San Mateo 25:24 - Triqui de San Juan Copala

²⁴ ’Veé dan, ne̱ cuchiꞌ síí quiriꞌ ꞌo̱ nanj saꞌanj uún rihaan se‑ruꞌve̱e̱ soꞌ, ne̱ cataj soꞌ a: “Neꞌén ꞌu̱nj se vaa si̱j sca̱ꞌ ndoꞌo nimán mé so̱ꞌ, señor. Neꞌén ꞌu̱nj se vaa ꞌó yuvii̱ unô ꞌnúú, ne̱ ma̱ꞌán so̱ꞌ me síí rii u̱u̱n naa̱ na̱nj ado̱nj. Ne̱ ꞌó yuvii̱ tixꞌnuu̱ ꞌnúú trigó, ne̱ ma̱ꞌán so̱ꞌ naranꞌ u̱u̱n man ꞌnúú trigó yoꞌ na̱nj ado̱nj.

San Mateo 25:24 Referans Kwoze

San Lucas 15:29

Tza̱j ne̱ cataj soꞌ rihaan rej soꞌ a: “ꞌU̱nj nihánj me se a̱j quisíj queꞌe̱e̱ yoꞌ quiꞌyaj suun ꞌu̱nj rihaan so̱ꞌ nihánj, ne̱ cunuda̱nj nij suun caꞌnéꞌ so̱ꞌ rihanj roꞌ, veꞌé cunoj a. Ne̱ a̱ ꞌó güii ne rque̱ so̱ꞌ a̱ ꞌó tana leꞌe̱j rihanj ne̱ quiꞌya̱j chu̱vií ꞌu̱nj ne̱ cha̱j ga̱ nij tuvij a̱ maꞌ.

Romanos 9:20

Tza̱j ne̱ ne nó xcúún níꞌ cata̱j níꞌ se vaa ne nó xcúún Yaꞌanj quiꞌya̱j soꞌ nda̱a vaa ꞌyaj soꞌ maꞌ. Caꞌve̱e xna̱ꞌanj ꞌo̱ xruj yoꞌóó man síí quiꞌyaj man xruj: “Me cheꞌé quiꞌyáá so̱ꞌ da̱nj mán ꞌu̱nj ga̱.”

Romanos 8:7

Sese gu̱un rá yuvii̱ quiꞌya̱j yuvii̱ ase me rá nee̱ man yuvii̱, ne̱ ta̱j riꞌyunj yuvii̱ man Yaꞌanj, cheꞌé se ne uno yuvii̱ stucua̱nj Yaꞌanj maꞌ. Ne̱ a̱ se̱ guun nucua̱j maꞌa̱n yuvii̱ cuno̱ yuvii̱ stucua̱nj Yaꞌanj vaa ga̱a a̱ maꞌ.

San Lucas 6:46

Canica̱j Jesús, cataj soꞌ nana̱ nihánj a: ―Me cheꞌé taj soj se vaa Síí ꞌNi̱j Raꞌa man soj mej, tza̱j ne̱ ne uno soj rihanj ga̱.

San Mateo 20:12

ga̱a ne̱ cataj nij soꞌ a: “Síí nihánj me se o̱rúnꞌ orá gue̱e̱ quiꞌyaj suun nij soꞌ, tza̱j ne̱ ꞌo̱ cuya̱a̱n naruꞌvee so̱ꞌ rihaan nij soꞌ ga̱ núj, ne̱ quiꞌyaj suun núj nu̱ꞌ güii, ne̱ goꞌ uxrá naán xráá núj ado̱nj”, taj nij soꞌ rihaan síí toꞌo̱j yoꞌ a.

San Mateo 7:21

’Neꞌen soj se vaa ma̱n ndoꞌo yuvii̱ taj rihanj se vaa ꞌu̱nj me Síí ꞌNi̱j Raꞌa man nij soꞌ, tza̱j ne̱ tuꞌva rmaꞌa̱n taꞌa̱j nij soꞌ na̱nj ado̱nj. Né cunuda̱nj nij síí taj neꞌen manj caꞌa̱nj ca̱yáán ga̱ Yaꞌanj asa̱ꞌ guun chij Yaꞌanj maꞌ. Tana̱nj ina̱nj nij síí uno rihaan Réé ꞌu̱nj síí nicu̱nꞌ xta̱ꞌ me síí ca̱yáán ga̱ soꞌ na̱nj ado̱nj.

San Mateo 18:24

Dan me se guun cheꞌe̱ soꞌ caꞌne̱e̱ soꞌ saꞌanj vaa xcúún, ne̱ asino ya̱a̱n nica̱j nii man ꞌo̱ síí ꞌyaj xcúún niꞌndaj ya̱ míj millón pesó caꞌnaꞌ nii rihaan síí nica̱j suun rey yoꞌ a.

San Mateo 25:25

Cheꞌé dan cuchuꞌvíꞌ ꞌu̱nj, ne̱ caꞌanj ꞌu̱nj, ne̱ caxríj yuve̱ ꞌu̱nj se‑saꞌa̱nj so̱ꞌ rque yoꞌóó na̱nj ado̱nj. Dan me se naca̱j gue̱e̱ uún so̱ꞌ se‑saꞌa̱nj so̱ꞌ na̱nj á”, taj mozó yoꞌ rihaan ruꞌvee a.

San Mateo 25:26

Ne̱ cataj ruꞌvee yoꞌ rihaan mozó a: “Mozó chiꞌi̱i̱ nimán do̱ꞌ, mozó rmi̱i̱ do̱ꞌ, mé so̱ꞌ na̱nj á. Sese da̱nj neꞌén so̱ꞌ se vaa ꞌó yuvii̱ unô ꞌnúú, ne̱ ma̱ꞌanj rii naa̱, ne̱ sese neꞌén so̱ꞌ se vaa ꞌó yuvii̱ tixꞌnuu̱ ꞌnúú trigó, ne̱ ꞌu̱nj naranꞌ ꞌnúú trigó yoꞌ,

San Lucas 19:13

Ga̱a ne̱ canacúún soꞌ man chi̱ꞌ nij se‑mo̱zó soꞌ caꞌna̱ꞌ rihaan soꞌ, ga̱a ne̱ rqué soꞌ ꞌo̱ saꞌanj miná rihaan ꞌo̱ ꞌo̱ nij soꞌ, ne̱ saꞌanj miná roꞌ, vaa yuꞌvee ndoꞌo nó saꞌanj yoꞌ a. Ga̱a ne̱ cataj xnaꞌanj soꞌ rihaan nij soꞌ se vaa quiꞌya̱j suun nij soꞌ ga̱ saꞌanj, ne̱ tanaca̱ nij soꞌ man saꞌanj, ne̱ nda̱a quisi̱j güii nama̱n uún soꞌ, ga̱a ne̱ nuchru̱j nij soꞌ cuentá, taj soꞌ a. Da̱nj caꞌmii soꞌ, ga̱a ne̱ cavii soꞌ caꞌanj soꞌ a.