San Mateo 6:7 - Triqui de San Juan Copala

⁷ ’Ne̱ ga̱a achíín niꞌya̱j soj rihaan Yaꞌanj, ne̱ se̱ quiꞌyaj soj se vaa ꞌyaj nij síí ne neꞌen da̱j vaa Yaꞌanj maꞌ. Dan me se aꞌmii rmaꞌa̱n nij soꞌ nana̱, tza̱j ne̱ ne neꞌen nij soꞌ me taj nana̱ yoꞌ maꞌ. Ma̱an cheꞌé se aꞌmii aꞌmii nij soꞌ, cheꞌé dan gu̱un niha̱ꞌ rá Yaꞌanj ne̱ cuno̱ Yaꞌanj nu̱ꞌ nana̱ aꞌmii nij soꞌ, rá nij soꞌ na̱nj ado̱nj.

San Mateo 6:7 Referans Kwoze

San Mateo 26:44

Ga̱a ne̱ tanáj soꞌ man nij soꞌ, ne̱ caꞌanj uún soꞌ, ne̱ cachíín niꞌya̱j uún soꞌ rihaan Yaꞌanj, ne̱ ase vaa cachíín niꞌya̱j soꞌ ga̱a rque̱ roꞌ, da̱nj vaa cachíín niꞌya̱j uún soꞌ rihaan Yaꞌanj a.

San Mateo 6:32

ꞌO̱ se nij síí ne neꞌen da̱j vaa Yaꞌanj roꞌ, ina̱nj ꞌyaj suun ndoꞌo nij soꞌ cheꞌé rasu̱u̱n ma̱n rihaan chumii̱ nihánj ado̱nj. Tza̱j ne̱ nu̱ꞌ rasu̱u̱n achiin man soj roꞌ, a̱j neꞌen Rej soj síí nicu̱nꞌ xta̱ꞌ se vaa achiin nu̱ꞌ rasu̱u̱n yoꞌ man soj ado̱nj.

Hechos 19:34

Tza̱j ne̱ xcaj nij yuvii̱ cuentá se vaa si̱j israelitá me síí canicunꞌ rihaan nij soꞌ, ne̱ cheꞌé dan ꞌo̱ caguáj cunuda̱nj nij yuvii̱, cataj nij soꞌ a: ―Níí sa̱ꞌ noco̱o ndoꞌo me Diana taꞌanj Éfeso na̱nj á ―taj ta̱ranꞌ nij yuvii̱, ne̱ cunu̱ꞌ vi̱j ya̱ orá caguáj nij soꞌ da̱nj a.

San Mateo 26:42

Ga̱a ne̱ caꞌanj uún soꞌ, ne̱ cachíín niꞌya̱j uún soꞌ rihaan Yaꞌanj, cataj soꞌ a: ―Sese se̱ caꞌvee nani̱i̱ ꞌu̱nj rihaan sayuun ase vaa, ne̱ qui̱ꞌyáá so̱ꞌ nda̱a vaa me rá so̱ꞌ, Ata̱j ―taj Jesús, cachíín niꞌya̱j soꞌ a.

San Mateo 26:39

Ga̱a ne̱ cavii soꞌ yaníj do̱j tzínꞌ, ne̱ caꞌanj ca̱yáán ru̱j soꞌ nda̱a canó rihaan soꞌ rihaan yoꞌóó, ne̱ cachíín niꞌya̱j soꞌ rihaan Yaꞌanj, ne̱ cataj soꞌ a: ―Sese caꞌve̱e, ne̱ ca̱ráán raꞌá so̱ꞌ xráj, se̱ gaa na̱nj quira̱nꞌ uxrá ꞌu̱nj sayuun, tza̱j ne̱ sese ma̱ꞌán so̱ꞌ me rá qui̱ránꞌ ꞌu̱nj sayuun, ne̱ qui̱ꞌyáá so̱ꞌ nda̱a vaa me rá ma̱ꞌán so̱ꞌ, ne̱ se̱ quiꞌyáá so̱ꞌ nda̱a vaa me rá ma̱ꞌanj, maan Ata̱j ―taj Jesús, cachíín niꞌya̱j soꞌ rihaan Yaꞌanj a.

San Mateo 18:17

Ne̱ sese ne cuno̱ síí tumé cacunꞌ rihaan vi̱j vaꞌnu̱j nij tinu̱j nij soj, ga̱a ne̱ caꞌa̱nj soj nata̱ꞌ soj rihaan xꞌneꞌ nij síí noco̱ꞌ man Yaꞌanj ya̱nj chiháán soj á. Ne̱ sese ne cuno̱ soꞌ rihaan xꞌneꞌ nij síí noco̱ꞌ man Yaꞌanj, ga̱a ne̱ gu̱un yaníj soj rihaan soꞌ á. Dan me se ase vaa ꞌo̱ síí yaníj do̱ꞌ, ase vaa ꞌo̱ síí tihaꞌ yuꞌunj cheꞌé impuestó do̱ꞌ, da̱nj ga̱a̱ soꞌ rihaan soj ado̱nj.