San Mateo 26:74 - Triqui de San Juan Copala

⁷⁴ Ga̱a ne̱ guun cheꞌe̱ Pedró nucua̱j doj caꞌmii Pedró, cataj Pedró se vaa caꞌve̱e quiꞌya̱j Yaꞌanj sayuun man soꞌ sese né na̱na̱ ya̱ me nana̱ aꞌmii soꞌ, ne̱ cataj soꞌ a: ―Ne neꞌenj man snóꞌo yoꞌ maꞌ ―taj uún Pedró a. Ga̱a ne̱ nu̱ꞌ caguáj taꞌloo a.

San Mateo 26:74 Referans Kwoze

Apocalipsis 3:19

Dan me se ꞌu̱nj roꞌ, narqué ꞌu̱nj chrej nucua̱j man nu̱ꞌ nij síí ꞌe̱e̱ raj man, ne̱ qui̱ꞌyáj sayuun man nij soꞌ sese se̱ cuno nij soꞌ rihanj chugua̱nj. Cheꞌé dan gu̱un niha̱ꞌ rá soj cuno̱ soj rihanj, ne̱ ca̱nica̱j nimán soj canoco̱ꞌ soj chrej sa̱ꞌ á.

1 Corintios 16:22

Sese vaa ꞌo̱ tuviꞌ soj ne aráj cochro̱j rihaan Síí ꞌNi̱j Raꞌa man níꞌ, ne̱ queneꞌe̱n soj se vaa ya̱ quira̱nꞌ uxrá síí vaa da̱nj sayuun na̱nj chugua̱nj. Ya̱ caꞌna̱ꞌ uún Síí ꞌNi̱j Raꞌa man níꞌ ado̱nj.

San Juan 18:27

Ga̱a ne̱ cataj uún Pedró se vaa né tuvi̱ꞌ Jesús me soꞌ a. Ne̱ nu̱ꞌ caꞌmii soꞌ da̱nj, ga̱a ne̱ nu̱ꞌ caguáj taꞌloo a.

San Mateo 10:28

’Ne̱ se̱ cuchuꞌviꞌ soj ni̱ꞌyaj soj nij síí gu̱un nucua̱j ticavi̱ꞌ man ina̱nj nee̱ man soj maꞌ. ꞌO̱ se se̱ guun nucua̱j nij soꞌ ticavi̱ꞌ nij soꞌ man nimán soj a̱ maꞌ. Tza̱j ne̱ vaa cheꞌé cuchuꞌvi̱ꞌ soj ni̱ꞌyaj soj Yaꞌanj na̱nj ado̱nj. ꞌO̱ se soꞌ me síí gu̱un nucua̱j quiꞌya̱j caca̱a̱ nimán soj caca̱a̱ nee̱ man soj caca̱a̱ rihaan yaꞌan ado̱nj.

San Lucas 22:60

Ga̱a ne̱ cataj Pedró rihaan síí tuꞌva da̱nj a: ―Ne neꞌen uxraj me taj so̱ꞌ, maan tinu̱j ―taj soꞌ a. Ne̱ dan me se nu̱ꞌ caꞌmii soꞌ da̱nj, ne̱ nu̱ꞌ caguáj taꞌloo a.

San Marcos 14:68

Ga̱a ne̱ cataj Pedró a: ―Ne neꞌén ꞌu̱nj man soꞌ, ne̱ ne neꞌén ꞌu̱nj me taj so̱ꞌ maꞌ ―taj Pedró rihaan mozó cha̱na̱ yoꞌ a. Ga̱a ne̱ curiha̱nj soꞌ, ne̱ canicunꞌ soꞌ rihaan chingá a. Ne̱ caguáj taꞌloo a.

San Marcos 14:30

Ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa a̱j neꞌén ꞌu̱nj se vaa nii̱ cuanꞌ ga̱a ataa quisi̱j vi̱j aguáj taꞌloo, ne̱ vaꞌnu̱j ya̱ cata̱j so̱ꞌ rihaan yuvii̱ se vaa né si̱j noco̱ꞌ manj mé so̱ꞌ a ―taj Jesús rihaan Pedró a.

San Mateo 27:25

Ga̱a ne̱ cataj nij yuvii̱ rihaan soꞌ a: ―Veé maꞌa̱n núj do̱ꞌ, maꞌa̱n taꞌníí núj do̱ꞌ, me síí tu̱mé cacunꞌ se vaa cavi̱ꞌ soꞌ na̱nj ado̱nj ―taj nij yuvii̱ yoꞌ a.

San Mateo 26:34

Ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa a̱j neꞌén ꞌu̱nj se vaa nii̱ corá ga̱a ataa cagua̱j taꞌloo, ne̱ vaꞌnu̱j ya̱ cata̱j so̱ꞌ rihaan yuvii̱ se vaa né si̱j noco̱ꞌ manj mé so̱ꞌ maꞌ ―taj Jesús rihaan Pedró a.

San Mateo 26:73

Ne̱ corá nii cuchiꞌ nij síí nicu̱nꞌ nichru̱nꞌ rihaan Pedró, ne̱ cataj nij soꞌ a: ―Ya̱ ya̱ ꞌo̱ síí cachéé ga̱ Jesús mé so̱ꞌ ado̱nj. ꞌO̱ se ase vaa aꞌmii nij síí cachéé ga̱ Jesús roꞌ, vaa aꞌmii so̱ꞌ chugua̱nj ―taj nij soꞌ rihaan Pedró a.

San Mateo 26:75

Ga̱a ne̱ ninuj rá Pedró nda̱a vaa cataj Jesús rihaan soꞌ quii se vaa ga̱a ataa cagua̱j taꞌloo, ne̱ vaꞌnu̱j cata̱j Pedró se vaa né si̱j noco̱ꞌ man Jesús me maꞌa̱n Pedró maꞌ. Ga̱a ne̱ curiha̱nj Pedró xeꞌ, ne̱ uxrá taꞌvee Pedró a.