San Mateo 2:7 - Triqui de San Juan Copala

⁷ Cuno síí nica̱j suun Herodes nana̱ caꞌmii nij soꞌ, ga̱a ne̱ caꞌnéé yuve̱ soꞌ nana̱ rihaan nij síí tucuꞌyón ndoꞌo cheꞌé yatiꞌ se vaa caꞌna̱ꞌ nij soꞌ rihaan Herodes a. Ga̱a ne̱ xnáꞌanj Herodes man nij soꞌ me yavii curuviꞌ naca̱ yatiꞌ taj xnaꞌanj cheꞌé neꞌej yoꞌ, taj Herodes a. Ga̱a ne̱ cataj xnaꞌanj nij soꞌ rihaan Herodes a.

San Mateo 2:7 Referans Kwoze

Apocalipsis 12:15

Tza̱j ne̱ quirii ndoꞌo xcuáá yoꞌ na tuꞌva soꞌ rej va̱j chana̱, ne̱ ase vaa chráá vaa na caꞌnéé soꞌ rej va̱j chana̱, cheꞌé se guun rá soꞌ nu̱cuaj chráá man chana̱ a.

San Mateo 2:1

Dan me se caꞌngaa Jesús chumanꞌ Belén chumanꞌ na̱j estadó Judea, ne̱ síí cuꞌna̱j Herodes me síí nica̱j suun rey uun chij rej yoꞌ ga̱a caꞌngaa Jesús a. Quisíj caꞌngaa Jesús, ga̱a ne̱ caꞌnaꞌ do̱j nij síí tucuꞌyón ndoꞌo cheꞌé yatiꞌ nda̱a chumanꞌ cuꞌna̱j Jerusalén, ne̱ síí cavii rej síj güii me nij soꞌ a.

San Mateo 2:8

Ga̱a ne̱ caꞌnéé Herodes man nij soꞌ caꞌa̱nj nij soꞌ chumanꞌ Belén, ne̱ caꞌneꞌ Herodes suun rihaan nij soꞌ, ne̱ cataj Herodes a: ―Nano̱ꞌ uxrá soj man neꞌej yoꞌ, ne̱ asa̱ꞌ nariꞌ soj man neꞌej, ne̱ cata̱j xnaꞌanj soj rihanj me rej yáán neꞌej yoꞌ, ga̱a ne̱ caꞌa̱nj ma̱ꞌanj cara̱a̱ gue̱e̱ ꞌu̱nj rihaan neꞌej yoꞌ ado̱nj ―taj Herodes tihaꞌ soꞌ man nij síí tucuꞌyón ndoꞌo cheꞌé yatiꞌ a.

San Mateo 2:16

Quisíj caꞌanj nij re̱j Jesús yoꞌóó noco̱o cuꞌna̱j Egiptó, ga̱a ne̱ xcaj síí nica̱j suun rey cuꞌna̱j Herodes cuentá se vaa a̱j tihaꞌ yuꞌunj nij síí tucuꞌyón cheꞌé yatiꞌ man soꞌ a. Ga̱a ne̱ cuyanj ndoꞌo rá soꞌ, ne̱ cheꞌé dan caꞌneꞌ soꞌ suun rihaan tanuu se vaa ticavi̱ꞌ tanuu man nu̱ꞌ neꞌej sno̱ꞌo cunii ya̱nj nu̱ꞌ anica̱j chumanꞌ Belén a. Neꞌej va̱j vi̱j yoꞌ rej rque̱ roꞌ, cavi̱ꞌ, taj soꞌ a. Da̱nj quiꞌyaj soꞌ, ga̱a ne̱ cavi̱ꞌ neꞌej caꞌmii yatiꞌ cheꞌé taj nij síí tucuꞌyón cheꞌé yatiꞌ rihaan soꞌ, rá soꞌ a.

Hechos 24:22

Ese Félix roꞌ, me síí queneꞌen sa̱ꞌ da̱j vaa Se‑Chre̱j Jesús, ga̱a ne̱ cataj soꞌ se vaa gu̱un ra̱a̱n doj, ga̱a ne̱ caꞌne̱ꞌ soꞌ cacunꞌ cheꞌé Pabló a. Cheꞌé dan cataj soꞌ a: ―Asa̱ꞌ caꞌnaꞌ tanuu uun chij doj cuꞌna̱j Lisias nihánj, ne̱ naquiꞌya̱j cuú ꞌu̱nj cheꞌé nij soj á ―taj Félix a.