San Mateo 28:20 - Triqui de San Juan Copala

²⁰ Ne̱ tu̱cuꞌyón soj rihaan nij yuvii̱ se vaa quiꞌya̱j nij yuvii̱ nu̱ꞌ suun caꞌnéꞌ ꞌu̱nj rihaan soj á. Veé dan yu̱u̱n cheꞌe̱ cache̱e̱ ꞌu̱nj ga̱ soj da̱j a̱ güii, nda̱a se navi̱j nu̱ꞌ chumii̱ nihánj na̱nj ado̱nj ―taj Jesús rihaan nij soꞌ a.

San Mateo 28:20 Referans Kwoze

San Mateo 1:23

Ni̱ꞌyaj soj á. Nari̱ꞌ ꞌo̱ chana̱ ya̱a̱n neꞌej, ne̱ cuchru̱j noꞌ neꞌej sno̱ꞌo, ne̱ Emanuel cuꞌna̱j neꞌej ado̱nj, da̱nj caꞌmii Yaꞌanj Si̱j ꞌNi̱j Raꞌa man níꞌ ga̱a naá rihaan síí nataꞌ snana̱ Yaꞌanj, ne̱ nana̱ Emanuel me raj cata̱a se vaa ca̱yáán maꞌa̱n Yaꞌanj ga̱ níꞌ ado̱nj.

San Mateo 18:20

Ese me rej maꞌa̱n nuu chre̱ꞌ vi̱j vaꞌnu̱j yuvii̱ cheꞌé se‑chu̱vií ꞌu̱nj cachi̱nj niꞌya̱j nij soꞌ, ne̱ veé da̱nj nicu̱nꞌ ma̱ꞌanj ga̱ nij soꞌ na̱nj ado̱nj ―taj Jesús a.

San Marcos 16:20

Ga̱a ne̱ nij síí tucuꞌyón snana̱ soꞌ me se caꞌanj caꞌmi̱i̱ natáj nij soꞌ snana̱ soꞌ nu̱ꞌ nij chumanꞌ, ne̱ racuíj Síí ꞌNi̱j Raꞌa man níꞌ man nij soꞌ, ne̱ dan me se cheꞌé suun sa̱ꞌ noco̱o quiꞌyaj nij soꞌ me se xraan doj canocoꞌ nij yuvii̱ snana̱ Jesús a.

Colosenses 1:28

Ne̱ maꞌa̱n núj me síí nataꞌ rihaan cunuda̱nj yuvii̱ cheꞌé Cristó, ne̱ nagoꞌ núj chrej nucua̱j man nij yuvii̱ se vaa canoco̱ꞌ nij yuvii̱ man Cristó a. Ne̱ tucuꞌyón núj nana̱ sa̱ꞌ cu̱u rihaan cunuda̱nj yuvii̱, cheꞌé rej asa̱ꞌ cachrón núj man nij soꞌ rihaan Yaꞌanj, ne̱ sa̱ꞌ ina̱nj ga̱a̱ nij soꞌ, cheꞌé se sa̱ꞌ uxrá nocoꞌ nij soꞌ man Cristó a.

1 Corintios 14:37

Sese guun rá ꞌo̱ soꞌ se vaa neꞌen soꞌ nata̱ꞌ soꞌ nana̱ rqué Yaꞌanj rihaan soꞌ do̱ꞌ, sese guun rá soꞌ se vaa ya̱nj Nimán Yaꞌanj ga̱ maꞌa̱n soꞌ do̱ꞌ, ne̱ xca̱j soꞌ cuentá se vaa nana̱ nihánj nana̱ cachrón ꞌu̱nj cheꞌé soj roꞌ, suun caꞌneꞌ maꞌa̱n Síí ꞌNi̱j Raꞌa man níꞌ rihaan níꞌ me nana̱ nihánj a.

2 Timoteo 4:17

ꞌO̱ se canicunꞌ Síí ꞌNi̱j Raꞌa man níꞌ ga̱ ꞌu̱nj, ne̱ soꞌ me síí quiꞌyaj guun nu̱cuáá ꞌu̱nj natáꞌ ꞌu̱nj nu̱ꞌ snana̱ Yaꞌanj cuno cunuda̱nj nij yuvii̱ yaníj, ne̱ tinanii soꞌ manj rihaan sayuun noco̱o a.

Hechos 2:42

Dan me se ꞌo̱ canocoꞌ xraan nij síí noco̱ꞌ man Jesús tucuáán tucuꞌyón nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij soꞌ, ne̱ ꞌo̱ guun tuvi̱ꞌ cunuda̱nj nij soꞌ a. Ne̱ ꞌo̱ cuxraꞌ taꞌa̱j nij soꞌ rachrúún chá nij soꞌ, ne̱ ꞌo̱ chre̱ꞌ cachíín niꞌya̱j nij soꞌ rihaan Yaꞌanj a.

