San Mateo 20:21 - Triqui de San Juan Copala

²¹ ―Me se achiin mán so̱ꞌ ga̱ ―taj Jesús, xnáꞌanj soꞌ man noꞌ a. Ne̱ cataj noꞌ a: ―Caꞌne̱ꞌ so̱ꞌ suun se vaa asa̱ꞌ guun chij so̱ꞌ, ne̱ quita̱j ro̱j taꞌníj xꞌnúú so̱ꞌ, ne̱ ꞌo̱ soꞌ ca̱yáán rej nuva̱ꞌ so̱ꞌ, ne̱ ꞌó soꞌ ca̱yáán rej ni̱chruún so̱ꞌ, ne̱ quiri̱i̱ taꞌngaꞌ ro̱j soꞌ ga̱ so̱ꞌ, cata̱j so̱ꞌ, raj a ―taj chana̱ yoꞌ a.

San Mateo 20:21 Referans Kwoze

San Mateo 19:28

Ga̱a ne̱ cataj Jesús a: ―Ya̱ ya̱ cata̱j xnaꞌanj ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan soj se vaa asa̱ꞌ cunuu naca̱ chumii̱ nihánj, ne̱ asa̱ꞌ guun cheꞌe̱j cayánj rihaan chruun xlá ya̱ veꞌé vaa, ne̱ ca̱yáán chuvi̱j nij soj si̱j noco̱ꞌ manj chruun xlá sa̱ꞌ ndoꞌo, ne̱ caꞌne̱ꞌ soj cacunꞌ cheꞌé chuvi̱j nij xꞌneꞌ nij yuvii̱ israelitá ado̱nj.

San Mateo 18:1

Veé ma̱an orá dan cuchiꞌ nij síí tucuꞌyón snana̱ Jesús rihaan soꞌ, ne̱ xnáꞌanj nij soꞌ man soꞌ a: ―Me síí gu̱un síí noco̱o doj rej uun chij Yaꞌanj ga̱ ―taj nij soꞌ a.

Hechos 1:6

Ne̱ dan me se cunuu chre̱ꞌ nij síí cuneꞌ Jesús rihaan soꞌ, ne̱ xnáꞌanj nij soꞌ man Jesús a: ―Señor, ya̱j me se gu̱un chij uún níꞌ si̱j israelitá rihaan chiháán níꞌ, qui̱ꞌyáá so̱ꞌ naꞌ ―taj nij soꞌ rihaan Jesús a.

San Marcos 6:22

Ga̱a ne̱ catúj taꞌnij cha̱na̱ Herodías rej anuû chaꞌanj, ne̱ raꞌánj noꞌ, ne̱ guun niha̱ꞌ uxrá rá Herodes ga̱ nij síí caꞌnaꞌ chaꞌanj yoꞌ niꞌya̱j ta̱ranꞌ nij soꞌ man taꞌnij cha̱na̱ Herodías a. Ga̱a ne̱ cataj rey Herodes rihaan chana̱ ya̱a̱n yoꞌ a: ―Cuano̱ nihánj me se a̱ me maꞌa̱n rasu̱u̱n me rá so̱ꞌ cachi̱nj so̱ꞌ rihanj, ne̱ rque̱ ꞌu̱nj mán so̱ꞌ ado̱nj

San Mateo 20:32

Ga̱a ne̱ canicunꞌ Jesús, ne̱ canacúún Jesús man ro̱j soꞌ se vaa caꞌna̱ꞌ ro̱j soꞌ rihaan soꞌ, ne̱ cataj soꞌ a: ―Da̱j qui̱ꞌyáj man ro̱j so̱j, rá ro̱j so̱j ga̱ ―taj Jesús, xnáꞌanj soꞌ man ro̱j soꞌ a.

Colosenses 3:1

Dan me se ase vaa cunuu iꞌna̱ꞌ uún Cristó roꞌ, da̱nj vaa cunuu sa̱ꞌ nimán soj, ne̱ canocoꞌ soj chrej sa̱ꞌ, quiꞌyaj Cristó a. Cheꞌé dan cheꞌé ina̱nj rasu̱u̱n ma̱n rej xta̱ꞌ nano̱ rá soj, ne̱ cuano̱ nihánj me se xꞌnúú Yaꞌanj rej nuva̱ꞌ Yaꞌanj yáán Cristó cuano̱ ado̱nj.

