San Mateo 28:18 - Triqui de San Juan Copala

¹⁸ Ga̱a ne̱ cuchiꞌ Jesús rihaan nij soꞌ, ne̱ cataj soꞌ rihaan nij soꞌ a: ―Ya̱j me se ꞌu̱nj me síí uun chij xta̱ꞌ do̱ꞌ, nu̱ꞌ rihaan yoꞌóó do̱ꞌ, quiꞌyaj Yaꞌanj ado̱nj.

San Mateo 28:18 Referans Kwoze

San Juan 3:35

ꞌE̱e̱ rá Rej soꞌ man soꞌ, ne̱ rqué Rej soꞌ cunuda̱nj rasu̱u̱n man soꞌ, cheꞌé rej gu̱un chij soꞌ rihaan cunuda̱nj nij rasu̱u̱n yoꞌ ado̱nj.

1 Pedro 3:22

Dan me se quisíj cunuu iꞌna̱ꞌ uún Jesucristó, ga̱a ne̱ quinanꞌ soꞌ rej xta̱ꞌ, ne̱ xꞌnúú Yaꞌanj rej nuva̱ꞌ Yaꞌanj yáán soꞌ cuano̱, ne̱ uun chij soꞌ rihaan cunuda̱nj nij se‑mo̱zó Yaꞌanj do̱ꞌ, rihaan nu̱ꞌ nij síí me nana̱ uun chij do̱ꞌ, nana̱ nucua̱j do̱ꞌ ado̱nj.

San Mateo 11:27

Canica̱j Jesús caꞌmii soꞌ rihaan nij yuvii̱, cataj soꞌ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. Ne̱ a̱ ꞌó síí ne neꞌen da̱j vaa ꞌu̱nj; ma̱an o̱rúnꞌ Réj neꞌen a. ꞌO̱ se Taꞌníí soꞌ mej ado̱nj. Ne̱ a̱ ꞌó yuvii̱ ne neꞌen da̱j vaa Réj maꞌ. Ma̱an o̱rúnꞌ ꞌu̱nj neꞌen da̱j vaa soꞌ ado̱nj. Ne̱ sese me rá ꞌu̱nj cata̱j xnaꞌanj ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj.

Hebreos 2:8

Quiꞌyáá so̱ꞌ se vaa rii taꞌngaꞌ soꞌ rihaan cunuda̱nj rasu̱u̱n ado̱nj. Da̱nj taj nana̱ no̱ rihaan Danj Yaꞌanj a. Ne̱ dan me se ya̱ quiri̱i̱ taꞌngaꞌ nij yuvii̱ rihaan cunuda̱nj rasu̱u̱n ado̱nj. Tza̱j ne̱ neꞌen níꞌ se vaa ya̱j me se ataa quiri̱i̱ taꞌngaꞌ nij yuvii̱ rihaan cunuda̱nj rasu̱u̱n a.

1 Corintios 15:27

Danj Yaꞌanj taj se vaa quiꞌya̱j canaán Cristó rihaan cunuda̱nj rasu̱u̱n, quiꞌya̱j Yaꞌanj a. Da̱nj aꞌmii Danj Yaꞌanj, tza̱j ne̱ se̱ guun chij Cristó rihaan maꞌa̱n Yaꞌanj maꞌ. ꞌO̱ se Yaꞌanj me síí quiꞌyaj guun chij soꞌ rihaan cunuda̱nj ꞌó nij rasu̱u̱n ado̱nj.

San Juan 17:2

cheꞌé se uun chij ꞌu̱nj rihaan cunuda̱nj yuvii̱, quiꞌyáá so̱ꞌ a. Ne̱ cheꞌé dan nu̱ꞌ nij síí rqué so̱ꞌ manj me se ga̱a̱ iꞌna̱ꞌ nij soꞌ nu̱ꞌ cavii nu̱ꞌ caꞌanj, qui̱ꞌyáj a.

