San Mateo 21:43 - Triqui de San Juan Copala

⁴³ Cheꞌé dan cuano̱ nihánj me se cata̱j xnaꞌanj ꞌu̱nj rihaan nij soj se vaa caꞌne̱ꞌ rá Yaꞌanj ga̱ yan uun chij soꞌ rihaan nij soj, ne̱ cune̱ꞌ soꞌ man ꞌó nij yuvii̱ gu̱un chij soꞌ rihaan, ne̱ veꞌé quiꞌya̱j ꞌó nij yuvii̱ yoꞌ nu̱ꞌ se vaa me rá Yaꞌanj quiꞌya̱j nij soꞌ na̱nj á.

San Mateo 21:43 Referans Kwoze

San Mateo 21:41

―Quiꞌya̱j ndoꞌo síí xna̱a̱ yoꞌ sayuun man nij síí chiꞌi̱i̱ ꞌyaj suun xnaa̱ soꞌ, ne̱ ticavi̱ꞌ soꞌ man nij soꞌ na̱nj ado̱nj. Ne̱ ta̱cuachén soꞌ xnaa̱ soꞌ rihaan ꞌó síí tu̱mé xnaa̱ soꞌ, ne̱ yavii cuta̱ nii chruj uvá roꞌ, veꞌé rque̱ nij soꞌ chruj yoꞌ rihaan síí xna̱a̱ yoꞌ na̱nj ado̱nj ―taj nij soꞌ rihaan Jesús a.

1 Pedro 2:9

Xa̱ꞌ soj, tza̱j ne̱ si̱j narii Yaꞌanj me soj, ne̱ xrej uun chij ya̱ nu̱u̱ rihaan Yaꞌanj me soj, ne̱ xꞌneꞌ nij síí cunuu sa̱ꞌ nimán uun chij Yaꞌanj rihaan me soj ado̱nj. Cheꞌé se me rá Yaꞌanj nata̱ꞌ soj cheꞌé se sa̱ꞌ uxrá quiꞌyaj soꞌ roꞌ, cheꞌé dan narii soꞌ man soj ado̱nj. Dan me se si̱j noco̱ꞌ tucuáán rmi̱ꞌ me soj ga̱a naá, tza̱j ne̱ canacúún Yaꞌanj man soj xca̱j soj cuentá, ne̱ cuna̱j uxrá vaa stucua̱nj Yaꞌanj tucuáán noco̱ꞌ soj cuano̱ na̱nj á.

San Juan 3:3

Ga̱a ne̱ cataj Jesús rihaan soꞌ a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa síí se̱ caꞌngaa naca̱ uún roꞌ, daj chiha̱a̱ míj se̱ caꞌvee queneꞌe̱n soꞌ se vaa uun chij Yaꞌanj a̱ maꞌ ―taj Jesús rihaan soꞌ a.

San Juan 3:5

Ga̱a ne̱ cataj uún Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ se vaa sese se̱ caꞌngaa ꞌo̱ soꞌ quiꞌya̱j na, ne̱ sese se̱ caꞌngaa naca̱ nimán soꞌ, ne̱ se̱ caꞌvee catu̱u̱ soꞌ rej uun chij Yaꞌanj a̱ maꞌ.

1 Corintios 13:2

Caꞌve̱e se veꞌé ndoꞌo natáꞌ ꞌu̱nj nana̱ rqué Yaꞌanj manj do̱ꞌ, caꞌve̱e se neꞌenj nu̱ꞌ nana̱ sa̱ꞌ yuve̱ tihaa̱n Yaꞌanj rihaan yuvii̱ do̱ꞌ, caꞌve̱e se sa̱ꞌ uxrá avii raj do̱ꞌ, caꞌve̱e se amán uxrá raj niꞌya̱j ꞌu̱nj man Yaꞌanj do̱ꞌ, caꞌve̱e se gu̱un nu̱cuáj natuna̱ ꞌu̱nj rej nicu̱nꞌ ꞌo̱ quij xca̱a̱n cheꞌé se amán uxrá raj niꞌya̱j ꞌu̱nj man Yaꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ taj se gúnꞌ mán ꞌu̱nj ga̱a a̱ maꞌ.

San Mateo 12:28

Tza̱j ne̱ ꞌu̱nj me se ya̱ Nimán Yaꞌanj me síí racuíj manj rii ꞌu̱nj nana̱ chre̱e nimán yuvii̱ ado̱nj. Cheꞌé dan xca̱j soj cuentá se vaa a̱j guun cheꞌe̱ Yaꞌanj uun chij Yaꞌanj scaꞌnúj soj ado̱nj.

San Mateo 21:42

Ga̱a ne̱ cataj Jesús a: ―Me cheꞌé ne naya̱a̱ nij soj nana̱ nihánj nana̱ no̱ rihaan Danj Yaꞌanj ga̱: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj. Maꞌa̱n Yaꞌanj Si̱j ꞌNi̱j Raꞌa man níꞌ quiꞌyaj da̱nj, ne̱ cuna̱j uxrá vaa yoꞌ, rá níꞌ ado̱nj, taj Danj Yaꞌanj a.

San Mateo 21:44

Ne̱ yuvej yoꞌ me se ase vaa yuvej yoꞌ vaa ꞌu̱nj, ne̱ ase vaa yuvii̱ acoꞌ cheꞌé yuvej yoꞌ vaa yuvii̱ naꞌvej rá cuno̱ rihaan ꞌu̱nj, ne̱ uxrá quira̱nꞌ nij soꞌ sayuun na̱nj ado̱nj. Ne̱ ase vaa yuvii̱ quinij yuvej yoꞌ xráá roꞌ, vaa nij yuvii̱ quiꞌya̱j uxrá ꞌu̱nj sayuun man na̱nj ado̱nj ―taj Jesús a.