San Mateo 21:45 - Triqui de San Juan Copala

⁴⁵ Dan me se cuno nij xrej ata̱ suun noco̱o cuno nij síí fariseo cuno cuentó nanó Jesús, ne̱ xcaj nij soꞌ cuentá se vaa cheꞌe̱ maꞌa̱n nij soꞌ me cuentó nanó Jesús a. Ase vaa nij síí nu̱u̱ tumé naa̱ vaa maꞌa̱n nij soꞌ niꞌya̱j Jesús a.

San Mateo 21:45 Referans Kwoze

San Lucas 20:19

Ga̱a ne̱ guun rá nij síí naquiꞌyaj cu̱u stucua̱nj Moisés do̱ꞌ, nij xrej ata̱ suun noco̱o do̱ꞌ, ta̱ꞌaa raꞌya̱nj man Jesús, tza̱j ne̱ chuꞌviꞌ nij soꞌ niꞌya̱j nij soꞌ man nij yuvii̱ a. Queneꞌen nij soꞌ se vaa cheꞌe̱ maꞌa̱n nij soꞌ me cuentó nanó Jesús a.

San Lucas 11:45

Ga̱a ne̱ caꞌmii ꞌo̱ síí naquiꞌyaj cu̱u stucua̱nj Moisés, ne̱ cataj soꞌ rihaan Jesús a: ―Tza̱j ne̱ nachríꞌ so̱ꞌ niꞌya̱j so̱ꞌ man maꞌa̱n núj ga̱a aꞌmii so̱ꞌ nana̱ vaa da̱nj na̱nj á ―taj soꞌ rihaan Jesús a.

San Mateo 12:12

Ne̱ vaa se uun uxrá doj yuvii̱ rihaan matzinj yoꞌ ado̱nj. Cheꞌé dan caꞌve̱e ra̱cuíj yuvii̱ man tuviꞌ yuvii̱ güii naránj rá yuvii̱ á ―taj Jesús rihaan nij síí fariseo yoꞌ a.

San Mateo 13:3

Ne̱ nanó ndoꞌo Jesús cuentó rihaan nij yuvii̱, cataj soꞌ a: ―Ni̱ꞌyaj soj á. Curiha̱nj ꞌo̱ síí me rá ti̱xꞌnuu̱ ꞌnúú trigó,

San Mateo 21:44

Ne̱ yuvej yoꞌ me se ase vaa yuvej yoꞌ vaa ꞌu̱nj, ne̱ ase vaa yuvii̱ acoꞌ cheꞌé yuvej yoꞌ vaa yuvii̱ naꞌvej rá cuno̱ rihaan ꞌu̱nj, ne̱ uxrá quira̱nꞌ nij soꞌ sayuun na̱nj ado̱nj. Ne̱ ase vaa yuvii̱ quinij yuvej yoꞌ xráá roꞌ, vaa nij yuvii̱ quiꞌya̱j uxrá ꞌu̱nj sayuun man na̱nj ado̱nj ―taj Jesús a.

San Mateo 21:46

Ga̱a ne̱ nanoꞌ nij soꞌ da̱j ga̱a̱ ta̱ꞌaa nij soꞌ man Jesús, tza̱j ne̱ cuchuꞌviꞌ nij soꞌ niꞌya̱j nij soꞌ man nij yuvii̱ a. ꞌO̱ se síí nataꞌ snana̱ Yaꞌanj me Jesús, rá nij yuvii̱ a.