San Mateo 27:63 - Triqui de San Juan Copala

⁶³ ne̱ cataj nij soꞌ a: ―Nu̱u̱ rá núj da̱j cataj síí tihaꞌ yuꞌunj yoꞌ ga̱a vaa iꞌna̱ꞌ soꞌ, señor. Dan me se cataj soꞌ se vaa cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ ado̱nj.

San Mateo 27:63 Referans Kwoze

San Lucas 9:22

Ga̱a ne̱ cataj uún Jesús rihaan nij síí tucuꞌyón snana̱ soꞌ a: ―Xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ no̱ xcúún ꞌu̱nj quira̱nꞌ ndoꞌo ꞌu̱nj sayuun quiꞌya̱j nij síí uun chij do̱ꞌ, quiꞌya̱j nij xrej ata̱ suun noco̱o do̱ꞌ, quiꞌya̱j nij síí naquiꞌyaj cu̱u stucua̱nj Moisés do̱ꞌ, ne̱ nachri̱ꞌ ndoꞌo nij soꞌ ni̱ꞌyaj nij soꞌ mán ꞌu̱nj, ne̱ ticavi̱ꞌ nii mán ꞌu̱nj, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj ado̱nj ―taj Jesús rihaan nij soꞌ a.

San Mateo 16:21

Dan me se güii yoꞌ guun cheꞌe̱ Jesús cataj xnaꞌanj Jesús rihaan nij síí tucuꞌyón snana̱ soꞌ se vaa no̱ xcúún soꞌ caꞌa̱nj soꞌ chumanꞌ Jerusalén, ne̱ quira̱nꞌ ndoꞌo soꞌ sayuun quiꞌya̱j nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ a. Ne̱ ticavi̱ꞌ nii man soꞌ, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ a.

San Juan 2:19

Ne̱ cataj Jesús rihaan nij soꞌ a: ―Tiri̱ꞌ soj man nuvií nihánj, ne̱ rque vaꞌnu̱j güii, ne̱ cunu̱u sa̱ꞌ uún nuvií nihánj, qui̱ꞌyáj chugua̱nj ―taj Jesús a.

San Lucas 18:33

ne̱ go̱ꞌ nij soꞌ cuartá xráj, ga̱a ne̱ ticavi̱ꞌ nij soꞌ manj a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús rihaan nij soꞌ a.

San Marcos 10:34

ne̱ caꞌnga̱ꞌ naco̱o̱ nij síí yaníj ni̱ꞌyaj nij soꞌ manj, ne̱ go̱ꞌ nij soꞌ cuartá xráj, ne̱ quiri̱i̱ talúj nij soꞌ rihanj, ne̱ ticavi̱ꞌ nij soꞌ manj a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús rihaan chuvi̱j nij síí tucuꞌyón snana̱ soꞌ a.

San Marcos 8:31

Ga̱a ne̱ guun cheꞌe̱ Jesús tucuꞌyón soꞌ man nij síí tucuꞌyón snana̱ soꞌ se vaa vaa cheꞌé quira̱nꞌ ndoꞌo soꞌ Si̱j Caꞌnéé Yaꞌanj Ni̱caj Yuꞌunj man Yuvii̱ sayuun a. Nachri̱ꞌ nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, ni̱ꞌyaj nij soꞌ man soꞌ, ne̱ ticavi̱ꞌ nii man soꞌ a. Ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ a.

San Mateo 20:19

Ga̱a ne̱ nago̱ꞌ nij soꞌ manj rihaan nij síí yaníj, ne̱ caꞌnga̱ꞌ naco̱o̱ nij síí yaníj queneꞌe̱n nij soꞌ manj, ne̱ go̱ꞌ nij soꞌ cuartá xráj, ne̱ cachro̱n nij soꞌ manj rihaan rcutze̱ a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús a.

San Mateo 17:23

ne̱ ticavi̱ꞌ nij yuvii̱ manj, ga̱a ne̱ cache̱n vaꞌnu̱j güii, tza̱j ne̱ cunu̱u iꞌna̱ꞌ uún ꞌu̱nj na̱nj ado̱nj ―taj Jesús a. Ga̱a ne̱ quinanó ndoꞌo rá nij síí tucuꞌyón snana̱ soꞌ a.

San Mateo 26:61

ne̱ cataj ro̱j soꞌ a: ―Síí nihánj cataj se vaa gu̱un nucua̱j soꞌ ta̱cuanee soꞌ nuvií noco̱o snuvií Yaꞌanj, ne̱ rque vaꞌnu̱j güii cune̱ꞌ uún soꞌ nuvií yoꞌ, taj soꞌ chugua̱nj ―taj ro̱j soꞌ a.

