San Mateo 24:49 - Triqui de San Juan Copala

⁴⁹ ga̱a ne̱ gu̱un cheꞌe̱ soꞌ go̱ꞌ soꞌ man tuviꞌ soꞌ mozó, ne̱ cha̱ soꞌ coꞌo̱ soꞌ ga̱ tuviꞌ soꞌ síí xno̱ a.

San Mateo 24:49 Referans Kwoze

Apocalipsis 17:6

Ga̱a ne̱ queneꞌén ꞌu̱nj se vaa xno̱ chana̱ yoꞌ, cheꞌé se a̱j coꞌo ndoꞌo noꞌ ton man nij síí noco̱ꞌ man Yaꞌanj do̱ꞌ, ton man nij síí caviꞌ cheꞌé se nataꞌ nij soꞌ cheꞌé Jesús do̱ꞌ a. Ne̱ caꞌanj ndoꞌo raj niꞌya̱j ꞌu̱nj man noꞌ a.

Apocalipsis 16:6

ꞌO̱ se nij síí ma̱n rihaan chumii̱ roꞌ, tucuayuu nij soꞌ ton man nij síí noco̱ꞌ mán so̱ꞌ do̱ꞌ, man nij síí nataꞌ snana̱ so̱ꞌ do̱ꞌ, rihaan yoꞌóó, ne̱ nihánj me se rqué so̱ꞌ ton rihaan nij soꞌ coꞌo̱ maꞌa̱n nij soꞌ ya̱j ado̱nj. Dan me se ya̱j me nayo̱n ya̱ cuentá nda̱a vaa quiꞌyaj nij soꞌ ga̱a naá na̱nj á ―taj se‑mo̱zó Yaꞌanj síí tumé na a.

San Mateo 7:15

’Vaa yuvii̱ taj se vaa me nij soꞌ síí nataꞌ snana̱ Yaꞌanj, tza̱j ne̱ ne ya̱ aꞌmii nij soꞌ maꞌ. Tu̱mé soj man soj, se̱ gaa na̱nj quiꞌya̱j nij soꞌ sayuun man soj á. Dan me se vaa güii cuchi̱ꞌ nij soꞌ rihaan soj, ne̱ ase vaa matzinj roꞌ, da̱nj ga̱a̱ nij soꞌ cuchi̱ꞌ nij soꞌ rihaan soj, ne̱ niꞌya̱nj ndoꞌo caꞌmi̱i̱ nij soꞌ rihaan soj, tza̱j ne̱ nimán nij soꞌ roꞌ, ase vaa nimán xcaꞌyanj caꞌnu̱ꞌ roꞌ, ga̱a̱ nimán nij soꞌ, gu̱un rá nij soꞌ quiꞌya̱j nij soꞌ sayuun man soj na̱nj ado̱nj.

Apocalipsis 13:7

Ne̱ caꞌvej rá Yaꞌanj cunu̱ꞌ soꞌ ga̱ nij síí noco̱ꞌ man Yaꞌanj, ne̱ dan me se quiꞌya̱j canaán ya̱ soꞌ man nij soꞌ a. Ne̱ caꞌvej rá Yaꞌanj gu̱un chij soꞌ rihaan da̱j a̱ xꞌneꞌ yuvii̱ ino̱ vaa stucua̱nj do̱ꞌ, rihaan yuvii̱ ma̱n da̱j a̱ chumanꞌ do̱ꞌ, rihaan da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, rihaan yuvii̱ ma̱n da̱j a̱ yoꞌóó noco̱o do̱ꞌ a.

Judas 1:12

Ga̱a nuu chre̱ꞌ soj chá soj, ne̱ ne chuꞌviꞌ nij síí narqué tucuáán ne̱ yoꞌ quiꞌya̱j nij soꞌ se nij, ne̱ cheꞌé dan ase vaa luj chiꞌi̱i̱ roꞌ, da̱nj vaa nij soꞌ rihaan soj ado̱nj. Síí taj yaꞌanj man maꞌa̱n me nij síí narqué tucuáán ne̱ yoꞌ, ne̱ ne racuíj nij soꞌ man tuviꞌ nij soꞌ maꞌ. Ase vaa ngaa no̱ rmaꞌa̱n xta̱ꞌ ne̱ ne amanꞌ ꞌyaj roꞌ, vaa nij soꞌ, ne̱ va̱j nij soꞌ rej rque̱ do̱ꞌ, rej xra̱j do̱ꞌ, ꞌyaj nana̱ ado̱nj. Ne̱ ase vaa chruun taj va̱j chruj cavii raa̱ ga̱a síj tiempó cavi̱i̱ chruj raa̱ roꞌ, vaa nij soꞌ, ne̱ chruun naco̱o̱ me nij soꞌ, ne̱ chruun quiriháj nii quiriꞌíj nii rihaan yoꞌóó me uún nij soꞌ ado̱nj.

