San Mateo 21:37 - Triqui de San Juan Copala

³⁷ ’Veé dan, ga̱a ne̱ caꞌnéé síí xna̱a̱ yoꞌ taꞌníí soꞌ rej ma̱n nij síí nu̱u̱ tumé xnaa̱ soꞌ a. ꞌO̱ se guun rá síí xna̱a̱ yoꞌ a: “Cara̱a̱ cochro̱j nij síí tumé naa̱ rihaan taꞌníj sese caꞌa̱nj taꞌníj tza̱j xe̱e̱”, rá síí xna̱a̱ yoꞌ a.

San Mateo 21:37 Referans Kwoze

San Juan 3:16

Dan me se ꞌe̱e̱ uxrá rá Yaꞌanj niꞌya̱j Yaꞌanj man níꞌ si̱j ma̱n rihaan chumii̱ nihánj, ne̱ nda̱ꞌ se o̱rúnꞌ Taꞌníí Yaꞌanj, tza̱j ne̱ rqué u̱u̱n Yaꞌanj Taꞌníí soꞌ yoꞌ, caꞌna̱ꞌ Taꞌníí soꞌ rihaan chumii̱ nihánj, ne̱ cataj Yaꞌanj se vaa nij yuvii̱ amán rá niꞌya̱j man Taꞌníí soꞌ roꞌ, se̱ caviꞌ nij soꞌ daj chiha̱a̱ míj maꞌ. Tana̱nj ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

San Juan 1:34

Ga̱a ne̱ queneꞌen ma̱ꞌán ꞌu̱nj man Jesús nihánj, se vaa nanij Nimán Yaꞌanj xráá soꞌ, ne̱ a̱j cataj yá ꞌu̱nj rihaan soj se vaa Taꞌni̱j Yaꞌanj me soꞌ ado̱nj ―taj Juan a.

San Lucas 20:13

’Ga̱a ne̱ guun rá síí xna̱a̱ yoꞌ a: “Da̱j qui̱ꞌyáj ya̱j ga̱. ꞌO̱ se caꞌne̱j ꞌu̱nj maꞌa̱n taꞌníj síí ꞌe̱e̱ raj man na̱nj á. Cara̱a̱ cochro̱j nij soꞌ rihaan taꞌníj sese caꞌa̱nj taꞌníj tza̱j xe̱e̱”, guun rá síí xna̱a̱, ne̱ caꞌnéé soꞌ man taꞌníí maꞌa̱n soꞌ caꞌa̱nj yoꞌ a.

San Marcos 12:6

’Ne̱ da̱j o̱rúnꞌ soꞌ quináj, ne̱ síí quináj me taꞌníí síí xna̱a̱, ne̱ ꞌe̱e̱ ndoꞌo rá síí xna̱a̱ man taꞌníí soꞌ a. Tza̱j ne̱ caꞌnéé síí xna̱a̱ yoꞌ man taꞌníí soꞌ rihaan nij síí tumé xnaa̱ soꞌ, ne̱ cataj soꞌ a: “Cara̱a̱ cochro̱j nij síí tumé naa̱ rihaan taꞌníj sese caꞌa̱nj taꞌníj tza̱j xe̱e̱”, taj síí xna̱a̱ yoꞌ a.

San Mateo 3:17

Ga̱a ne̱ rej xta̱ꞌ caꞌmii Yaꞌanj, ne̱ cuno nij síí nicu̱nꞌ ga̱ Jesús nana̱ caꞌmii Yaꞌanj, ne̱ dan me se cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man me síí nihánj, ne̱ aranꞌ ndoꞌo raj niꞌya̱j ꞌu̱nj man soꞌ ado̱nj ―taj nana̱ cavii rej xta̱ꞌ caꞌmii Yaꞌanj a.

San Juan 1:18

Ne̱ xa̱ꞌ Yaꞌanj, tza̱j ne̱ taj va̱j a̱ doj síí neꞌen rihaan man Yaꞌanj maꞌ. Tza̱j ne̱ o̱rúnꞌ Taꞌníí Yaꞌanj si̱j ya̱nj xꞌnúú Yaꞌanj, me síí tihaa̱n rihaan níꞌ da̱j vaa Yaꞌanj ado̱nj.

San Mateo 21:36

Ga̱a ne̱ caꞌnéé uún síí xna̱a̱ yoꞌ man ꞌó da̱nj mozó caꞌa̱nj uún rej na̱j xnaa̱ soꞌ a. Tza̱j ne̱ nij síí nu̱u̱ tumé naa̱ roꞌ, veé da̱nj quiꞌyaj uún nij soꞌ man nij mozó yoꞌ a.

San Mateo 21:38

Tza̱j ne̱ queneꞌen nij síí tumé naa̱ man taꞌníí síí xna̱a̱, ne̱ cataj nij soꞌ a: “Síí nihánj me síí gu̱un síí xna̱a̱ naa̱ nihánj vaa güii na̱nj ado̱nj. Cheꞌé dan ticavi̱ꞌ níꞌ man soꞌ, ne̱ gu̱un xna̱a̱ maꞌa̱n níꞌ man naa̱ nihánj chugua̱nj”, taj nij soꞌ rihaan tuviꞌ nij soꞌ a.