San Mateo 23:27 - Triqui de San Juan Copala

²⁷ ’Nique̱ soj si̱j naquiꞌyaj cu̱u stucua̱nj Moisés do̱ꞌ, si̱j fariseo do̱ꞌ na̱nj á. Quira̱nꞌ uxrá nij soj sayuun ado̱nj. Síí nucuiꞌ rá me nij soj na̱nj á. Dan me se ase vaa chraan na̱j xnangá rihaan santó roꞌ, vaa soj a. ꞌO̱ se xráá chraan roꞌ, vaa catzi̱i̱, ne̱ veꞌé ndoꞌo ruviꞌ yoꞌ, tza̱j ne̱ rque chraan mán cúú riꞌyuj ado̱nj.

San Mateo 23:27 Referans Kwoze

Hechos 23:3

Ga̱a ne̱ cataj Pabló rihaan síí cuꞌna̱j Ananías yoꞌ a: ―Vaa güii coxro̱ Yaꞌanj tuꞌvá so̱ꞌ á. ꞌO̱ se síí nucuiꞌ rá mé so̱ꞌ á. ꞌO̱ se táá so̱ꞌ naquiꞌya̱j cuú so̱ꞌ cheꞌej sese quiꞌyáá ꞌu̱nj cacunꞌ rihaan stucua̱nj Moisés, rá so̱ꞌ a. Tza̱j ne̱ nihánj me se tana̱nj caꞌnéꞌ so̱ꞌ suun se vaa coxro̱ nii tuꞌvaj, ne̱ stucua̱nj Moisés taj se vaa ne nó xcúún so̱ꞌ a̱ ꞌó xcoꞌ qui̱ꞌyáá so̱ꞌ da̱nj maꞌ ―taj Pabló rihaan síí cuꞌna̱j Ananías a.

San Lucas 11:44

’Nique̱ soj cheꞌé sayuun quira̱nꞌ soj á. Ase vaa rej ꞌni̱j yuve̱ xnangá rque yoꞌóó vaa soj a. Chéé yuvii̱ rej yoꞌ ne̱ ne xcaj yuvii̱ cuentá se vaa rej nij ꞌni̱j cúú riꞌyuj me yoꞌ maꞌ ―taj Jesús rihaan nij síí fariseo yoꞌ a.

San Mateo 23:28

Dan me se ase vaa síí nica̱ nimán vaa soj chéé soj niꞌya̱j yuvii̱, tza̱j ne̱ ꞌyaj yuve̱ ndoꞌo soj se chiꞌi̱i̱, ne̱ ne uno uxrá soj rihaan Yaꞌanj a̱ maꞌ. Ina̱nj da̱nj vaa nimán soj na̱nj ado̱nj.

Gálatas 6:12

Nij síí me rá veꞌé caꞌmi̱i̱ yuvii̱ cheꞌé roꞌ, maꞌa̱n nij soꞌ me síí me rá cata̱ꞌ taꞌngaꞌ man soj na̱nj ado̱nj. Da̱nj ꞌyaj nij soꞌ cheꞌé se naꞌvej rá nij soꞌ quiꞌya̱j yuvii̱ sayuun man nij soꞌ cheꞌé se noco̱ꞌ nij soꞌ man Cristó síí caviꞌ rihaan rcutze̱ na̱nj chugua̱nj.