San Mateo 21:32 - Triqui de San Juan Copala

³² ꞌO̱ se cuchiꞌ Juan rihaan nij soj, ne̱ tucuꞌyón soꞌ rihaan nij soj da̱j quiꞌya̱j soj cuno̱ sa̱ꞌ soj rihaan Yaꞌanj, tza̱j ne̱ ne cuchuma̱n rá nij soj nana̱ caꞌmii soꞌ maꞌ. Tza̱j ne̱ nij síí tihaꞌ yuꞌunj man yuvii̱ cheꞌé impuestó do̱ꞌ, nij chana̱ niha̱ꞌ rá ga̱ chii do̱ꞌ, cuchumán rá nana̱ caꞌmii Juan na̱nj ado̱nj. Ne̱ queneꞌen soj se vaa cuchumán rá nij soꞌ, tza̱j ne̱ ne nuchra̱nꞌ nimán soj, ne̱ ne cuchuma̱n rá maꞌa̱n soj maꞌ.

San Mateo 21:32 Referans Kwoze

San Mateo 21:25

Dan me se me síí caꞌneꞌ suun rihaan Juan cuta̱ꞌ ne soꞌ man yuvii̱, rá soj ga̱. Yaꞌanj naꞌ. Ase nij yuvii̱ xa̱ꞌ. Cata̱j xnaꞌanj nij soj rihanj á ―taj Jesús a. Ga̱a ne̱ nuchruj ra̱a̱ ndoꞌo nij soꞌ ga̱ tuviꞌ nij soꞌ, cataj nij soꞌ a: ―Sese cata̱j níꞌ se vaa Yaꞌanj caꞌneꞌ suun rihaan Juan cuta̱ꞌ ne soꞌ man yuvii̱, ne̱ cata̱j Jesús rihaan níꞌ me cheꞌé ne cuchuma̱n rá níꞌ nana̱ caꞌmii Juan, cata̱j soꞌ a.

2 Pedro 2:21

Cavi̱i̱ sa̱ꞌ nij soꞌ doj sese ne queneꞌe̱n nij soꞌ stucua̱nj Yaꞌanj tucuáán nica̱ se vaa ya̱j queneꞌen nij soꞌ stucua̱nj Yaꞌanj, ga̱a ne̱ nanica̱j uún nij soꞌ tanáj nij soꞌ tucuáán gue̱e̱ nagoꞌ Yaꞌanj man nij soꞌ tza̱j ado̱nj.

Apocalipsis 2:21

Ne̱ caꞌneꞌ raj cache̱n do̱j güii cheꞌé rej nuchra̱nꞌ nimán noꞌ ne̱ ta̱náj noꞌ cacunꞌ otoj ga̱ ꞌó snóꞌo né ni̱ca̱ noꞌ me, tza̱j ne̱ naꞌvej rá noꞌ maꞌ.

Hebreos 3:12

Dan me se tu̱mé uxrá soj man soj se̱ gaa na̱nj ga̱a̱ qui̱j nimán ꞌo̱ tuviꞌ soj, ne̱ se̱ caꞌvej rá soꞌ cuchuma̱n rá soꞌ ni̱ꞌyaj soꞌ Yaꞌanj, maan tinu̱j, maan nocoj. Ta̱dó soj se̱ gaa na̱nj ta̱náj xco̱ ꞌo̱ tuviꞌ soj man Yaꞌanj si̱j vaa iꞌna̱ꞌ ya̱ maꞌ.

2 Timoteo 2:25

ne̱ veꞌé ti̱haa̱n soꞌ chrej sa̱ꞌ man nij síí me rá cano̱ tuviꞌ ga̱ soꞌ uún a. ꞌO̱ se xcaj soꞌ cuentá se vaa xraj ne̱ caꞌve̱e ra̱cuíj Yaꞌanj man nij soꞌ, ne̱ nuchra̱nꞌ nimán nij soꞌ cheꞌé cacunꞌ tumé nij soꞌ, ne̱ nari̱ꞌ nij soꞌ nana̱ ya̱ a.

San Mateo 11:18

ꞌO̱ se caꞌnaꞌ síí cuꞌna̱j Juan Síí Cutaꞌ Ne man yuvii̱, ga̱a ne̱ ne cha̱ ndoꞌo soꞌ do̱ꞌ, ne coꞌo̱ soꞌ na vinó do̱ꞌ maꞌ. Ne̱ cheꞌé dan taj nij yuvii̱ se vaa nu̱u̱ nana̱ chre̱e nimán soꞌ a.

San Mateo 5:46

ꞌO̱ se sese ꞌe̱e̱ rá soj man ina̱nj nij síí ꞌe̱e̱ rá man soj, ga̱a ne̱ me cheꞌé quiꞌya̱j Yaꞌanj se lu̱j ga̱ soj, rá soj ga̱. ꞌO̱ se neꞌen soj se vaa nda̱a nij síí tihaꞌ yuꞌunj man soj cheꞌé impuestó roꞌ, ꞌe̱e̱ rá nij soꞌ man tuviꞌ maꞌa̱n nij soꞌ ado̱nj.

San Mateo 21:31

Ne̱ me taꞌníí snóꞌo yoꞌ cuno sa̱ꞌ rihaan soꞌ, rá soj ga̱ ―taj Jesús, xnáꞌanj Jesús man nij soꞌ a. ―Xnii caꞌanj quiꞌya̱j suun roꞌ, cuno ya̱ soꞌ rihaan rej soꞌ a ―taj nij soꞌ rihaan Jesús a. Ga̱a ne̱ cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan nij soj cuano̱ se vaa nij síí tihaꞌ yuꞌunj man yuvii̱ cheꞌé impuestó do̱ꞌ, nij chana̱ niha̱ꞌ rá ga̱ chii do̱ꞌ, táá ya̱a̱n rihaan soj aꞌvej rá nij soꞌ gu̱un chij Yaꞌanj nimán nij soꞌ, ne̱ náj xco̱ nij soj ado̱nj.