San Mateo 25:4 - Triqui de San Juan Copala

⁴ Ne̱ nij chana̱ acaj cuentá roꞌ, nica̱j nij noꞌ saga̱ꞌ nij noꞌ agaꞌ yaꞌan do̱ꞌ, agaꞌ nu̱u̱ casté acaa do̱ꞌ a.

San Mateo 25:4 Referans Kwoze

Romanos 8:9

Tza̱j ne̱ ino̱ uxrá vaa nij soj sese ya̱ ya̱nj Nimán Yaꞌanj nimán soj á. Cheꞌé dan ne ꞌyaj soj nda̱a vaa me rá nee̱ man soj quiꞌya̱j soj maꞌ. Tana̱nj ina̱nj rihaan Nimán Yaꞌanj uno soj, ne̱ dan me se sese nuviꞌ Nimán Cristó yáán nimán ꞌo̱ soꞌ, ne̱ né si̱j ꞌni̱j raꞌa Cristó man me soꞌ maꞌ.

1 Juan 2:27

Ne̱ xa̱ꞌ soj, tza̱j ne̱ cheꞌé se nu̱u̱ Nimán Yaꞌanj nimán soj quiꞌyaj Cristó, ne̱ cheꞌé dan ꞌo̱ nocoꞌ soj man Cristó, ne̱ taj cheꞌé tu̱cuꞌyón nii doj nana̱ man soj a̱ maꞌ. Tana̱nj cheꞌé se nu̱u̱ Nimán Yaꞌanj nimán soj, cheꞌé dan a̱j nariꞌ soj nana̱ cheꞌé nu̱ꞌ rasu̱u̱n, ne̱ ina̱nj nana̱ ya̱ nariꞌ soj ado̱nj. Né na̱na̱ ne̱ me nana̱ nariꞌ soj, quiꞌyaj Nimán Yaꞌanj maꞌ. Dan me se ꞌo̱ canoco̱ꞌ soj man Cristó, nda̱a vaa tucuꞌyón ya̱ Nimán Yaꞌanj man soj ado̱nj.

San Juan 3:34

Síí caꞌnéé Yaꞌanj man roꞌ, me síí aꞌmii snana̱ Yaꞌanj á. ꞌO̱ se rqué uxrá Yaꞌanj Nimán Yaꞌanj man soꞌ ado̱nj.

1 Juan 2:20

Ne̱ xa̱ꞌ soj, tza̱j ne̱ nu̱u̱ Nimán Yaꞌanj nimán soj, ne̱ xcaj soj cuentá ne̱ neꞌen cunuda̱nj soj nana̱ ya̱ ꞌyaj Nimán Yaꞌanj ado̱nj.

Judas 1:19

Nij síí narqué tucuáán ne̱ yoꞌ roꞌ, ꞌyaj uun yaníj nij síí noco̱ꞌ man Cristó rihaan tuviꞌ nij soꞌ ado̱nj. Ina̱nj cheꞌé nee̱ man nij soꞌ acaj nij soꞌ cuentá a. Ne̱ nuviꞌ Nimán Yaꞌanj nu̱u̱ nimán nij soꞌ a̱ maꞌ.

2 Corintios 1:22

Ne̱ soꞌ me síí cataj se vaa ya̱ ya̱ taꞌni̱j soꞌ me níꞌ, ne̱ caꞌnéé soꞌ Nimán soꞌ ca̱yáán nimán níꞌ, ne̱ cheꞌé dan guun ya̱ rá níꞌ se vaa ya̱ rque̱ soꞌ se sa̱ꞌ man níꞌ, vaa güii ado̱nj.

San Mateo 7:24

’Dan me se a̱ me maꞌa̱n síí uno sa̱ꞌ nana̱ nihánj nana̱ cataj xnaꞌanj ꞌu̱nj rihaan soj ne̱ ꞌyaj soꞌ nda̱a vaa taj ꞌu̱nj, ne̱ ase vaa ꞌo̱ síí cuneꞌ veꞌ tucuá rihaan yuvej vaa soꞌ ado̱nj. Síí cuneꞌ veꞌ yoꞌ me se síí acaj ndoꞌo cuentá me soꞌ ado̱nj.

San Mateo 10:16

’Ni̱ꞌyaj soj á. Caꞌne̱j ꞌu̱nj man soj rej ma̱n síí me rá quiꞌya̱j sayuun man soj a. Ase vaa matzinj va̱j rej ma̱n xcaꞌyanj caꞌnu̱ꞌ roꞌ, da̱nj ga̱a̱ soj ado̱nj. Cheꞌé dan ga̱a̱ cu̱u raa̱ soj á. Ase cui̱j raa̱ xcuáá roꞌ, da̱nj cui̱j ga̱a̱ raa̱ soj á. Tza̱j ne̱ ase vaa taj va̱j cacunꞌ tumé chaꞌaa̱n roꞌ, da̱nj ga̱a̱ soj, se̱ tumé soj cacunꞌ maꞌ.

San Mateo 25:2

Dan me se ꞌu̱nꞌ nij chana̱ ya̱a̱n yoꞌ roꞌ, me chana̱ niꞌyo̱n, ne̱ yuꞌunꞌ nij chana̱ ya̱a̱n yoꞌ roꞌ, me chana̱ acaj cuentá a.

San Mateo 25:3

ꞌO̱ se nij chana̱ niꞌyo̱n yoꞌ roꞌ, nica̱j nij noꞌ saga̱ꞌ nij noꞌ agaꞌ yaꞌan, tza̱j ne̱ taj va̱j casté acaa nica̱j nij noꞌ a̱ maꞌ.

San Mateo 25:5

Dan me se guun ra̱a̱n síí naraꞌa̱a, ne̱ caꞌnaꞌ nej rihaan ta̱ranꞌ nij chana̱ ya̱a̱n yoꞌ, ne̱ cotoj ta̱ranꞌ nij noꞌ a.