San Mateo 25:14 - Triqui de San Juan Copala

¹⁴ ’ꞌÓ nana̱ nataꞌ da̱j ga̱a̱ güii caꞌna̱ꞌ uún ꞌu̱nj gu̱un chij ꞌu̱nj me se ase vaa quiꞌyaj ꞌo̱ ruꞌvee ga̱ se‑mo̱zó ruꞌvee roꞌ, da̱nj ga̱a̱ qui̱ꞌyáj ga̱ soj si̱j noco̱ꞌ manj ado̱nj. Dan me se guun rá ruꞌvee yoꞌ caꞌa̱nj soꞌ ꞌó chumanꞌ, ne̱ canacúún soꞌ man nij se‑mo̱zó soꞌ, ne̱ caxríj soꞌ se‑saꞌa̱nj soꞌ ston nij mozó yoꞌ a.

San Mateo 25:14 Referans Kwoze

San Marcos 13:34

Dan me se ase vaa síí caꞌa̱nj ꞌó chumanꞌ na̱j ga̱nꞌ vaa tiempó nuvíꞌ ꞌu̱nj ca̱yáán a. A̱j tanáj soꞌ veꞌ tucuá soꞌ, ne̱ caꞌneꞌ soꞌ suun rihaan ꞌo̱ ꞌo̱ nij mozó nu̱u̱ rihaan soꞌ se vaa veꞌé tu̱mé nij soꞌ nu̱ꞌ siꞌyaj soꞌ, ne̱ cataj soꞌ rihaan síí tumé taꞌyaa se vaa ni̱ꞌyaj soꞌ a.

Efesios 4:11

Ne̱ maꞌa̱n soꞌ me síí cuneꞌ man taꞌa̱j níꞌ gu̱un taꞌa̱j níꞌ síí ca̱ta̱ suun caꞌa̱nj nata̱ꞌ snana̱ soꞌ, ne̱ ꞌó taꞌa̱j níꞌ me síí cuneꞌ soꞌ nata̱ꞌ nana̱ rqué Yaꞌanj rihaan, ne̱ ꞌó taꞌa̱j níꞌ me síí cuneꞌ soꞌ nata̱ꞌ nana̱ sa̱ꞌ cheꞌé Cristó rihaan nij síí ataa cuchuma̱n rá, ne̱ ꞌó taꞌa̱j níꞌ me síí tumé sa̱ꞌ rihaan Yaꞌanj man nij síí noco̱ꞌ man soꞌ, ne̱ ꞌó taꞌa̱j níꞌ me síí tihaa̱n snana̱ Yaꞌanj rihaan nu̱ꞌ tinúú níꞌ, quiꞌyaj Cristó a.

1 Corintios 12:4

Dan me se ino̱ vaa ꞌo̱ ꞌo̱ suun sa̱ꞌ rqué Nimán Yaꞌanj man ꞌo̱ ꞌo̱ níꞌ nica̱j níꞌ chugua̱nj. Tza̱j ne̱ o̱rúnꞌ Nimán Yaꞌanj me síí rqué man ꞌo̱ ꞌo̱ suun sa̱ꞌ yoꞌ na̱nj ado̱nj.

San Mateo 21:33

’Ne̱ cuno̱ uún nij soj ꞌó cuentó nihánj á: Dan me se vaa ꞌo̱ síí toꞌo̱j, ne̱ cuchruj soꞌ ꞌo̱ naa̱ chruj uvá, ne̱ quiꞌyaj soꞌ chingá nu̱ꞌ anica̱j tuꞌva naa̱ yoꞌ, ga̱a ne̱ gáán soꞌ yuꞌuj rej xtu̱nꞌ chruj uvá ne̱ cavi̱i̱ na, ne̱ cuneꞌ soꞌ ꞌo̱ veꞌ nataꞌ ca̱yáán nij síí tu̱mé naa̱ yoꞌ a. Ga̱a ne̱ tanáj soꞌ man naa̱ yoꞌ rihaan síí quiꞌya̱j suun naa̱ yoꞌ, ne̱ curiha̱nj soꞌ caꞌanj soꞌ ga̱nꞌ a.

1 Corintios 3:5

Da̱j si̱j me síí cuꞌna̱j Apolos, ne̱ da̱j si̱j mej, rá soj ga̱. Ma̱an se síí ꞌyaj u̱u̱n se‑su̱u̱n Síí ꞌNi̱j Raꞌa man níꞌ me rój, ne̱ ino̱ vaa suun ata̱ ꞌo̱ ꞌo̱ rój, quiꞌyaj soꞌ, ne̱ cheꞌé suun quiꞌyaj rój roꞌ, cheꞌé dan amán rá soj niꞌya̱j soj man Síí ꞌNi̱j Raꞌa man níꞌ a.

San Lucas 20:9

Ga̱a ne̱ guun cheꞌe̱ Jesús nanó soꞌ cuentó nihánj rihaan nij yuvii̱ a: ―Dan me se cuchruj ꞌo̱ soꞌ ꞌo̱ naa̱ chruj uvá a. Ga̱a ne̱ tanáj soꞌ man naa̱ yoꞌ rihaan síí quiꞌya̱j suun naa̱ yoꞌ, ne̱ curiha̱nj soꞌ caꞌanj soꞌ ga̱nꞌ, ne̱ guun ra̱a̱n ndoꞌo soꞌ a.