San Mateo 27:29 - Triqui de San Juan Copala

²⁹ ne̱ quiꞌyaj nij soꞌ cachriin tanj, ne̱ cutaꞌ nij soꞌ cachriin tanj raa̱ Jesús, ne̱ caxríj nij soꞌ ꞌo̱ rihaa ston Jesús da̱j se vaa ꞌo̱ chruun vará nica̱j síí ata̱ suun a. Ga̱a ne̱ caꞌanj ca̱yáán ru̱j nij tanuu rihaan Jesús, ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús, ne̱ cataj nij soꞌ a: ―Ya̱ ya̱ si̱j nica̱j suun rey rii taꞌngaꞌ rihaan nij yuvii̱ israelitá mé so̱ꞌ ei ―taj nij soꞌ tihaꞌ nij soꞌ man Jesús a.

San Mateo 27:29 Referans Kwoze

San Mateo 20:19

Ga̱a ne̱ nago̱ꞌ nij soꞌ manj rihaan nij síí yaníj, ne̱ caꞌnga̱ꞌ naco̱o̱ nij síí yaníj queneꞌe̱n nij soꞌ manj, ne̱ go̱ꞌ nij soꞌ cuartá xráj, ne̱ cachro̱n nij soꞌ manj rihaan rcutze̱ a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús a.

San Marcos 15:18

Ga̱a ne̱ guun cheꞌe̱ nij tanuu caguáj nij tanuu rihaan Jesús, cataj nij soꞌ a: ―Ya̱ ya̱ si̱j nica̱j suun rey rii taꞌngaꞌ rihaan nij yuvii̱ israelitá mé so̱ꞌ na̱nj ado̱nj ―taj nij soꞌ, tihaꞌ nij soꞌ man Jesús a.

San Mateo 27:37

Ne̱ cachrón nij tanuu ꞌo̱ rcuchra̱ꞌ raa̱ rcutze̱, ne̱ no̱ letrá rihaan rcuchra̱ꞌ taj xnaꞌanj me cheꞌé cavi̱ꞌ Jesús a: “Síí nihánj me Jesús, ne̱ síí nica̱j suun rey uun chij rihaan nij yuvii̱ israelitá me soꞌ a”, taj letrá yoꞌ a.

San Mateo 26:49

Ga̱a ne̱ nu̱ꞌ cuchiꞌ soꞌ cuaj rihaan Jesús, ne̱ cataj soꞌ a: ―Caꞌnaꞌ uxrá ꞌu̱nj, na̱nj maestro ―taj soꞌ rihaan Jesús a. Ga̱a ne̱ nu̱ꞌ cachrón tuꞌva̱ soꞌ xruu̱ Jesús a.

San Marcos 15:17

Ga̱a ne̱ nanuû Jesús saga̱nꞌ rey yatzíj tintá, quiꞌyaj nij tanuu, ne̱ quiꞌyaj nij soꞌ cachriin tanj, cutaꞌ nij soꞌ raa̱ Jesús a.