San Mateo 21:25 - Triqui de San Juan Copala

²⁵ Dan me se me síí caꞌneꞌ suun rihaan Juan cuta̱ꞌ ne soꞌ man yuvii̱, rá soj ga̱. Yaꞌanj naꞌ. Ase nij yuvii̱ xa̱ꞌ. Cata̱j xnaꞌanj nij soj rihanj á ―taj Jesús a. Ga̱a ne̱ nuchruj ra̱a̱ ndoꞌo nij soꞌ ga̱ tuviꞌ nij soꞌ, cataj nij soꞌ a: ―Sese cata̱j níꞌ se vaa Yaꞌanj caꞌneꞌ suun rihaan Juan cuta̱ꞌ ne soꞌ man yuvii̱, ne̱ cata̱j Jesús rihaan níꞌ me cheꞌé ne cuchuma̱n rá níꞌ nana̱ caꞌmii Juan, cata̱j soꞌ a.

San Mateo 21:25 Referans Kwoze

1 Juan 3:20

ꞌO̱ se nda̱ꞌ se caꞌve̱e nano̱ rá níꞌ cheꞌé cacunꞌ tumé níꞌ, tza̱j ne̱ sa̱ꞌ doj vaa Yaꞌanj rihaan nimán níꞌ, ne̱ Yaꞌanj me síí neꞌen cunuda̱nj ado̱nj.

San Juan 3:18

Níꞌ si̱j amán rá niꞌya̱j man Taꞌníí Yaꞌanj me se taj va̱j sayuun quira̱nꞌ níꞌ maꞌ. Tza̱j ne̱ síí ne amán rá niꞌya̱j man soꞌ roꞌ, a̱j cataj Yaꞌanj se vaa ya̱ quira̱nꞌ soꞌ sayuun na̱nj á. Cheꞌé se ne cuchuma̱n ya̱ rá soꞌ niꞌya̱j soꞌ o̱rúnꞌ ya̱ Taꞌníí Yaꞌanj roꞌ, cheꞌé dan quira̱nꞌ ya̱ soꞌ sayuun ado̱nj.

San Juan 1:15

Ne̱ síí cuꞌna̱j Juan me síí cataj xnaꞌanj rihaan yuvii̱ cheꞌé Jesús, ne̱ nucua̱j caꞌmii soꞌ, cataj soꞌ a: ―Síí nihánj roꞌ, a̱j cataj xnaꞌanj ꞌu̱nj rihaan soj cheꞌé soꞌ ga̱a rque̱ á. ꞌO̱ se cataj xnaꞌanj ꞌu̱nj rihaan soj se vaa nda̱ꞌ se síí caꞌna̱ꞌ rej rihanj me soꞌ, tza̱j ne̱ ꞌo̱ se si̱j noco̱o doj me soꞌ rihanj na̱nj á. ꞌO̱ se asi̱j ataa caꞌnga̱a̱ ꞌu̱nj, ne̱ a̱j nicunꞌ soꞌ na̱nj ado̱nj ―taj Juan a.

San Lucas 20:5

Ga̱a ne̱ nuchruj ra̱a̱ ndoꞌo nij soꞌ ga̱ tuviꞌ nij soꞌ a: ―Ne̱ sese cata̱j níꞌ se vaa Yaꞌanj caꞌneꞌ suun rihaan Juan cuta̱ꞌ ne soꞌ man yuvii̱, ne̱ cata̱j Jesús rihaan níꞌ me cheꞌé ne cuchuma̱n rá níꞌ nana̱ caꞌmii Juan, cata̱j soꞌ a.

San Juan 1:6

Ne̱ curiha̱nj ꞌo̱ snóꞌo, ne̱ síí caꞌnéé Yaꞌanj me soꞌ, ne̱ Juan cuꞌna̱j soꞌ a.

San Mateo 16:7

Ne̱ nuchruj ra̱a̱ ndoꞌo nij síí tucuꞌyón snana̱ Jesús cheꞌé nana̱ caꞌmii soꞌ, ne̱ cataj nij soꞌ a: ―Cheꞌé se taj rachrúún nica̱j níꞌ, ne̱ cheꞌé dan aꞌmii soꞌ cheꞌé levadura se ꞌyaj naraa nana̱ rque rachrúún na̱nj ado̱nj ―taj nij soꞌ rihaan tuviꞌ nij soꞌ a.

San Mateo 21:24

Ga̱a ne̱ cataj Jesús rihaan nij soꞌ a: ―Vaa ꞌu̱nj uún, ne̱ vaa ꞌo̱ nana̱ xna̱ꞌanj ꞌu̱nj man nij soj, ne̱ sese ya̱ cata̱j xnaꞌanj nij soj nana̱ yoꞌ rihanj, ne̱ cata̱j xnaꞌanj ꞌu̱nj rihaan soj me síí caꞌneꞌ suun rihanj a.

San Mateo 21:26

Tza̱j ne̱ sese cata̱j níꞌ se vaa né si̱j caꞌneꞌ Yaꞌanj suun rihaan me Juan, ne̱ caꞌma̱an rá nij yuvii̱, ne̱ quira̱nꞌ níꞌ sayuun, quiꞌya̱j nij yuvii̱ na̱nj á. ꞌO̱ se nij yuvii̱ me se síí caꞌnéé Yaꞌanj nata̱ꞌ snana̱ Yaꞌanj me Juan, rá cunuda̱nj nij yuvii̱ na̱nj ado̱nj ―taj nij soꞌ rihaan tuviꞌ nij soꞌ a.

San Lucas 14:4

Tza̱j ne̱ guun dínj tuꞌva nij soꞌ a. Ga̱a ne̱ taꞌaa Jesús man síí ranꞌ yoꞌ, ne̱ nahuun sa̱ꞌ soꞌ, quiꞌyaj Jesús, ga̱a ne̱ naꞌnéé Jesús chrej man soꞌ a.