Romanos 12:10

Ga̱a̱ ꞌe̱e̱ ndoꞌo rá soj man tinúú soj síí noco̱ꞌ man Cristó, ne̱ gu̱un niha̱ꞌ rá soj cara̱a̱ cochro̱j soj rihaan tinúú soj á.

San Juan 15:7

’Tza̱j ne̱ sese ꞌo̱ cu̱nuû rá nimán soj manj, ne̱ sese ꞌo̱ cu̱nuû snana̱j nimán soj, ne̱ caꞌve̱e se me maꞌa̱n rasu̱u̱n gu̱un rá soj cachi̱nj soj rihanj, ne̱ rque̱j man soj chugua̱nj.

San Lucas 22:24

Ga̱a ne̱ caꞌmii cunuꞌ cunuda̱nj nij síí tucuꞌyón snana̱ Jesús me nij soꞌ me síí gu̱un chij doj a.

San Lucas 19:11

Dan me se cuno nij síí ma̱n chumanꞌ Jericó snana̱ Jesús, tza̱j ne̱ guun rá nij soꞌ se vaa cheꞌé se nichrunꞌ Jesús chumanꞌ Jerusalén, cheꞌé dan raꞌya̱nj gu̱un chij Yaꞌanj rihaan chumii̱ nihánj ado̱nj, rá nij soꞌ a. Ne̱ cheꞌé dan guun cheꞌe̱ Jesús nanó Jesús ꞌo̱ cuentó nihánj, cheꞌé rej caꞌve̱e xca̱j nij yuvii̱ cuentá a.

San Lucas 18:41

―Da̱j qui̱ꞌyáj mán so̱ꞌ, rá so̱ꞌ ga̱ ―taj Jesús, xnáꞌanj Jesús man soꞌ a. ―Curuvi̱ꞌ rihanj raj ado̱nj ―taj soꞌ rihaan Jesús a.

San Marcos 10:51

Ga̱a ne̱ xnáꞌanj Jesús man soꞌ a: ―Da̱j qui̱ꞌyáj mán so̱ꞌ, rá so̱ꞌ ga̱ ―taj Jesús a. Ga̱a ne̱ cataj soꞌ a: ―Nachugu̱u̱n rihanj, raj, maestro ―taj soꞌ rihaan Jesús a.

Romanos 8:34

Taj va̱j yuvii̱ cuta̱ꞌ cacunꞌ xráá níꞌ si̱j narii Yaꞌanj man maꞌ. ꞌO̱ se caviꞌ Cristó cheꞌé níꞌ, ne̱ cunuu iꞌna̱ꞌ uún Cristó, ne̱ cuano̱ nicunꞌ soꞌ xꞌnúú Yaꞌanj rej nuva̱ꞌ Yaꞌanj, ne̱ maꞌa̱n soꞌ me síí achíín niꞌya̱j rihaan Yaꞌanj cheꞌé níꞌ ado̱nj.

San Marcos 16:19

Dan me se quisíj caꞌmii Jesús Si̱j ꞌNi̱j Raꞌa man níꞌ nana̱ dan rihaan nij síí tucuꞌyón snana̱ soꞌ, ga̱a ne̱ cavii soꞌ xta̱ꞌ, ga̱a ne̱ cayáán soꞌ rej nuva̱ꞌ Yaꞌanj a.

San Mateo 20:22

Ga̱a ne̱ cataj Jesús rihaan ro̱j tinu̱j ro̱j soꞌ a: ―Ne neꞌen ro̱j so̱j me rasu̱u̱n cachíín niꞌya̱j ro̱j so̱j rihanj nihánj a̱ maꞌ. ꞌO̱ se gu̱un nucua̱j ro̱j so̱j quira̱nꞌ ro̱j so̱j sayuun nda̱a vaa qui̱ránꞌ ꞌu̱nj naꞌ ―taj Jesús, xnáꞌanj soꞌ a. ―Gu̱un nucua̱j rój na̱nj ado̱nj ―taj ro̱j soꞌ a.