San Mateo 20:11 - Triqui de San Juan Copala

¹¹ Nacaj nij soꞌ saꞌanj, ga̱a ne̱ guun cheꞌe̱ nij soꞌ caꞌmii nij nij soꞌ niꞌya̱j nij soꞌ síí toꞌo̱j yoꞌ,

San Mateo 20:11 Referans Kwoze

1 Tesalonicenses 2:16

Dan me se me rá núj nata̱ꞌ núj snana̱ Yaꞌanj rihaan soj si̱j yaníj cheꞌé yan nani̱i̱ soj rihaan chrej chiꞌi̱i̱ do̱ꞌ, rihaan sayuun do̱ꞌ a. Tza̱j ne̱ aráán ndoꞌo nij síí israelitá yoꞌ chrej rihaan núj, ne̱ guun noco̱o uxrá cacunꞌ quita̱j xráá nij soꞌ nu̱ꞌ cavii nu̱ꞌ caꞌanj ado̱nj. Cheꞌé dan ꞌo̱ caꞌmaan rá Yaꞌanj niꞌya̱j Yaꞌanj man nij soꞌ, ne̱ yu̱u̱n cheꞌe̱ quiranꞌ nij soꞌ sayuun, quiꞌyaj Yaꞌanj na̱nj ado̱nj.

San Lucas 19:7

Dan me se cuno nij yuvii̱ da̱j cataj Jesús, ga̱a ne̱ nij caꞌmii nij yuvii̱ niꞌya̱j nij soꞌ man Jesús, cataj nij soꞌ a: ―Nihánj me se aranꞌ soꞌ tucuá ꞌo̱ síí tumé ndoꞌo cacunꞌ ado̱nj ―taj nij yuvii̱ niꞌya̱j nij soꞌ man Jesús a.

Judas 1:16

Nij soꞌ me se taj se qui̱ꞌyáꞌ cara̱nꞌ rá nij soꞌ ni̱ꞌyaj nij soꞌ se vaa ꞌyaj Yaꞌanj do̱ꞌ, se vaa ꞌyaj tuviꞌ nij soꞌ do̱ꞌ maꞌ. Ina̱nj ꞌyaj nij soꞌ se nij nda̱a vaa me rá maꞌa̱n nij soꞌ na̱nj chugua̱nj. Síí xta̱ꞌ ina̱nj aꞌmii me nij soꞌ, ne̱ veꞌé ndoꞌo aꞌmii nij soꞌ cheꞌé yuvii̱ cheꞌé se ina̱nj me rá nij soꞌ cavi̱i̱ sa̱ꞌ doj maꞌa̱n nij soꞌ ado̱nj.

Hechos 13:45

Tza̱j ne̱ queneꞌen nij yuvii̱ israelitá se vaa cuchiꞌ ndoꞌo yuvii̱ rihaan Pabló, ga̱a ne̱ cheꞌé dan guun xco̱j ruva̱a̱ rá nij yuvii̱ israelitá, ne̱ nij caꞌmii nij soꞌ cheꞌé Pabló, cataj nij soꞌ se vaa ina̱nj nana̱ ne̱ caꞌmii Pabló a.

San Lucas 15:2

Ne̱ xa̱ꞌ nij síí fariseo do̱ꞌ, nij síí naquiꞌyaj cu̱u stucua̱nj Moisés do̱ꞌ, tza̱j ne̱ nij caꞌmii nij soꞌ cheꞌé soꞌ, cheꞌé rej veꞌé nica̱j tuviꞌ soꞌ ga̱ nij síí tumé cacunꞌ ne̱ chá soꞌ ga̱ nij soꞌ a.

San Lucas 5:30

Dan me se ma̱n nij síí fariseo do̱ꞌ, síí naquiꞌyaj cu̱u stucua̱nj Moisés noco̱ꞌ man nij síí fariseo do̱ꞌ, ga̱a ne̱ caꞌmii chiꞌi̱i̱ nij soꞌ rihaan nij síí tucuꞌyón snana̱ Jesús a. Dan me se cataj nij síí fariseo ga̱ nij síí naquiꞌyaj cu̱u stucua̱nj Moisés a: ―Me cheꞌé chá soj ne̱ ꞌo soj na ga̱ nij síí aꞌnéj impuestó do̱ꞌ, ga̱ ꞌó nij síí tumé cacunꞌ do̱ꞌ ga̱ ―taj nij soꞌ, xnáꞌanj nij soꞌ man nij síí tucuꞌyón snana̱ Jesús a.

San Mateo 20:10

Ga̱a ne̱ caꞌnaꞌ nij síí catúj rej naꞌya̱a̱n rihaan síí tumé saꞌanj yoꞌ a. Noco̱o doj saꞌanj quiri̱ꞌ nij soꞌ, rá nij soꞌ, tza̱j ne̱ veé da̱nj ꞌo̱ saꞌanj denario quiriꞌ ꞌo̱ ꞌo̱ nij soꞌ uún a.

San Mateo 20:12

ga̱a ne̱ cataj nij soꞌ a: “Síí nihánj me se o̱rúnꞌ orá gue̱e̱ quiꞌyaj suun nij soꞌ, tza̱j ne̱ ꞌo̱ cuya̱a̱n naruꞌvee so̱ꞌ rihaan nij soꞌ ga̱ núj, ne̱ quiꞌyaj suun núj nu̱ꞌ güii, ne̱ goꞌ uxrá naán xráá núj ado̱nj”, taj nij soꞌ rihaan síí toꞌo̱j yoꞌ a.

San Marcos 14:5

Me cheꞌé ne cutuꞌve̱e̱ noꞌ casté, ne̱ quiri̱ꞌ noꞌ saꞌanj ase vaa ꞌyaj canaán yuvii̱ rque ꞌo̱ yoꞌ táá doj, ne̱ caxri̱i̱ noꞌ saꞌanj yoꞌ ston nij síí nique̱ ga̱ ―taj nij soꞌ rihaan tuviꞌ nij soꞌ, ga̱a ne̱ guun cheꞌe̱ nij soꞌ caxríj yuva̱a̱ nij soꞌ man chana̱ yoꞌ a.

San Juan 6:41

Dan me se, cheꞌé se cataj Jesús se vaa maꞌa̱n soꞌ me rachrúún nanij rej xta̱ꞌ rihaan chumii̱ nihánj, ne̱ cheꞌé dan caꞌmii nij síí uun chij rihaan nij yuvii̱ israelitá nana̱ nij niꞌya̱j nij soꞌ man Jesús,

San Juan 6:61

Queneꞌen maꞌa̱n Jesús se vaa caꞌmii taꞌa̱j nij síí tucuꞌyón snana̱ soꞌ nana̱ nij yoꞌ, ga̱a ne̱ cataj Jesús rihaan nij soꞌ a: ―Quiriꞌ rá soj, quiꞌyaj nana̱ nihánj naꞌ.