San Mateo 2:22 - Triqui de San Juan Copala

²² Ne̱ cuchiꞌ nana̱ rihaan soꞌ se vaa síí cuꞌna̱j Arquelao guun síí nica̱j suun rey uun chij rihaan estadó Judea a. Dan me se nayón Arquelao rihaan rej soꞌ Herodes a. Cheꞌé dan cuchuꞌviꞌ ndoꞌo José caꞌa̱nj soꞌ estadó Judea, ga̱a ne̱ caꞌmii uún nej rihaan soꞌ se vaa se̱ caꞌanj soꞌ estadó Judea maꞌ. Cheꞌé dan caꞌanj soꞌ estadó Galilea,

San Mateo 2:22 Referans Kwoze

San Lucas 2:39

Dan me se ga̱a quisíj quiꞌyaj ro̱j ni̱ca̱ José se vaa taj stucua̱nj Moisés, ga̱a ne̱ quinanꞌ ro̱j soꞌ estadó Galilea a. Quinanꞌ ro̱j soꞌ chiháán ro̱j soꞌ nda̱a chumanꞌ Nazaret a.

San Juan 7:52

Ga̱a ne̱ cataj nij soꞌ rihaan Nicodemo a: ―Me cheꞌé me rá so̱ꞌ caꞌmi̱i̱ sa̱ꞌ so̱ꞌ cheꞌé Jesús ga̱. ꞌO̱ se si̱j cavii estadó Galilea mé so̱ꞌ ga̱ soꞌ naꞌ. Tu̱cuꞌyón so̱ꞌ, ne̱ xca̱j so̱ꞌ cuentá se vaa a̱ ꞌó síí nataꞌ snana̱ Yaꞌanj ne avii estadó Galilea, ꞌyaj Yaꞌanj maꞌ ―taj nij síí fariseo rihaan Nicodemo yoꞌ a.

San Mateo 3:13

Ga̱a ne̱ curiha̱nj Jesús estadó Galilea caꞌanj soꞌ chráá cuꞌna̱j Jordán rihaan síí cuꞌna̱j Juan, ne̱ cuta̱ꞌ ne Juan man Jesús, rá soꞌ a. Dan me se cuchiꞌ Jesús rihaan Juan,

San Mateo 2:19

Ga̱a quisíj caviꞌ síí nica̱j suun rey cuꞌna̱j Herodes, ga̱a ne̱ ta̱j niꞌyo̱n naquiꞌyaa ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ rihaan José ga̱a yáán soꞌ yoꞌóó Egiptó ga̱a otoj soꞌ rej nii̱ a.

San Mateo 1:20

Dan me se nuchruj ra̱a̱ soꞌ da̱j quiꞌya̱j soꞌ, ga̱a ne̱ cotoj soꞌ, ne̱ ta̱j niꞌyo̱n naquiꞌyaa rihaan soꞌ se vaa caꞌnaꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ, ne̱ cataj se‑mo̱zó Yaꞌanj rihaan soꞌ a: ―Cu̱nó so̱ꞌ caꞌmi̱i̱ ꞌu̱nj, José. ꞌO̱ se taꞌníí taꞌnij siꞌno̱ rey cuꞌna̱j David síí cayáán ga̱a naá mé so̱ꞌ ado̱nj. Se̱ cuchuꞌvíꞌ so̱ꞌ xca̱j so̱ꞌ man chana̱ cuꞌna̱j Mariá maꞌ. Ne tumé noꞌ cacunꞌ maꞌ. Nimán Yaꞌanj quiꞌyaj se vaa nariꞌ noꞌ neꞌej ado̱nj.

San Mateo 2:1

Dan me se caꞌngaa Jesús chumanꞌ Belén chumanꞌ na̱j estadó Judea, ne̱ síí cuꞌna̱j Herodes me síí nica̱j suun rey uun chij rej yoꞌ ga̱a caꞌngaa Jesús a. Quisíj caꞌngaa Jesús, ga̱a ne̱ caꞌnaꞌ do̱j nij síí tucuꞌyón ndoꞌo cheꞌé yatiꞌ nda̱a chumanꞌ cuꞌna̱j Jerusalén, ne̱ síí cavii rej síj güii me nij soꞌ a.

San Mateo 2:21

Ga̱a ne̱ naxaga̱a̱ José, ne̱ nica̱j uún soꞌ ro̱j ni̱i neꞌej quinanꞌ soꞌ yoꞌóó Israel a.