San Mateo 5:39 - Triqui de San Juan Copala

³⁹ Tza̱j ne̱ cuano̱ nihánj roꞌ, cata̱j xnaꞌanj ꞌu̱nj rihaan soj se vaa se̱ quiꞌyaj soj sayuun man síí ꞌyaj sayuun man soj maꞌ. Tana̱nj sese vaa síí coxro ni̱chrej xruú so̱ꞌ, ne̱ ti̱cúnꞌ so̱ꞌ níchrej xruú so̱ꞌ coxro̱ soꞌ uún na̱nj á.

San Mateo 5:39 Referans Kwoze

1 Tesalonicenses 5:15

Tu̱mé soj man soj se̱ guun quiꞌya̱j chiꞌi̱i̱ ꞌo̱ tuviꞌ soj man síí ꞌyaj chiꞌi̱i̱ man soꞌ maꞌ. Tana̱nj ina̱nj suun sa̱ꞌ quiꞌya̱j soj cheꞌé tuviꞌ soj do̱ꞌ, cheꞌé cunuda̱nj yuvii̱ do̱ꞌ á.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

1 Corintios 6:7

Cheꞌé yan anó tuviꞌ soj ga̱ tinúú soj me se a̱j tumé uxrá soj cacunꞌ vaa na̱nj ado̱nj. A̱j quiriꞌ nu̱ꞌ soj, ne̱ sa̱ꞌ doj sese caꞌne̱ꞌ gue̱e̱ rá soj quiꞌya̱j chiꞌi̱i̱ tinúú soj man soj do̱ꞌ, caꞌne̱ꞌ rá soj quiꞌya̱j itu̱u̱ tinúú soj man siꞌyaj soj do̱ꞌ na̱nj á.

Santiago 5:6

Tza̱j ne̱ dan me se cutaꞌ ndoꞌo nii cacunꞌ rmi̱ꞌ xráá nij síí sa̱ꞌ, ne̱ nda̱a ticaviꞌ nii man taꞌa̱j nij soꞌ, quiꞌyaj soj, ne̱ ne nacaj nij soꞌ man nij soꞌ maꞌ.

Hebreos 12:4

Dan me se ꞌyaj ndoꞌo nij síí tumé cacunꞌ sayuun man soj, tza̱j ne̱ a̱j neꞌenj se vaa naꞌvej uxrá rá soj quiꞌya̱j soj cacunꞌ ga̱ nij soꞌ maꞌ. Ne̱ nda̱ꞌ se sayuun ꞌyaj nij soꞌ man nij soj, tza̱j ne̱ ne cavi̱ꞌ nij soj, quiꞌyaj nij soꞌ maꞌ.

San Lucas 22:64

Ne̱ ga̱a goꞌ nij soꞌ xráá soꞌ me se caráán nij soꞌ rihaan Jesús, ne̱ cataj nij soꞌ rihaan soꞌ a: ―Sese ya̱ síí nataꞌ snana̱ Yaꞌanj mé so̱ꞌ, ne̱ cata̱j so̱ꞌ rihaan núj me síí goꞌ mán so̱ꞌ á ―taj nij soꞌ a.

San Mateo 5:40

Ne̱ sese me rá ꞌo̱ soꞌ cuta̱ꞌ soꞌ cacunꞌ xráá so̱ꞌ rihaan cuese̱ caꞌne̱e̱ soꞌ cotoó nu̱u̱ so̱ꞌ, ne̱ caxri̱i̱ u̱u̱n so̱ꞌ cotoó yoꞌ do̱ꞌ, nda̱a se‑ro̱to̱ so̱ꞌ do̱ꞌ, caxri̱i̱ so̱ꞌ ston soꞌ na̱nj á.

San Lucas 6:7

Ne̱ nij síí naquiꞌyaj cu̱u stucua̱nj Moisés do̱ꞌ, nij síí fariseo do̱ꞌ, yáán nij soꞌ rá veꞌ, ne̱ tumé uxrá nij soꞌ man Jesús sese nahu̱un yuvii̱ quiꞌya̱j soꞌ ga̱a güii naránj rá nij soꞌ a. Da̱nj quiꞌyaj nij soꞌ cheꞌé se guun rá nij soꞌ cuta̱ꞌ nij soꞌ cacunꞌ xráá Jesús a.

San Juan 18:23

Ga̱a ne̱ cataj Jesús rihaan soꞌ a: ―Sese caꞌmii chiꞌi̱i̱ ꞌu̱nj, ne̱ cata̱j so̱ꞌ me nana̱ chiꞌi̱i̱ caꞌmij á. Tza̱j ne̱ sese caꞌmii sa̱ꞌ ꞌu̱nj, ne̱ me cheꞌé coxro so̱ꞌ xruú ꞌu̱nj ga̱ ―taj Jesús rihaan tanuu coxro xruu̱ soꞌ a.