San Mateo 21:26 - Triqui de San Juan Copala

²⁶ Tza̱j ne̱ sese cata̱j níꞌ se vaa né si̱j caꞌneꞌ Yaꞌanj suun rihaan me Juan, ne̱ caꞌma̱an rá nij yuvii̱, ne̱ quira̱nꞌ níꞌ sayuun, quiꞌya̱j nij yuvii̱ na̱nj á. ꞌO̱ se nij yuvii̱ me se síí caꞌnéé Yaꞌanj nata̱ꞌ snana̱ Yaꞌanj me Juan, rá cunuda̱nj nij yuvii̱ na̱nj ado̱nj ―taj nij soꞌ rihaan tuviꞌ nij soꞌ a.

San Mateo 21:26 Referans Kwoze

San Marcos 6:20

ꞌO̱ se cuchuꞌviꞌ Herodes niꞌya̱j soꞌ man Juan, cheꞌé se queneꞌen Herodes se vaa síí nica̱ rá síí sa̱ꞌ nimán rihaan Yaꞌanj me Juan, ne̱ cheꞌé dan caráán Herodes rihaan se chiꞌi̱i̱ cheꞌé Juan a. Dan me se ga̱a cuno Herodes snana̱ Juan, ne̱ nitunj ndoꞌo nimán soꞌ, tza̱j ne̱ guun niha̱ꞌ rá soꞌ caꞌmi̱i̱ Juan rihaan soꞌ a.

San Juan 5:35

Dan me se síí cuꞌna̱j Juan roꞌ, ase vaa agaꞌ yaꞌan vaa soꞌ, ne̱ ase vaa ruviꞌ sa̱ꞌ rihaan yuvii̱ ga̱a chuguu̱n agaꞌ yaꞌan yoꞌ roꞌ, da̱nj vaa ruviꞌ sa̱ꞌ tucuáán ya̱ rihaan soj quiꞌyaj soꞌ na̱nj ado̱nj. Ne̱ nij soj roꞌ, guun rá soj cuno̱ soj snana̱ soꞌ ꞌo̱ orá nii, cheꞌé se guun rá soj gu̱un niha̱ꞌ rá soj, quiꞌya̱j snana̱ soꞌ a.

San Mateo 21:46

Ga̱a ne̱ nanoꞌ nij soꞌ da̱j ga̱a̱ ta̱ꞌaa nij soꞌ man Jesús, tza̱j ne̱ cuchuꞌviꞌ nij soꞌ niꞌya̱j nij soꞌ man nij yuvii̱ a. ꞌO̱ se síí nataꞌ snana̱ Yaꞌanj me Jesús, rá nij yuvii̱ a.

San Mateo 14:5

Cheꞌé se vaa cataj Juan rihaan soꞌ roꞌ, cheꞌé dan guun ndoꞌo rá Herodes cavi̱ꞌ Juan a. Tza̱j ne̱ cuchuꞌviꞌ soꞌ se vaa caꞌma̱an rá nij yuvii̱ a. ꞌO̱ se síí nataꞌ snana̱ Yaꞌanj me Juan, rá nij yuvii̱ a.

San Mateo 11:9

ꞌO̱ se da̱j ga̱a̱ Juan rá soj, ga̱a caꞌanj soj queneꞌe̱n soj man soꞌ ga̱. Si̱j nataꞌ snana̱ Yaꞌanj me soꞌ, rá soj naꞌ. Ya̱ uxrá ado̱nj. Ne̱ cata̱j xnaꞌanj ꞌu̱nj rihaan soj se vaa sa̱ꞌ doj vaa soꞌ rihaan cunuda̱nj nij síí nataꞌ snana̱ Yaꞌanj ado̱nj.

Hechos 5:26

Ga̱a ne̱ cavii tanuu uun chij rihaan nij tanuu tumé nuvií noco̱o cavii nij tanuu cavii, caꞌanj nij soꞌ nuvií noco̱o, ne̱ caꞌanj naca̱j nij soꞌ man nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij síí uun chij yoꞌ a. Tza̱j ne̱ taj sayuun quiꞌyaj nij soꞌ man nij síí cuneꞌ Jesús man maꞌ. ꞌO̱ se cuchuꞌviꞌ nij tanuu niꞌya̱j nij soꞌ man nij yuvii̱ se vaa go̱ꞌ nij yuvii̱ yahij xráá maꞌa̱n nij soꞌ a.

San Juan 9:22

Da̱nj caꞌmii ro̱j ni̱ca̱ rej síí naxraꞌ rihaan yoꞌ cheꞌé se cuchuꞌviꞌ ro̱j soꞌ niꞌya̱j ro̱j soꞌ man nij síí uun chij rihaan nij yuvii̱ israelitá a. Dan me se a̱j guun ya̱ caꞌmii nij síí uun chij yoꞌ se vaa sese cata̱j ꞌo̱ soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me Jesús, ne̱ quiri̱i̱ nij soꞌ xeꞌ man síí aꞌmii da̱nj rá veꞌ tucuꞌyón nij síí israelitá stucua̱nj Moisés a.

