San Mateo 20:26 - Triqui de San Juan Copala

²⁶ Tza̱j ne̱ se̱ gaa da̱nj scaꞌnúj nij soj a̱ maꞌ. ꞌO̱ se sese me rá nij soj gu̱un chij nij soj rihaan tuviꞌ nij soj, ne̱ gu̱un nij soj mozó rihaan ta̱ranꞌ tuviꞌ nij soj á.

San Mateo 20:26 Referans Kwoze

San Marcos 10:43

Tza̱j ne̱ se̱ gaa da̱nj scaꞌnúj soj quiꞌya̱j soj maꞌ. ꞌO̱ se sese me rá ꞌo̱ soj gu̱un chij soꞌ rihaan soj, ne̱ gu̱un soꞌ da̱j se vaa síí nu̱u̱ rihaan tuviꞌ,

San Marcos 10:45

Dan me se nda̱ꞌ se Si̱j Caꞌnéé Yaꞌanj Ni̱caj Yuꞌunj man Yuvii̱ mej, tza̱j ne̱ ne caꞌna̱ꞌ ꞌu̱nj cheꞌé yan gu̱un nij yuvii̱ mozó rihanj maꞌ. ꞌO̱ se caꞌnáꞌ ꞌu̱nj guún ꞌu̱nj mozó rihaan nij yuvii̱ na̱nj ado̱nj. Ne̱ caꞌnáꞌ ꞌu̱nj nayo̱n ma̱ꞌanj rihaan yuvii̱ ne̱ cavi̱ꞌ ꞌu̱nj cheꞌé cacunꞌ ata̱ nij soꞌ, ga̱a ne̱ nani̱i̱ nij soꞌ rihaan sayuun, qui̱ꞌyáj na̱nj ado̱nj ―taj Jesús a.

San Marcos 9:35

Ga̱a ne̱ caꞌanj quita̱j Jesús chruun xlá, ne̱ canacúún soꞌ man chuvi̱j nij soꞌ se vaa caꞌna̱ꞌ nij soꞌ rihaan soꞌ, ga̱a ne̱ cataj soꞌ rihaan nij soꞌ a: ―Me maꞌa̱n ꞌo̱ síí me rá gu̱un chij doj, ne̱ soꞌ me síí gu̱un síí noco̱ꞌ, ne̱ nda̱a gu̱un soꞌ mozó rihaan cunuda̱nj tuviꞌ soꞌ ado̱nj ―taj Jesús a.

1 Pedro 5:3

Ne̱ se̱ guun niha̱ꞌ rá soj quiri̱i̱ taꞌngaꞌ soj rihaan nij síí nica̱j yuꞌunj soj man maꞌ. Ina̱nj veꞌé quiꞌya̱j soj ga̱ nij soꞌ, ne̱ queneꞌe̱n nij soꞌ da̱j ꞌyaj soj, ga̱a ne̱ xca̱j nij soꞌ cuentá da̱j quiꞌya̱j maꞌa̱n nij soꞌ uún a.

San Lucas 18:14

’Ne̱ cuano̱ nihánj me se cata̱j xnaꞌanj ꞌu̱nj rihaan soj se vaa ga̱a quinanꞌ síí tihaꞌ yuꞌunj man yuvii̱ cheꞌé impuestó yoꞌ tucuá soꞌ, ga̱a ne̱ a̱j cunuu sa̱ꞌ nimán soꞌ rihaan Yaꞌanj na̱nj á. Tza̱j ne̱ ꞌó soꞌ roꞌ, taj maꞌ. ꞌO̱ se xa̱ꞌ síí me rá ta̱cavii sa̱ꞌ man maꞌa̱n, tza̱j ne̱ quiri̱ꞌ soꞌ, ne̱ gu̱un naꞌa̱j soꞌ a. Ne̱ xa̱ꞌ síí naquiꞌyaj nica̱ꞌ nimán, tza̱j ne̱ cavi̱i̱ sa̱ꞌ ndoꞌo soꞌ ado̱nj ―taj Jesús rihaan nij yuvii̱ yoꞌ a.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.

San Mateo 25:44

’Ga̱a ne̱ cata̱j maꞌa̱n nij síí chiꞌi̱i̱ yoꞌ a: “Señor, aman queneꞌen núj mán so̱ꞌ se vaa naꞌaan rqué so̱ꞌ do̱ꞌ, se vaa nacoó so̱ꞌ na do̱ꞌ, se vaa ase vaa síí caꞌnaꞌ ꞌó chumanꞌ vaa so̱ꞌ do̱ꞌ, se vaa achiin yatzíj cu̱nuû so̱ꞌ do̱ꞌ, se vaa canó chiꞌii̱ mán so̱ꞌ do̱ꞌ, se vaa quiꞌnij so̱ꞌ tagaꞌ do̱ꞌ, ne̱ ne ra̱cuíj núj mán so̱ꞌ ga̱”, cata̱j nij soꞌ, xna̱ꞌanj nij soꞌ manj a.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

Filemón 1:13

Ne̱ guun rá ꞌu̱nj nayo̱n soꞌ rihaan so̱ꞌ quina̱j soꞌ nihánj rej ꞌni̱j ꞌu̱nj tagaꞌ nihánj cheꞌé nana̱ sa̱ꞌ cheꞌé Cristó, ne̱ ra̱cuíj soꞌ mán ꞌu̱nj nihánj cheꞌé so̱ꞌ, rá ꞌu̱nj na̱nj ado̱nj.