San Juan 13:3

Ne̱ a̱j queneꞌen Jesús se vaa quisíj guun chij maꞌa̱n soꞌ rihaan cunuda̱nj rasu̱u̱n, quiꞌyaj Yaꞌanj, ne̱ a̱j queneꞌen soꞌ se vaa si̱j cavii rej ya̱nj Yaꞌanj me soꞌ ne̱ quina̱nꞌ uún soꞌ rihaan Yaꞌanj a.

Hebreos 1:2

Tza̱j ne̱ ya̱j ga̱a nichrunꞌ caꞌa̱nj niꞌya̱ chumii̱ nihánj me se cataj xnaꞌanj maꞌa̱n ya̱ Taꞌníí Yaꞌanj snana̱ Yaꞌanj rihaan níꞌ, quiꞌyaj Yaꞌanj, ne̱ Taꞌníí Yaꞌanj me síí cuneꞌ Yaꞌanj man se vaa gu̱un siꞌya̱j soꞌ man cunuda̱nj rasu̱u̱n vaa güii, ne̱ soꞌ me síí quiꞌyaj nu̱ꞌ chumii̱ ga̱ xta̱ꞌ, quiꞌyaj Yaꞌanj ado̱nj.

Colosenses 2:10

Ne̱ Cristó me síí uun chij rihaan nu̱ꞌ nij nana̱ chre̱e ma̱n rihaan chumii̱ nihánj, ne̱ ya̱nj Cristó ga̱ soj, ne̱ cheꞌé dan taj se achiin man soj cuano̱ maꞌ.

San Lucas 10:22

Canica̱j Jesús, cataj soꞌ rihaan nij yuvii̱ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. A̱ ꞌó síí ne neꞌen da̱j vaa ꞌu̱nj Taꞌni̱j soꞌ, ma̱an se o̱rúnꞌ Réj neꞌen a. Ne̱ a̱ ꞌó síí ne neꞌen da̱j vaa Réj maꞌ. Ma̱an se o̱rúnꞌ ꞌu̱nj Taꞌni̱j soꞌ neꞌen da̱j vaa soꞌ ado̱nj. Ne̱ sese me rá ꞌu̱nj ti̱haán ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj ―taj Jesús rihaan nij yuvii̱ a.

Apocalipsis 19:16

Ne̱ rihaan saga̱nꞌ soꞌ ne̱ rihaan taꞌmaa̱n soꞌ roꞌ, nó se‑chuvi̱i soꞌ, ne̱ “Rey uun chij doj rihaan ꞌó da̱nj rey, ne̱ Síí nica̱j suun noco̱o doj rihaan ꞌó da̱nj síí nica̱j suun”, me se‑chuvi̱i soꞌ a.

Romanos 14:9

Dan me se me rá Cristó ni̱caj yuꞌunj soꞌ man yuvii̱ vaa iꞌna̱ꞌ do̱ꞌ, man yuvii̱ caviꞌ do̱ꞌ, ne̱ cheꞌé dan caviꞌ soꞌ, ne̱ cunuu iꞌna̱ꞌ uún soꞌ a.

Apocalipsis 17:14

Ga̱a ne̱ cunu̱ꞌ ta̱ranꞌ nij soꞌ ga̱ Matzinj Leꞌe̱j, tza̱j ne̱ quiꞌya̱j canaán doj Matzinj Leꞌe̱j rihaan nij soꞌ ado̱nj. ꞌO̱ se Matzinj Leꞌe̱j roꞌ, me síí nica̱j suun noco̱o doj rihaan ꞌó da̱nj nij síí nica̱j suun, ne̱ rey uun chij doj rihaan ꞌó da̱nj nij rey me uún soꞌ ado̱nj. Ne̱ nij tuviꞌ soꞌ roꞌ, me nij síí canacúún soꞌ canoco̱ꞌ man soꞌ, ne̱ dan me se a̱j narii soꞌ man nij soꞌ, ne̱ ꞌo̱ amán rá nij soꞌ niꞌya̱j nij soꞌ man soꞌ na̱nj ado̱nj ―taj se‑mo̱zó Yaꞌanj rihanj a.

