San Mateo 26:32 - Triqui de San Juan Copala

³² Tza̱j ne̱ asa̱ꞌ quisíj cunuu iꞌna̱ꞌ uún ꞌu̱nj, ne̱ quita̱j ya̱a̱n ꞌu̱nj rihaan soj caꞌa̱nj ꞌu̱nj estadó Galilea, ne̱ nari̱ꞌ tuviꞌ níꞌ rej yoꞌ na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 26:32 Referans Kwoze

San Mateo 28:10

Ga̱a ne̱ cataj Jesús rihaan ro̱j chana̱ a: ―Se̱ cuchuꞌviꞌ ro̱j so̱j maꞌ. Ma̱an se caꞌa̱nj ro̱j so̱j cata̱j xnaꞌanj ro̱j so̱j rihaan nij tinúú ꞌu̱nj se vaa cavi̱i̱ nij soꞌ caꞌa̱nj nij soꞌ nda̱a estadó Galilea, ne̱ nda̱a yoꞌ queneꞌe̱n nij soꞌ manj á ―taj Jesús rihaan ro̱j chana̱ yoꞌ a.

San Mateo 28:16

Ga̱a ne̱ caꞌanj xa̱a̱n nij síí tucuꞌyón snana̱ Jesús nda̱a estadó Galilea, ne̱ cavii nij soꞌ raa̱ ꞌo̱ quij a. Da̱nj quiꞌyaj nij soꞌ, ese cuno nij soꞌ nana̱ cataj xnaꞌanj Jesús rihaan nij soꞌ ga̱a rque̱ a.

San Mateo 20:19

Ga̱a ne̱ nago̱ꞌ nij soꞌ manj rihaan nij síí yaníj, ne̱ caꞌnga̱ꞌ naco̱o̱ nij síí yaníj queneꞌe̱n nij soꞌ manj, ne̱ go̱ꞌ nij soꞌ cuartá xráj, ne̱ cachro̱n nij soꞌ manj rihaan rcutze̱ a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús a.

San Marcos 16:7

Tana̱nj cavi̱i̱ soj cata̱j soj rihaan nij síí tucuꞌyón snana̱ soꞌ do̱ꞌ, nda̱a rihaan Pedró do̱ꞌ, cata̱j soj a: “Táá ya̱a̱n Jesús rihaan soj ꞌanj soꞌ estadó Galilea, ne̱ yoꞌ me rej queneꞌe̱n nij soj man soꞌ nda̱a vaa cataj maꞌa̱n soꞌ rihaan soj á”, cata̱j nij soj á ―taj síí ya̱a̱n rihaan nij noꞌ a.

San Marcos 14:28

Tza̱j ne̱ asa̱ꞌ quisíj cunuu iꞌna̱ꞌ uún ꞌu̱nj, ne̱ quita̱j ya̱a̱n ꞌu̱nj rihaan soj caꞌa̱nj ꞌu̱nj estadó Galilea, ne̱ nari̱ꞌ tuviꞌ níꞌ estadó Galilea na̱nj ado̱nj ―taj Jesús rihaan nij soꞌ a.

San Mateo 16:21

Dan me se güii yoꞌ guun cheꞌe̱ Jesús cataj xnaꞌanj Jesús rihaan nij síí tucuꞌyón snana̱ soꞌ se vaa no̱ xcúún soꞌ caꞌa̱nj soꞌ chumanꞌ Jerusalén, ne̱ quira̱nꞌ ndoꞌo soꞌ sayuun quiꞌya̱j nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ a. Ne̱ ticavi̱ꞌ nii man soꞌ, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ a.

1 Corintios 15:6

Cachén do̱j güii, ga̱a ne̱ curuviꞌ soꞌ rihaan ꞌu̱nꞌ cientó táá doj tinúú níꞌ síí noco̱ꞌ man soꞌ uún a. Dan me se taꞌa̱j nij soꞌ caviꞌ, tza̱j ne̱ ꞌó taꞌa̱j nij soꞌ vaa iꞌna̱ꞌ cuano̱ a.

San Mateo 26:33

Ga̱a ne̱ cataj síí cuꞌna̱j Pedró rihaan soꞌ a: ―Caꞌve̱e se ta̱náj ta̱ranꞌ nij soꞌ mán so̱ꞌ, tza̱j ne̱ daj chiha̱a̱ míj se̱ tanáj ꞌu̱nj mán so̱ꞌ maꞌ ―taj Pedró a.