San Mateo 23:38 - Triqui de San Juan Copala

³⁸ Ya̱j me se tucuá soj roꞌ, quina̱j u̱u̱n na̱nj á.

San Mateo 23:38 Referans Kwoze

San Lucas 13:35

Ni̱ꞌyaj soj á. Caꞌa̱nj niꞌya̱ tucuá soj ne̱ quina̱j u̱u̱n soj ado̱nj. ꞌO̱ se cuano̱ nihánj me se cata̱j xnaꞌanj ꞌu̱nj rihaan soj se vaa rej rihaan níꞌ roꞌ, se̱ queneꞌen uún soj manj maꞌ. Tza̱j ne̱ nda̱a güii caꞌna̱ꞌ uún ꞌu̱nj rihaan chumii̱ nihánj queneꞌe̱n soj manj, ne̱ cata̱j soj a: “ꞌNaꞌ síí caꞌnéé Síí ꞌNi̱j Raꞌa man níꞌ na̱nj á. Se lu̱j ndoꞌo ꞌyaj Yaꞌanj cheꞌé soꞌ a”, cata̱j soj a ―taj Jesús niꞌya̱j soꞌ man nij síí ma̱n Jerusalén yoꞌ a.

San Lucas 21:24

ne̱ cavi̱ꞌ queꞌe̱e̱ nij soꞌ raa̱ neê espadá, ne̱ ta̱ꞌaa nii man queꞌe̱e̱ nij soꞌ caꞌa̱nj ni̱caj nii rej ya̱nj nij síí yaníj a. Ne̱ cache̱e̱ nij síí yaníj xráá nu̱ꞌ chumanꞌ Jerusalén, nda̱a se quisi̱j güii caꞌne̱e̱ Yaꞌanj suun raꞌa nij soꞌ a ―taj Jesús a.

San Lucas 21:20

’Dan me se asa̱ꞌ queneꞌen soj se vaa tucuachriin tanuu nu̱ꞌ chumanꞌ Jerusalén, ne̱ xca̱j soj cuentá se vaa da̱j doj navi̱j nu̱ꞌ chumanꞌ yoꞌ na̱nj ado̱nj.

San Lucas 21:6

Ga̱a ne̱ cataj Jesús rihaan nij soꞌ a: ―Xa̱ꞌ nu̱ꞌ nij rasu̱u̱n niꞌya̱j soj nihánj, tza̱j ne̱ vaa güii cane̱e̱ nu̱ꞌ nihánj, ne̱ a̱ ꞌó yuvej se̱ quitáá xráá tuviꞌ yuvej nihánj a̱ maꞌ ―taj Jesús a.

San Marcos 13:14

Ne̱ soj si̱j nayaa nana̱ nihánj roꞌ, xca̱j uxrá soj cuentá me se me raj cata̱a nana̱ nihánj nana̱ caꞌmii Jesús cheꞌé se chiꞌi̱i̱ á. Dan me se cataj uún Jesús a: ―A̱j neꞌen soj se vaa vaa ꞌo̱ se chiꞌi̱i̱ quiꞌya̱j ndoꞌo sayuun man yuvii̱, nda̱a vaa cataj Daniel síí nataꞌ snana̱ Yaꞌanj ga̱a naá, ne̱ dan me se güii queneꞌe̱n soj man se chiꞌi̱i̱ yoꞌ rej ne nó xcúún yoꞌ canicu̱nꞌ yoꞌ, ne̱ ꞌo̱ cuna̱nj nij síí ma̱n estadó Judea caꞌa̱nj nij soꞌ raa̱ quij á.

San Mateo 24:2

Ga̱a ne̱ cataj Jesús rihaan nij soꞌ a: ―Dan me se neꞌen soj nu̱ꞌ veꞌ ma̱n rej ya̱nj nuvií noco̱o nihánj naꞌ. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa vaa güii, ne̱ cane̱e̱ nu̱ꞌ yoꞌ, ne̱ a̱ ꞌó yuvej se̱ quitáá xráá tuviꞌ yuvej nihánj a̱ maꞌ ―taj Jesús a.