Apocalipsis 11:15

Ga̱a ne̱ dan me se caꞌyánj se‑mo̱zó Yaꞌanj mozó chi̱j chruun aꞌyánj, ga̱a ne̱ nucua̱j ndoꞌo caꞌmii síí ma̱n rej xta̱ꞌ, cataj nij soꞌ a: Nihánj me a̱j uun chij Yaꞌanj Si̱j ꞌNi̱j Raꞌa man níꞌ do̱ꞌ, Síí Caꞌnéé Soꞌ Ti̱nanii man Yuvii̱ rihaan Sayuun do̱ꞌ, rihaan chumii̱ nihánj, ne̱ dan me se ꞌo̱ gu̱un chij Yaꞌanj nu̱ꞌ cavii nu̱ꞌ caꞌanj na̱nj ado̱nj, taj nij síí ma̱n rej xta̱ꞌ a.

San Mateo 26:64

Ga̱a ne̱ cataj Jesús rihaan soꞌ a: ―Ya̱ vaa nana̱ caꞌmii ma̱ꞌán so̱ꞌ ado̱nj. Ne̱ vaj a̱ doj cata̱j xnaꞌanj ꞌu̱nj rihaan so̱ꞌ se vaa nda̱a ya̱j queneꞌe̱n soj manj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ queneꞌe̱n soj se vaa quita̱j ꞌu̱nj rej nuva̱ꞌ Yaꞌanj ne̱ ni̱caj ꞌu̱nj se‑nucua̱j soꞌ gu̱un chij ꞌu̱nj ado̱nj. Ne̱ queneꞌe̱n uún soj se vaa caꞌna̱ꞌ uún ꞌu̱nj rihaan chumii̱ nihánj, ne̱ quita̱j ꞌu̱nj xráá ngaa xta̱ꞌ caꞌna̱j ado̱nj ―taj Jesús rihaan xrej ata̱ suun noco̱o doj yoꞌ a.

Hechos 2:36

Cheꞌé dan vaa cheꞌé ndoꞌo xca̱j ya̱ ta̱ranꞌ soj si̱j israelitá cuentá se vaa xa̱ꞌ Jesús síí cachrón maꞌa̱n soj rihaan rcutze̱, tza̱j ne̱ Síí ꞌNi̱j Raꞌa man níꞌ me soꞌ quiꞌyaj Yaꞌanj a. Ne̱ Síí Caꞌnéé Yaꞌanj Ti̱nanii man Yuvii̱ rihaan Sayuun me uún soꞌ quiꞌyaj Yaꞌanj ado̱nj ―taj Pedró rihaan nij yuvii̱ cunuu chre̱ꞌ yoꞌ a.

Hechos 10:36

A̱j neꞌen nij soj nana̱ sa̱ꞌ caꞌnéé Yaꞌanj rihaan núj si̱j israelitá se vaa veꞌé naca̱j Yaꞌanj man núj cheꞌé se vaa quiꞌyaj Jesucristó cheꞌé núj, ne̱ Jesucristó roꞌ, me Síí ꞌNi̱j Raꞌa man cunuda̱nj yuvii̱ ado̱nj.

San Mateo 16:28

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa xa̱ꞌ taꞌa̱j soj si̱j nicu̱nꞌ nihánj cuano̱ me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ gu̱un chij ꞌu̱nj rihaan chumii̱ nihánj ado̱nj ―taj Jesús rihaan nij síí tucuꞌyón snana̱ soꞌ a.

San Juan 3:31

Síí nanij rihaan chumii̱ nihánj roꞌ, soꞌ me síí noco̱o doj rihaan cunuda̱nj nij yuvii̱ ado̱nj. Tza̱j ne̱ nij síí ma̱n rihaan chumii̱ nihánj roꞌ, ina̱nj cheꞌé rasu̱u̱n ma̱n rihaan chumii̱ nihánj xcaj nij soꞌ cuentá do̱ꞌ, aꞌmii nij soꞌ do̱ꞌ ado̱nj. Tza̱j ne̱ síí nanij rej xta̱ꞌ roꞌ, me síí noco̱o doj rihaan cunuda̱nj nij yuvii̱ ado̱nj.