San Mateo 24:4 - Triqui de San Juan Copala

⁴ Ga̱a ne̱ cataj Jesús a: ―Tu̱mé ndoꞌo soj man soj se̱ gaa na̱nj tiha̱ꞌ yuꞌunj yuvii̱ man soj á.

San Mateo 24:4 Referans Kwoze

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

2 Tesalonicenses 2:3

Dan me se naꞌvej uxrá raj tiha̱ꞌ yuꞌunj nii a̱ doj man soj a̱ maꞌ. Dan me se asino tucua̱j ndoꞌo yuvii̱ rihaan Yaꞌanj, ne̱ caꞌna̱ꞌ ꞌo̱ síí chiꞌi̱i̱ uxrá rihaan chumii̱, ne̱ síí se̱ caꞌvej rá cuno̱ rihaan Yaꞌanj gu̱un soꞌ a. Dan me se xa̱ꞌ soꞌ, tza̱j ne̱ si̱j a̱j caca̱a̱ gu̱un soꞌ vaa güii ado̱nj.

Colosenses 2:8

Tu̱mé soj man soj se̱ gaa na̱nj tiha̱ꞌ yuꞌunj yuvii̱ man soj maꞌ. Me rá nij yuvii̱ canoco̱ꞌ soj stucua̱nj nij soꞌ, tza̱j ne̱ nuviꞌ yuꞌvee nó stucua̱nj nij soꞌ rihaan tucuáán sa̱ꞌ noco̱ꞌ níꞌ maꞌ. Ma̱an se tucuáán yoꞌ roꞌ, nana̱ tucuꞌyón na̱nj tuviꞌ nij yuvii̱ rihaan nij yuvii̱ me nana̱ yoꞌ, ne̱ snana̱ nij nana̱ chre̱e ma̱n rihaan chumii̱ nihánj me nana̱ yoꞌ, tza̱j ne̱ né sna̱na̱ Cristó me nana̱ yoꞌ maꞌ.

Efesios 5:6

Se̱ caꞌvej rá soj caꞌmi̱i̱ yuvii̱ nana̱ ne̱ rihaan soj ne̱ tiha̱ꞌ yuꞌunj nij yuvii̱ man soj maꞌ. Se̱ quiꞌyaj soj se chiꞌi̱i̱ me rá nij yuvii̱ quiꞌya̱j soj maꞌ. ꞌO̱ se yoꞌ me se ꞌyaj nij síí naꞌvej rá cuno̱ rihaan Yaꞌanj, ne̱ cheꞌé dan uyanj rá Yaꞌanj, ne̱ ꞌyaj Yaꞌanj sayuun man nij soꞌ ado̱nj.

San Marcos 13:22

ꞌO̱ se caꞌna̱ꞌ uxrá síí aꞌmii ne̱ cata̱j se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me nij soꞌ, ne̱ caꞌna̱ꞌ uxrá síí aꞌmii ne̱ cata̱j se vaa nataꞌ nij soꞌ snana̱ Yaꞌanj a. Ne̱ quiꞌya̱j nij soꞌ da̱j a̱ nij suun noco̱o ga̱ suun quiꞌya̱j caꞌa̱nj rá nij yuvii̱, cheꞌé rej tiha̱ꞌ yuꞌunj nij soꞌ man cunuda̱nj nij yuvii̱ na̱nj ado̱nj. Ne̱ nda̱a gu̱un rá nij soꞌ tiha̱ꞌ yuꞌunj nij soꞌ man nij síí narii Yaꞌanj, tza̱j ne̱ se̱ caꞌve̱e quiꞌya̱j nij soꞌ da̱nj maꞌ.

Efesios 4:14

Tza̱j ne̱ cuano̱ roꞌ, ase vaa xnii vaa níꞌ, ne̱ vaa yuvii̱ tihaꞌ yuꞌunj ndoꞌo man níꞌ, ne̱ dan me se nuchruj ra̱a̱ ndoꞌo nij yuvii̱ da̱j quiꞌya̱j nij soꞌ, ne̱ tihaꞌ yuꞌunj nij soꞌ man níꞌ a. Ne̱ tucuꞌyón ndoꞌo nij síí tihaꞌ yuꞌunj nana̱ naca̱ man níꞌ, ne̱ amán rá níꞌ uno níꞌ náá guun nana̱ tihaꞌ yuꞌunj yoꞌ, ꞌyaj nij soꞌ a. Tza̱j ne̱ asa̱ꞌ quisíj cunuu chij rá níꞌ, ne̱ se̱ cuno níꞌ nana̱ tihaꞌ yuꞌunj yoꞌ a̱ maꞌ.

San Lucas 21:8

Ga̱a ne̱ cataj soꞌ a: ―Tu̱mé ndoꞌo soj man soj se̱ gaa na̱nj tiha̱ꞌ yuꞌunj yuvii̱ man soj á. ꞌO̱ se caꞌna̱ꞌ uxrá yuvii̱ cata̱j a: “ꞌU̱nj me síí naꞌvi̱j soj, ne̱ Síí Ti̱nanii man Yuvii̱ rihaan Sayuun mej á”, cata̱j nij yuvii̱, ne̱ cata̱j uún nij yuvii̱ a: “A̱j quisíj güii caꞌa̱nj niꞌya̱ chumii̱ na̱nj á”, cata̱j uún nij yuvii̱ rihaan soj a. Tza̱j ne̱ se̱ cuchumán rá soj, ne̱ se̱ canocoꞌ soj man yuvii̱ aꞌmii da̱nj maꞌ.

Colosenses 2:18

Se̱ caꞌvej soj quiri̱ꞌ soj quiꞌya̱j nij síí taj se vaa nica̱ꞌ ndoꞌo aꞌmii nij soꞌ maꞌ. Caꞌve̱e se cata̱j nij soꞌ se vaa aráj gue̱e̱ nij soꞌ rihaan se‑mo̱zó Yaꞌanj do̱ꞌ, caꞌve̱e se nucuiꞌ ndoꞌo rá nij soꞌ se vaa neꞌen nij soꞌ rasu̱u̱n tihaa̱n Yaꞌanj rihaan nij soꞌ taj nij soꞌ do̱ꞌ, tza̱j ne̱ tuꞌva rmaꞌa̱n nij soꞌ, ne̱ ma̱an rasu̱u̱n avii raa̱ maꞌa̱n nij soꞌ me yoꞌ na̱nj ado̱nj.

Gálatas 6:3

Ne̱ sese vaa síí guun rá se vaa síí sa̱ꞌ doj me maꞌa̱n soꞌ, ne̱ síí ne neꞌen uxrá me soꞌ, ne̱ síí tihaꞌ yuꞌunj man maꞌa̱n me soꞌ na̱nj ado̱nj.