2 Corintios 6:8

Vaa yuvii̱ aꞌmii cochro̱j cheꞌé núj ne̱ vaa yuvii̱ aꞌmii nij cheꞌé núj, vaa yuvii̱ taj se vaa se nij ꞌyaj núj ne̱ vaa yuvii̱ taj se vaa se sa̱ꞌ ꞌyaj núj, ne̱ vaa yuvii̱ taj se vaa síí ne̱ me núj, tza̱j ne̱ nana̱ ya̱ aꞌmii núj ado̱nj.

San Juan 7:12

Ne̱ ri̱i̱ ndoꞌo yuvii̱ man chaꞌanj ne̱ nanó yuve̱ ndoꞌo nij yuvii̱ cuentó cheꞌé Jesús a. Dan me se taꞌa̱j nij yuvii̱ cataj a: ―Síí sa̱ꞌ me soꞌ á ―taj taꞌa̱j nij yuvii̱ a. Tza̱j ne̱ ꞌó taꞌa̱j nij yuvii̱ cataj a: ―Taj maꞌ. Síí tihaꞌ yuꞌunj man nij yuvii̱ me soꞌ na̱nj ado̱nj ―taj ꞌó taꞌa̱j nij yuvii̱ yoꞌ a.

San Lucas 23:2

Ga̱a ne̱ cutaꞌ nij soꞌ cacunꞌ xráá soꞌ rihaan Pilató, ne̱ cataj nij soꞌ rihaan Pilató a: ―Síí nihánj roꞌ, me síí tucuꞌyón tucuáán ne̱ rihaan tuviꞌ núj si̱j israelitá a. Ne̱ cataj soꞌ se vaa se̱ goꞌ yuvii̱ impuestó rihaan síí nica̱j suun emperador cuꞌna̱j César, ne̱ taj soꞌ se vaa Si̱j Caꞌnéé Yaꞌanj gu̱un síí nica̱j suun rey me maꞌa̱n soꞌ, taj soꞌ ado̱nj ―taj nij soꞌ rihaan Pilató, niꞌya̱j nij soꞌ man Jesús a.

San Juan 7:47

Cheꞌé dan cataj nij síí fariseo rihaan nij tanuu a: ―Tihaꞌ yuꞌunj soꞌ man soj uún a̱ naꞌ.

San Mateo 27:64

Cheꞌé dan caꞌne̱ꞌ so̱ꞌ suun rihaan tanuu se vaa tu̱mé tanuu man yuꞌuj na̱j soꞌ nda̱a se quisi̱j vaꞌnu̱j güii yoꞌ rugua̱nj. Sese se̱ quiꞌyaj níꞌ da̱nj, ne̱ caꞌna̱ꞌ nij síí tucuꞌyón snana̱ soꞌ, ne̱ quiri̱i̱ nij soꞌ cúú man soꞌ, ne̱ cata̱j nij soꞌ rihaan nij yuvii̱ se vaa cunuu iꞌna̱ꞌ uún soꞌ na̱nj ado̱nj. Asa̱ꞌ quisíj, ga̱a ne̱ doj a̱ tiha̱ꞌ yuꞌunj uún nij soꞌ man nij yuvii̱ na̱nj ado̱nj ―taj nij soꞌ rihaan Pilató a.

San Mateo 28:6

Taj va̱j soꞌ naj nihánj a̱ maꞌ. ꞌO̱ se cunuu iꞌna̱ꞌ uún soꞌ, nda̱a vaa cataj xnaꞌanj soꞌ rihaan soj na̱nj á. Catu̱u̱ ro̱j so̱j ni̱ꞌyaj ro̱j so̱j rej quinaj soꞌ á.

San Marcos 9:31

ꞌO̱ se tihaa̱n soꞌ man nij síí tucuꞌyón snana̱ soꞌ a: ―Dan me se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me se vaa güii nago̱ꞌ nii mán ꞌu̱nj rihaan yuvii̱, ne̱ ticavi̱ꞌ nij yuvii̱ manj, ga̱a ne̱ cache̱n vaꞌnu̱j güii, tza̱j ne̱ cunu̱u iꞌna̱ꞌ uún ꞌu̱nj na̱nj ado̱nj ―taj Jesús a.

San Lucas 18:31

Dan me se nica̱j Jesús chuvi̱j nij síí tucuꞌyón snana̱ soꞌ caꞌanj soꞌ, ne̱ cataj soꞌ rihaan nij soꞌ a: ―Ni̱ꞌyaj soj á. Va̱j níꞌ chumanꞌ Jerusalén, ne̱ asa̱ꞌ cuchiꞌ níꞌ, ne̱ quisi̱j ya̱ nu̱ꞌ nana̱ cachrón nij síí nataꞌ snana̱ Yaꞌanj ga̱a naá cheꞌé ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ a.