2 Timoteo 1:18

Me ndoꞌo raj ga̱a̱ ꞌe̱e̱ rá Síí ꞌNi̱j Raꞌa man níꞌ man soꞌ güii caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj a. Ne̱ so̱ꞌ me síí neꞌen doj rihanj se vaa racuíj ndoꞌo síí cuꞌna̱j Onesíforo mán ꞌu̱nj ga̱a cayáán soꞌ chumanꞌ Éfeso a.

2 Corintios 1:24

ꞌO̱ se ne me rá núj quiri̱i̱ taꞌngaꞌ núj rihaan soj da̱j quiꞌya̱j soj canoco̱ꞌ soj man Cristó maꞌ. ꞌO̱ se síí ꞌyaj se‑su̱u̱n Yaꞌanj rcuaꞌa̱a̱n ga̱ soj yan cavi̱i̱ sa̱ꞌ soj ne̱ gu̱un niha̱ꞌ rá soj me núj, ne̱ a̱j nariꞌ sa̱ꞌ soj canoco̱ꞌ maꞌa̱n soj man Cristó na̱nj ado̱nj.

Hechos 13:5

Ga̱a ne̱ ga̱a cuchiꞌ ro̱j soꞌ chumanꞌ Salamina, ne̱ nataꞌ ro̱j soꞌ snana̱ Yaꞌanj rá nij veꞌ nuu chre̱ꞌ nij yuvii̱ israelitá tu̱cuꞌyón nij soꞌ stucua̱nj Moisés, ne̱ síí cuꞌna̱j Juan Marcos me síí va̱j ra̱cuíj man ro̱j soꞌ a.

San Juan 18:36

Ga̱a ne̱ cataj Jesús a: ―ꞌO̱ se né riha̱a̱n chumii̱ nihánj me rej uun chij ꞌu̱nj maꞌ. Sese rihaan chumii̱ nihánj me rej uun chij ꞌu̱nj, ne̱ gaa tanuu nu̱u̱ rihanj, ne̱ cavii nij tanuu, cunuꞌ nij tanuu, cheꞌé rej se̱ taꞌaa nij síí uun chij rihaan nij yuvii̱ israelitá manj asuun tza̱j ado̱nj. Tza̱j ne̱ né riha̱a̱n chumii̱ nihánj me rej uun chij ꞌu̱nj maꞌ ―taj Jesús a.

San Mateo 27:55

Ne̱ ga̱nꞌ doj nicunꞌ queꞌe̱e̱ chana̱, niꞌya̱j u̱u̱n nij chana̱ man Jesús a. Chana̱ noco̱ꞌ man Jesús asi̱j cavii Jesús estadó Galilea me nij chana̱ yoꞌ, ne̱ racuíj nij chana̱ yoꞌ man Jesús a.

Apocalipsis 17:6

Ga̱a ne̱ queneꞌén ꞌu̱nj se vaa xno̱ chana̱ yoꞌ, cheꞌé se a̱j coꞌo ndoꞌo noꞌ ton man nij síí noco̱ꞌ man Yaꞌanj do̱ꞌ, ton man nij síí caviꞌ cheꞌé se nataꞌ nij soꞌ cheꞌé Jesús do̱ꞌ a. Ne̱ caꞌanj ndoꞌo raj niꞌya̱j ꞌu̱nj man noꞌ a.

San Mateo 20:27

Ne̱ xa̱ꞌ nij síí uun rá gu̱un chij doj rihaan tuviꞌ nij soꞌ, tza̱j ne̱ ase vaa mozó nu̱u̱ rihaan ꞌo̱ ruꞌvee roꞌ, da̱nj ga̱a̱ nij soj rihaan ta̱ranꞌ tuviꞌ nij soj na̱nj ado̱nj.

San Lucas 22:26

Tza̱j ne̱ se̱ guun soj síí vaa da̱nj maꞌ. Ma̱an se tuviꞌ soj síí guun rá se vaa gu̱un chij soꞌ doj rihaan soj roꞌ, vaa cheꞌé gu̱un soꞌ síí noco̱ꞌ doj rihaan soj, ne̱ gu̱un soꞌ ase vaa ꞌo̱ se‑mo̱zó soj a.