna̱ꞌ nij soꞌ, ne̱ ꞌnaꞌ nij soꞌ rihaan soꞌ, ne̱ taj soꞌ da̱j quiꞌya̱j se‑mo̱zó soꞌ, ne̱ veé da̱nj ꞌyaj soꞌ ado̱nj ―taj nij tuviꞌ tanuu capitán yoꞌ rihaan Jesús a.

San Lucas 4:39

Ga̱a ne̱ caꞌanj Jesús canicunꞌ soꞌ rej na̱j noꞌ, ne̱ caꞌneꞌ soꞌ suun rihaan chiꞌii̱ se vaa xꞌne̱e̱ chiꞌii̱ xráá noꞌ a. Ga̱a ne̱ nu̱ꞌ xꞌnéj chiꞌii̱ xráá noꞌ, quiꞌyaj Jesús a. Ne̱ veé ma̱an orá dan naxaga̱a̱ noꞌ, ne̱ quiꞌyaj chuvi̱i noꞌ cha̱ nij soꞌ na̱nj ado̱nj.

San Mateo 8:8

Ga̱a ne̱ cataj uún tanuu capitán yoꞌ a: ―Señor, né si̱j sa̱ꞌ mé ꞌu̱nj maꞌ. Ne nó xcúún ꞌu̱nj catu̱u̱ so̱ꞌ rá veꞌ tucuaj qui̱ꞌyáj a̱ maꞌ. Ma̱an se caꞌne̱ꞌ u̱u̱n so̱ꞌ suun se vaa nahu̱un se‑mo̱zó ꞌu̱nj, ga̱a ne̱ nahu̱un maꞌa̱n soꞌ ado̱nj.

San Mateo 8:10

Dan me se, ga̱a cuno Jesús nana̱ caꞌmii tanuu capitán yoꞌ, ne̱ caráyaꞌa̱nj Jesús, ne̱ cataj soꞌ rihaan nij síí noco̱ꞌ rej xco̱ soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán síí yaníj nihánj a̱ maꞌ.

San Marcos 1:27

Ga̱a ne̱ caꞌanj uxrá rá nij yuvii̱, ne̱ xnáꞌanj nij yuvii̱ man tuviꞌ nij yuvii̱, cataj nij yuvii̱ a: ―Asa̱ꞌ caꞌvee quiꞌyaj soꞌ da̱nj ga̱. Tucuáán naca̱ me nihánj chugua̱nj. ꞌO̱ se guun chij ndoꞌo síí nihánj, ne̱ nda̱a rihaan nij nana̱ chre̱e aꞌneꞌ síí nihánj suun da̱j quiꞌya̱j nij soꞌ, ne̱ uno nij nana̱ chre̱e yoꞌ rihaan soꞌ asânj ―taj nij yuvii̱ rihaan tuviꞌ nij yuvii̱ a.

San Lucas 9:1

Dan me se canacúún Jesús man chuvi̱j nij síí tucuꞌyón snana̱ soꞌ, ne̱ cunuu chre̱ꞌ nij soꞌ, ne̱ rqué soꞌ se nucua̱j man nij soꞌ, ga̱a ne̱ caꞌve̱e quiꞌya̱j canaán nij soꞌ rihaan me maꞌa̱n nana̱ chre̱e do̱ꞌ, caꞌve̱e caꞌne̱e̱ nij soꞌ chiꞌii̱ xráá síí ranꞌ do̱ꞌ a.