1 Pedro 5:3

Ne̱ se̱ guun niha̱ꞌ rá soj quiri̱i̱ taꞌngaꞌ soj rihaan nij síí nica̱j yuꞌunj soj man maꞌ. Ina̱nj veꞌé quiꞌya̱j soj ga̱ nij soꞌ, ne̱ queneꞌe̱n nij soꞌ da̱j ꞌyaj soj, ga̱a ne̱ xca̱j nij soꞌ cuentá da̱j quiꞌya̱j maꞌa̱n nij soꞌ uún a.

Filipenses 3:19

Vaa güii caca̱a̱ ndoꞌo nij soꞌ na̱nj á. Ina̱nj nee̱ man nij soꞌ aráyaꞌa̱nj nij soꞌ, tza̱j ne̱ ne nocoꞌ nij soꞌ Yaꞌanj maꞌ. Nij ꞌyaj nij soꞌ, tza̱j ne̱ ne naꞌa̱j nij soꞌ maꞌ. Tana̱nj sa̱ꞌ uxrá ꞌyaj nij soꞌ, rá maꞌa̱n nij soꞌ chugua̱nj. Ina̱nj cheꞌé rasu̱u̱n ma̱n rihaan chumii̱ nihánj nanó rá nij soꞌ na̱nj ado̱nj.

2 Corintios 11:20

Ne̱ nda̱ꞌ se rii taꞌngaꞌ ndoꞌo nij soꞌ rihaan soj do̱ꞌ, nda̱ꞌ se aꞌnéj nij soꞌ nu̱ꞌ siꞌyaj soj do̱ꞌ, nda̱ꞌ se tihaꞌ yuꞌunj nij soꞌ man soj do̱ꞌ, nda̱ꞌ se sa̱ꞌ doj vaa nij soꞌ rihaan soj rá nij soꞌ do̱ꞌ, nda̱ꞌ se ase vaa síí oxro xruu̱ soj vaa nij soꞌ do̱ꞌ, tza̱j ne̱ veꞌé uno soj rihaan nij soꞌ na̱nj ado̱nj.

Romanos 16:18

Ne ꞌyaj suun nij soꞌ rihaan Cristó Si̱j ꞌNi̱j Raꞌa man níꞌ maꞌ. Tana̱nj ꞌyaj nij soꞌ se‑su̱u̱n maꞌa̱n nij soꞌ na̱nj ado̱nj. ꞌO̱ se veꞌé ndoꞌo vaa nana̱ aꞌmii nij soꞌ cheꞌé yuvii̱, ne̱ da̱nj ꞌyaj nij soꞌ tihaꞌ yuꞌunj nij soꞌ man yuvii̱, ne̱ nda̱a yuvii̱ ne tumé cacunꞌ tihaꞌ yuꞌunj nij soꞌ man na̱nj ado̱nj.

San Mateo 18:28

’Veé dan, ga̱a ne̱ curiha̱nj mozó yoꞌ, caꞌanj soꞌ, ga̱a ne̱ nariꞌ tuviꞌ soꞌ ga̱ ꞌó mozó ꞌyaj suun rcuaꞌa̱a̱n ga̱ soꞌ, ne̱ mozó yoꞌ me síí quiꞌyaj xcúún rihaan mozó caráj xꞌnaa rey rihaan a. Ne̱ xcúún yoꞌ me saꞌanj vaa tuꞌvee yuvii̱ ꞌyaj suun caꞌa̱nj yavii a. Ga̱a ne̱ taꞌaa soꞌ gaán chihá tuviꞌ soꞌ mozó yoꞌ, ne̱ cataj soꞌ a: “Narque̱ so̱ꞌ nu̱ꞌ se vaa ꞌyaj xcúún so̱ꞌ rihanj cuaj vi̱j”, taj soꞌ rihaan tuviꞌ soꞌ a.

San Mateo 24:48

Tza̱j ne̱ sese vaa chiꞌi̱i̱ nimán mozó yoꞌ, ne̱ gu̱un rá mozó se vaa uun ra̱a̱n ndoꞌo se‑ruꞌve̱e̱ soꞌ,

San Mateo 24:50

Dan me se ne neꞌen soꞌ aman nama̱n se‑ruꞌve̱e̱ soꞌ a. Ne naꞌvi̱j soꞌ caꞌna̱ꞌ ruꞌvee a. Tza̱j ne̱ síj güii síj orá síj, ne̱ caꞌna̱ꞌ maꞌa̱n se‑ruꞌve̱e̱ mozó yoꞌ,

San Juan 2:10

ne̱ cataj soꞌ a: ―Tucuáán ꞌyaj níꞌ me se asino ya̱a̱n rii níꞌ na vinó sa̱ꞌ doj, ga̱a ne̱ nda̱a cachén coꞌo̱ yuvii̱, ga̱a ne̱ rii níꞌ se nij doj chugua̱nj. Tza̱j ne̱ so̱ꞌ me se nda̱a ya̱j quirii so̱ꞌ na vinó sa̱ꞌ doj asânj ―taj síí uun chij yoꞌ rihaan síí naraꞌa̱a yoꞌ a.