San Lucas 22:2

Ne̱ nanoꞌ nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, da̱j quiꞌya̱j nij soꞌ ne̱ cavi̱ꞌ yuve̱ Jesús a. ꞌO̱ se naꞌvej rá nij soꞌ ta̱ꞌaa riha̱a̱n nij soꞌ man Jesús cheꞌé se chuꞌviꞌ nij soꞌ niꞌya̱j nij soꞌ man nij yuvii̱ uno snana̱ soꞌ a.

San Lucas 20:19

Ga̱a ne̱ guun rá nij síí naquiꞌyaj cu̱u stucua̱nj Moisés do̱ꞌ, nij xrej ata̱ suun noco̱o do̱ꞌ, ta̱ꞌaa raꞌya̱nj man Jesús, tza̱j ne̱ chuꞌviꞌ nij soꞌ niꞌya̱j nij soꞌ man nij yuvii̱ a. Queneꞌen nij soꞌ se vaa cheꞌe̱ maꞌa̱n nij soꞌ me cuentó nanó Jesús a.

San Lucas 20:6

Tza̱j ne̱ sese cata̱j níꞌ se vaa né si̱j caꞌneꞌ Yaꞌanj suun rihaan me Juan, ne̱ go̱ꞌ cunuda̱nj nij yuvii̱ yahij man níꞌ a. ꞌO̱ se amán rá nij yuvii̱ se vaa síí nataꞌ snana̱ Yaꞌanj me Juan a ―cataj nij soꞌ ga̱ tuviꞌ maꞌa̱n nij soꞌ a.

San Marcos 12:12

Ga̱a ne̱ nanoꞌ nij soꞌ da̱j ga̱a̱ ta̱ꞌaa nij soꞌ man Jesús, ese queneꞌen nij soꞌ se vaa cheꞌé maꞌa̱n nij soꞌ me cuentó nanó Jesús a. Tza̱j ne̱ cuchuꞌviꞌ nij soꞌ niꞌya̱j nij soꞌ man nij yuvii̱ nuu chre̱ꞌ a. Ne̱ tanáj nij soꞌ man Jesús, ne̱ caꞌanj nij soꞌ a.

San Marcos 11:32

Tza̱j ne̱ a̱ doj se̱ caꞌvee cata̱j níꞌ se vaa ma̱an yuvii̱ caꞌneꞌ suun rihaan Juan quiꞌya̱j soꞌ da̱nj maꞌ ―taj nij soꞌ rihaan tuviꞌ nij soꞌ, cheꞌé se cuchuꞌviꞌ nij soꞌ niꞌya̱j nij soꞌ man nij yuvii̱ a. ꞌO̱ se síí caꞌnéé Yaꞌanj nata̱ꞌ snana̱ Yaꞌanj rihaan yuvii̱ me ya̱ Juan, rá cunuda̱nj nij yuvii̱ a.

San Mateo 21:11

―Síí nihánj me Jesús síí cavii chumanꞌ Nazaret chumanꞌ na̱j estadó Galilea, ne̱ síí nataꞌ snana̱ Yaꞌanj me soꞌ ado̱nj ―taj nij yuvii̱ catúj chumanꞌ Jerusalén, niꞌya̱j nij soꞌ man Jesús a.

San Mateo 21:25

Dan me se me síí caꞌneꞌ suun rihaan Juan cuta̱ꞌ ne soꞌ man yuvii̱, rá soj ga̱. Yaꞌanj naꞌ. Ase nij yuvii̱ xa̱ꞌ. Cata̱j xnaꞌanj nij soj rihanj á ―taj Jesús a. Ga̱a ne̱ nuchruj ra̱a̱ ndoꞌo nij soꞌ ga̱ tuviꞌ nij soꞌ, cataj nij soꞌ a: ―Sese cata̱j níꞌ se vaa Yaꞌanj caꞌneꞌ suun rihaan Juan cuta̱ꞌ ne soꞌ man yuvii̱, ne̱ cata̱j Jesús rihaan níꞌ me cheꞌé ne cuchuma̱n rá níꞌ nana̱ caꞌmii Juan, cata̱j soꞌ a.

San Mateo 21:27

Ga̱a ne̱ cataj nij soꞌ rihaan Jesús a: ―Ne neꞌen núj me síí caꞌneꞌ suun rihaan Juan cuta̱ꞌ ne soꞌ man yuvii̱ maꞌ ―taj nij soꞌ a. Ga̱a ne̱ cataj Jesús rihaan nij soꞌ a: ―Cheꞌé dan se̱ cataj xnaꞌanj ꞌu̱nj rihaan nij soj me síí caꞌneꞌ suun rihanj qui̱ꞌyáj nda̱a vaa ꞌyáj maꞌ ―taj Jesús rihaan nij soꞌ a.