San Mateo 26:75 - Triqui de San Juan Copala

⁷⁵ Ga̱a ne̱ ninuj rá Pedró nda̱a vaa cataj Jesús rihaan soꞌ quii se vaa ga̱a ataa cagua̱j taꞌloo, ne̱ vaꞌnu̱j cata̱j Pedró se vaa né si̱j noco̱ꞌ man Jesús me maꞌa̱n Pedró maꞌ. Ga̱a ne̱ curiha̱nj Pedró xeꞌ, ne̱ uxrá taꞌvee Pedró a.

San Mateo 26:75 Referans Kwoze

San Mateo 26:34

Ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa a̱j neꞌén ꞌu̱nj se vaa nii̱ corá ga̱a ataa cagua̱j taꞌloo, ne̱ vaꞌnu̱j ya̱ cata̱j so̱ꞌ rihaan yuvii̱ se vaa né si̱j noco̱ꞌ manj mé so̱ꞌ maꞌ ―taj Jesús rihaan Pedró a.

San Juan 13:38

Ga̱a ne̱ cataj Jesús rihaan soꞌ a: ―Ya̱ ya̱ caꞌne̱j nimán so̱ꞌ cavi̱ꞌ so̱ꞌ cheꞌej, rá so̱ꞌ naꞌ. Cuano̱ nihánj me se cata̱j yá ꞌu̱nj rihaan so̱ꞌ se vaa ga̱a ataa cagua̱j taꞌloo, ne̱ vaꞌnu̱j ya̱ cata̱j so̱ꞌ se vaa ne neꞌén so̱ꞌ manj chugua̱nj ―taj Jesús rihaan Pedró a.

Gálatas 6:1

Sese ya̱ xcaj nij soj cuentá se vaa quiꞌyaj ꞌo̱ tinúú soj cacunꞌ, ne̱ soj si̱j veꞌé noco̱ꞌ Nimán Yaꞌanj roꞌ, nago̱ꞌ soj chrej man síí tumé cacunꞌ da̱j quiꞌya̱j soꞌ rej rihaan soꞌ, tinu̱j, nocoj. Tza̱j ne̱ nica̱ꞌ ga̱a̱ nimán soj, ne̱ veꞌé caꞌmi̱i̱ soj nana̱ sa̱ꞌ ga̱ síí tumé cacunꞌ á. Dan me se ta̱dó soj ga̱ maꞌa̱n soj ga̱a nagoꞌ soj chrej na̱nj á. Se taj, ne̱ maꞌa̱n soj do̱ꞌ caꞌa̱nj chrej chiꞌi̱i̱ na̱nj chugua̱nj.

1 Pedro 1:5

Nucua̱j ndoꞌo Yaꞌanj, ne̱ cheꞌé se amán rá soj niꞌya̱j soj man Cristó, cheꞌé dan tumé Yaꞌanj man soj, cheꞌé rej caꞌve̱e nani̱i̱ soj rihaan sayuun ne̱ cavi̱i̱ sa̱ꞌ soj asa̱ꞌ quisíj güii caꞌa̱nj niꞌya̱ chumii̱ nihánj ne̱ queneꞌe̱n níꞌ nu̱ꞌ se vaa quiꞌya̱j soꞌ cheꞌé níꞌ ado̱nj.

1 Corintios 4:7

Sa̱ꞌ doj vaa so̱ꞌ rihaan ꞌó yuvii̱, rá so̱ꞌ naꞌ. Me síí cataj rihaan so̱ꞌ se vaa sa̱ꞌ doj vaa so̱ꞌ ga̱. Sese vaa ꞌo̱ suun aꞌvee sa̱ꞌ ꞌyáá so̱ꞌ, ne̱ me síí racuíj mán so̱ꞌ ꞌyáá so̱ꞌ, rá so̱ꞌ ga̱. Ma̱ꞌán so̱ꞌ ꞌyaj naꞌ. Ase Yaꞌanj racuíj mán so̱ꞌ xa̱ꞌ. Sese Yaꞌanj me síí racuíj mán so̱ꞌ sa̱ꞌ ꞌyáá so̱ꞌ ꞌo̱ suun, ne̱ taj cheꞌé gu̱un xta̱ꞌ nimán so̱ꞌ cata̱j so̱ꞌ se vaa ma̱ꞌán so̱ꞌ ꞌyaj sa̱ꞌ suun yoꞌ maꞌ.

San Mateo 10:33

Ne̱ síí taj xnaꞌanj rihaan yuvii̱ se vaa ne nocoꞌ soꞌ manj roꞌ, vaa güii, ne̱ cata̱j xnaꞌanj ꞌu̱nj rihaan Réé ꞌu̱nj síí nicu̱nꞌ xta̱ꞌ se vaa né si̱j noco̱ꞌ manj me soꞌ a̱ maꞌ.

San Mateo 26:74

Ga̱a ne̱ guun cheꞌe̱ Pedró nucua̱j doj caꞌmii Pedró, cataj Pedró se vaa caꞌve̱e quiꞌya̱j Yaꞌanj sayuun man soꞌ sese né na̱na̱ ya̱ me nana̱ aꞌmii soꞌ, ne̱ cataj soꞌ a: ―Ne neꞌenj man snóꞌo yoꞌ maꞌ ―taj uún Pedró a. Ga̱a ne̱ nu̱ꞌ caguáj taꞌloo a.