San Mateo 4:18 - Triqui de San Juan Copala

¹⁸ ꞌO̱ güii cachén Jesús tuꞌva na laguaná cuꞌna̱j na Galilea, ne̱ queneꞌen soꞌ man ro̱j tinu̱j ro̱j soꞌ a. ꞌO̱ soꞌ me síí cuꞌna̱j Simón, ne̱ Pedró me ꞌó se‑chuvi̱i soꞌ a. Ne̱ tinúú soꞌ me síí cuꞌna̱j Andrés a. Dan me se ga̱a queneꞌen Jesús man ro̱j soꞌ, ne̱ nicu̱nꞌ ro̱j soꞌ tuꞌva na laguaná, ne̱ tiguíj ro̱j soꞌ nanj rque na, ne̱ dan me se síí rii xcuaj me ro̱j soꞌ a.

San Mateo 4:18 Referans Kwoze

San Mateo 10:2

Ne̱ nihánj me se‑chuvi̱i chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ a. ꞌO̱ soꞌ me síí cuꞌna̱j Simón síí tucuꞌnáj nii Pedró a. Ne̱ ꞌó soꞌ me tinúú Simón, síí cuꞌna̱j Andrés a. Ne̱ ꞌó soꞌ me síí cuꞌna̱j Jacobo, ne̱ taꞌníí síí cuꞌna̱j Zebedeo me soꞌ a. Ne̱ ꞌó soꞌ me tinúú Jacobo, síí cuꞌna̱j Juan a.

San Lucas 6:14

ꞌO̱ soꞌ me síí cuꞌna̱j Simón, ne̱ tucuꞌnáj Jesús Pedró man soꞌ a. ꞌÓ soꞌ me tinúú Pedró síí cuꞌna̱j Andrés a. ꞌÓ nij soꞌ me Jacobo do̱ꞌ, Juan do̱ꞌ, Felipé do̱ꞌ, Bartolomé do̱ꞌ,

San Mateo 16:18

Ne̱ cuano̱ nihánj me se cata̱j xnaꞌanj ꞌu̱nj rihaan so̱ꞌ se vaa ya̱ Pedró cuꞌna̱j so̱ꞌ, cheꞌé se ase vaa yuvej na̱j tacóó veꞌ roꞌ, vaa so̱ꞌ, ne̱ síí nucua̱j ndoꞌo nimán mé so̱ꞌ ado̱nj. Cheꞌé dan, ase vaa ꞌyaj nii uneꞌ nii veꞌ xráá yuvej roꞌ, da̱nj ga̱a̱ qui̱ꞌyáj, cune̱ꞌ ꞌu̱nj man xꞌneꞌ nij síí noco̱ꞌ manj, se vaa gu̱un nucua̱j rá nij soꞌ mán so̱ꞌ na̱nj ado̱nj. Ne̱ se̱ quiꞌyaj canaán se ꞌyaj aviꞌ yuvii̱ man xꞌneꞌ nij síí noco̱ꞌ manj a̱ maꞌ.

San Mateo 15:29

Ga̱a ne̱ curiha̱nj Jesús rej yoꞌ, ne̱ cachén soꞌ tuꞌva na laguaná cuꞌna̱j Galilea, ga̱a ne̱ cavii soꞌ raa̱ ꞌo̱ tacaan, ne̱ caꞌanj ca̱yáán soꞌ rihaan yoꞌóó a.

San Juan 6:1

Cachén doj, ga̱a ne̱ cavii Jesús caꞌanj soꞌ rej xco̱ na laguaná cuꞌna̱j Galilea a. Tiberias cuꞌna̱j ꞌó se‑chuvi̱i na laguaná yoꞌ a.

San Juan 21:1

Cachén do̱j, ga̱a ne̱ cuchiꞌ uún Jesús rihaan nij síí tucuꞌyón snana̱ soꞌ rej nu̱u̱ na laguaná cuꞌna̱j Tiberias a. Ne̱ nihánj me se vaa quiꞌyaj soꞌ a.

San Juan 6:8

Dan me se ꞌo̱ síí tucuꞌyón snana̱ soꞌ síí cuꞌna̱j Andrés tinúú Simón Pedró me se cataj soꞌ rihaan Jesús a:

San Marcos 7:31

Ga̱a ne̱ curiha̱nj uún Jesús rej na̱j chumanꞌ Tiro, ne̱ cachén soꞌ scaꞌnúj chumanꞌ cuꞌna̱j Sidón, ne̱ cachén soꞌ scaꞌnúj rej cuꞌna̱j Chi̱ꞌ Chumanꞌ, ne̱ caꞌanj uún soꞌ tuꞌva na laguaná Galilea a.

San Mateo 4:19

Ne̱ cataj Jesús rihaan ro̱j soꞌ a: ―Canoco̱ꞌ ro̱j so̱j manj á. ꞌO̱ se síí naquiꞌyaj chre̱ꞌ xcuaj me ro̱j so̱j, tza̱j ne̱ rej riha̱a̱n níꞌ me se gu̱un ro̱j so̱j síí naquiꞌyaj chre̱ꞌ yuvii̱, qui̱ꞌyáj, ne̱ canoco̱ꞌ nij yuvii̱ manj a ―taj Jesús rihaan ro̱j tinu̱j ro̱j soꞌ a.