San Mateo 6:13

Ca̱ráán raꞌá so̱ꞌ xráá núj rihaan chrej chiꞌi̱i̱, ne̱ ti̱nanii so̱ꞌ man núj se̱ quiꞌyaj núj cacunꞌ, quiꞌya̱j Síí Chre̱e maꞌ. Ina̱nj da̱nj caꞌmi̱i̱ soj cachi̱nj niꞌya̱j soj rihaan Yaꞌanj ado̱nj.

1 Corintios 11:2

A̱ ꞌó güii ne quiniꞌyo̱n soj manj, ne̱ veꞌé ꞌyaj soj nu̱ꞌ tucuáán tucuꞌyonj rihaan soj, ne̱ cheꞌé dan taj ꞌu̱nj se vaa sa̱ꞌ uxrá quiꞌyaj soj á.

San Mateo 13:49

Ne̱ ase vaa quiranꞌ nij xcuaj yoꞌ roꞌ, da̱nj quira̱nꞌ yuvii̱ asa̱ꞌ caꞌneꞌ Yaꞌanj cacunꞌ cheꞌé yuvii̱ a. Cavi̱i̱ nij se‑mo̱zó Yaꞌanj ne̱ cuxra̱ꞌ taꞌa̱j nij soꞌ man nij síí chiꞌi̱i̱ ga̱ nij síí vaa sa̱ꞌ a.

Apocalipsis 22:14

Cavi̱i̱ sa̱ꞌ uxrá nij síí náán saga̱nꞌ ne̱ navij cacunꞌ ata̱ nij soꞌ a. ꞌO̱ se cuno̱ xcúún nij soꞌ cha̱ nij soꞌ chruj ma̱n raa̱ chruun ꞌyaj ga̱a̱ iꞌna̱ꞌ yuvii̱ nu̱ꞌ cavii nu̱ꞌ caꞌanj, ne̱ catu̱u̱ nij soꞌ taꞌyaa ta̱j tuꞌva chumanꞌ yoꞌ a.

2 Pedro 3:2

Me raj ninu̱j rá soj nana̱ caꞌmii nij síí sa̱ꞌ síí nataꞌ snana̱ Yaꞌanj ga̱a naá, ne̱ me raj ninu̱j rá soj suun caꞌneꞌ Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun, suun narqué núj si̱j cuneꞌ soꞌ caꞌa̱nj nata̱ꞌ snana̱ soꞌ rihaan soj a.

Hechos 20:27

ꞌO̱ se ne aꞌneꞌ rá ꞌu̱nj ga̱ suun natáꞌ ꞌu̱nj rihaan cunuda̱nj soj nu̱ꞌ se vaa me rá Yaꞌanj cuno̱ soj maꞌ.

Apocalipsis 1:18

Ne̱ síí vaa iꞌna̱ꞌ mej a. Dan me se cavíꞌ ꞌu̱nj, tza̱j ne̱ cuano̱ nihánj me se vaa iꞌna̱ꞌ uún ꞌu̱nj, ne̱ dan me se ꞌo̱ ga̱a̱ iꞌna̱ꞌ ꞌu̱nj nu̱ꞌ cavii nu̱ꞌ caꞌanj ado̱nj. Ne̱ ꞌu̱nj roꞌ, me síí ata̱ suun cata̱j me síí cavi̱ꞌ ne̱ me síí caꞌa̱nj rej ma̱n nimán nij síí caviꞌ ado̱nj.

1 Corintios 11:23

Dan me se cataj xnaꞌanj Síí ꞌNi̱j Raꞌa man níꞌ rihanj da̱j quiꞌya̱j níꞌ ga̱a cha̱ xtiꞌno̱ níꞌ cheꞌé soꞌ, ne̱ a̱j cataj xnaꞌanj ꞌu̱nj nana̱ yoꞌ rihaan soj á. Dan me se ga̱a quisíj güii tacuachén síí cuꞌna̱j Judas man Jesús Si̱j ꞌNi̱j Raꞌa man níꞌ rihaan nij síí ta̱j riꞌyunj man Jesús, ga̱a ne̱ ma̱an tiꞌnuu dan roꞌ, nica̱j Síí ꞌNi̱j Raꞌa man níꞌ rachrúún,

San Mateo 24:3

Dan me se caꞌanj ca̱yáán Jesús raa̱ tacaan cuꞌna̱j Tacaan ma̱n Chruun Olivó, ne̱ cuchiꞌ o̱rúnꞌ nij síí tucuꞌyón snana̱ soꞌ rihaan soꞌ, ne̱ cataj nij soꞌ a: ―Cata̱j xnaꞌanj so̱ꞌ rihaan núj aman cane̱e̱ nu̱ꞌ nuvií noco̱o yoꞌ do̱ꞌ, a̱ me suun noco̱o caꞌna̱ꞌ qui̱ꞌyáá so̱ꞌ asa̱ꞌ quisíj caꞌna̱ꞌ so̱ꞌ queneꞌe̱n núj ne̱ navi̱j nu̱ꞌ chumii̱ nihánj do̱ꞌ, ga̱a maestro̱ꞌ ―taj nij soꞌ, xnáꞌanj nij soꞌ man Jesús a.