San Mateo 5:44 - Triqui de San Juan Copala

⁴⁴ Tza̱j ne̱ cuano̱ nihánj me cata̱j xnaꞌanj ꞌu̱nj ꞌo̱ nana̱ rihaan soj á: No̱ xcúún soj cunu̱u ꞌe̱e̱ rá soj ni̱ꞌyaj soj man nij síí ta̱j riꞌyunj man soj, ne̱ caꞌmi̱i̱ soj nana̱ lu̱j cheꞌé nij síí aꞌmii nana̱ qui̱j cheꞌé soj, ne̱ quiꞌya̱j soꞌ se lu̱j rihaan nij síí nachriꞌ niꞌya̱j man soj, ne̱ cachi̱nj niꞌya̱j soj rihaan Yaꞌanj cheꞌé nij síí ꞌyaj sayuun man soj á.

San Mateo 5:44 Referans Kwoze

Romanos 12:14

Xa̱ꞌ síí ꞌyaj sayuun man soj, tza̱j ne̱ veꞌé quiꞌya̱j soj rihaan nij soꞌ, ne̱ se̱ caꞌmii chre̱e soj cheꞌé nij soꞌ maꞌ. Tana̱nj cachi̱nj niꞌya̱j soj rihaan Yaꞌanj se vaa cavi̱i̱ sa̱ꞌ nij soꞌ quiꞌya̱j Yaꞌanj a.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

San Lucas 23:34

Ga̱a ne̱ cachíín niꞌya̱j Jesús rihaan Yaꞌanj, cataj soꞌ a: ―Ti̱navíí so̱ꞌ cacunꞌ tumé nij soꞌ, Ata̱j Chij. ꞌO̱ se ne neꞌen nij soꞌ da̱j ꞌyaj nij soꞌ maꞌ ―taj soꞌ, cachíín niꞌya̱j soꞌ rihaan Rej soꞌ Yaꞌanj a. Ga̱a ne̱ tico tixaj nij tanuu cheꞌé saga̱nꞌ Jesús a.

1 Pedro 2:23

Caꞌmii chre̱e yuvii̱ cheꞌé soꞌ, tza̱j ne̱ ne caꞌmi̱i̱ chre̱e soꞌ cheꞌé nij yuvii̱ maꞌ. Quiranꞌ soꞌ sayuun, tza̱j ne̱ ne caꞌmi̱i̱ soꞌ nana̱ qui̱j maꞌ. Tana̱nj guun rá soꞌ se vaa Yaꞌanj si̱j aꞌneꞌ nica̱ cacunꞌ cheꞌé níꞌ roꞌ, soꞌ me síí caꞌne̱ꞌ cacunꞌ cheꞌé soꞌ vaa güii a.

Hechos 7:60

Ga̱a ne̱ canicunꞌ ru̱j soꞌ, ne̱ nucua̱j ndoꞌo caguáj soꞌ, cataj soꞌ a: ―Señor, se̱ caraá so̱ꞌ cacunꞌ nihánj xráá nij soꞌ maꞌ ―taj soꞌ, ga̱a ne̱ caviꞌ soꞌ a.

San Juan 13:34

Ne̱ nihánj me suun naca̱ aꞌnéꞌ ꞌu̱nj rihaan soj, se vaa ꞌo̱ ga̱a̱ ꞌe̱e̱ rá soj man tuviꞌ soj á. Dan me se da̱j se cunuu ꞌe̱e̱ raj niꞌya̱j man soj roꞌ, da̱nj ga̱a̱ quiꞌya̱j soj, ga̱a̱ ꞌe̱e̱ rá soj man tuviꞌ soj a.

1 Tesalonicenses 5:15

Tu̱mé soj man soj se̱ guun quiꞌya̱j chiꞌi̱i̱ ꞌo̱ tuviꞌ soj man síí ꞌyaj chiꞌi̱i̱ man soꞌ maꞌ. Tana̱nj ina̱nj suun sa̱ꞌ quiꞌya̱j soj cheꞌé tuviꞌ soj do̱ꞌ, cheꞌé cunuda̱nj yuvii̱ do̱ꞌ á.

Hechos 16:28

Tza̱j ne̱ nucua̱j ndoꞌo caguáj Pabló rihaan soꞌ, cataj Pabló a: ―Se̱ guun quiꞌya̱j chiꞌi̱i̱ so̱ꞌ man ma̱ꞌán so̱ꞌ maꞌ. ꞌO̱ se ma̱n chre̱ꞌ cunuda̱nj núj nihánj na̱nj á ―taj Pabló, caguáj soꞌ a.