San Mateo 8:14 - Triqui de San Juan Copala

¹⁴ Ga̱a ne̱ caꞌanj Jesús tucuá síí cuꞌna̱j Pedró, ne̱ queneꞌen soꞌ se vaa na̱j nii che̱j Pedró ranꞌ noꞌ chiꞌii̱ nacaa yuva̱a̱ a.

San Mateo 8:14 Referans Kwoze

1 Corintios 9:5

No̱ xcúún núj xca̱j núj man ꞌo̱ raꞌvij núj níí noco̱ꞌ man Cristó, caꞌa̱nj noꞌ me rej maꞌa̱n caꞌa̱nj núj á. Neꞌen soj se vaa nij tinúú Jesucristó Si̱j ꞌNi̱j Raꞌa man níꞌ do̱ꞌ, Cefas do̱ꞌ, ꞌó nij síí ata̱ suun caꞌa̱nj nata̱ꞌ snana̱ Jesucristó do̱ꞌ, vaa nica̱ ꞌo̱ ꞌo̱ nij soꞌ a.

San Mateo 17:25

―Oꞌ soꞌ impuestó ado̱nj ―taj Pedró rihaan nij soꞌ a. Ga̱a ne̱ catúj Pedró rá veꞌ, ne̱ me rá Pedró xna̱ꞌanj Pedró cheꞌé impuestó yoꞌ, tza̱j ne̱ asino Jesús xnáꞌanj man Pedró, cataj soꞌ a: ―Simón, da̱j uun rá so̱ꞌ ga̱. Nij síí nica̱j suun rey uun chij rihaan yuvii̱ ma̱n rihaan chumii̱ nihánj me se me síí aꞌnéj nij soꞌ impuestó rihaan ga̱. Rihaan maꞌa̱n taꞌníí nij soꞌ naꞌ. Ase rihaan ꞌó yuvii̱ xa̱ꞌ ―taj Jesús, xnáꞌanj soꞌ man Pedró a.

Hebreos 13:4

Ne̱ veꞌé uxrá sese xca̱j soj ꞌo̱ chana̱ ado̱nj. Né se naꞌa̱j me yoꞌ maꞌ. Ne̱ né cacu̱nꞌ me sese otoj soj ga̱ nica̱ maꞌa̱n soj maꞌ. Tza̱j ne̱ síí otoj ga̱ ꞌó chana̱ do̱ꞌ, síí otoj ga̱ nica̱ tuviꞌ do̱ꞌ, me se quiꞌya̱j Yaꞌanj sayuun man soꞌ ado̱nj.

1 Timoteo 4:3

Ne̱ tucuꞌyón nij síí ne̱ rihaan yuvii̱ se vaa ne no xcúún yuvii̱ xca̱j yuvii̱ chana̱, ne̱ cacunꞌ me yoꞌ, taj nij soꞌ a. Ne̱ tucuꞌyón nij soꞌ se vaa ne no xcúún yuvii̱ cha̱ yuvii̱ taꞌa̱j se chá uún a. Tza̱j ne̱ ꞌo̱ se nu̱ꞌ nij rasu̱u̱n ma̱n rihaan yoꞌóó me se rasu̱u̱n chá níꞌ taj níꞌ guun niꞌya̱j níꞌ rihaan Yaꞌanj me yoꞌ, rá Yaꞌanj, dan araa soꞌ rasu̱u̱n yoꞌ rihaan yoꞌóó cheꞌé nij síí amán rá nana̱ ya̱ ado̱nj.

1 Timoteo 3:2

Xa̱ꞌ síí gu̱un síí tumé sa̱ꞌ man yuvii̱ rihaan Yaꞌanj, tza̱j ne̱ vaa cheꞌé gu̱un soꞌ síí nuviꞌ cacunꞌ tumé do̱ꞌ, síí vaa o̱rúnꞌ chana̱ nica̱ do̱ꞌ, síí chij nimán do̱ꞌ, síí veꞌé acaj cuentá do̱ꞌ, síí niꞌya̱nj rá do̱ꞌ, síí niha̱ꞌ rá cara̱nꞌ yuvii̱ avii ꞌó chumanꞌ tucuá do̱ꞌ, síí ya̱nj tu̱cuꞌyón man yuvii̱ do̱ꞌ ado̱nj.

San Mateo 8:20

Ga̱a ne̱ cataj Jesús rihaan soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ ꞌó rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Mateo 8:15

Ne̱ canó Jesús raꞌa noꞌ, ga̱a ne̱ veé ma̱an orá dan nahuun noꞌ, quiꞌyaj Jesús, ne̱ naxaga̱a̱ noꞌ, ne̱ quiꞌyaj chuvi̱i noꞌ cha̱ nij soꞌ na̱nj ado̱nj.