San Mateo 2:13 - Triqui de San Juan Copala

¹³ Quisíj quinanꞌ nij síí tucuꞌyón ndoꞌo cheꞌé yatiꞌ, ga̱a ne̱ rej nii̱ caꞌmii nej rihaan síí cuꞌna̱j José a. Dan me se ta̱j niꞌyo̱n naquiꞌyaa ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ rihaan soꞌ, ne̱ cataj se‑mo̱zó Yaꞌanj rihaan soꞌ a: ―Na̱xaga̱a̱ so̱ꞌ, ne̱ ni̱caj so̱ꞌ man ro̱j ni̱i neꞌej, cuna̱nj so̱ꞌ caꞌa̱nj so̱ꞌ yoꞌóó noco̱o cuꞌna̱j Egiptó, ne̱ ca̱yáán so̱ꞌ yoꞌóó Egiptó nda̱a güii caꞌmi̱i̱ uún ꞌu̱nj rihaan so̱ꞌ á. ꞌO̱ se nano̱ꞌ ndoꞌo síí nica̱j suun rey cuꞌna̱j Herodes man neꞌej, ne̱ ticavi̱ꞌ soꞌ man neꞌej yoꞌ vaa taj soꞌ ado̱nj ―taj se‑mo̱zó Yaꞌanj Si̱j ꞌNi̱j Raꞌa man níꞌ rihaan José a.

San Mateo 2:13 Referans Kwoze

Hechos 12:11

Dan me se cachríj rá Pedró se vaa ya̱ curiha̱nj soꞌ tagaꞌ, ga̱a ne̱ cataj soꞌ a: ―Nda̱a ya̱j guun ya̱ ya̱ raj se vaa Yaꞌanj Si̱j ꞌNi̱j Raꞌa mán ꞌu̱nj roꞌ, ya̱ caꞌnéé soꞌ man se‑mo̱zó soꞌ, ne̱ tinanii soꞌ mán ꞌu̱nj rihaan síí cuꞌna̱j Herodes, ne̱ nihánj me se se̱ quiránꞌ ꞌu̱nj nda̱a vaa me rá nij yuvii̱ israelitá qui̱ránꞌ ꞌu̱nj a̱ maꞌ ―taj Pedró a.

Hechos 10:7

Dan me se caꞌanj uún se‑mo̱zó Yaꞌanj yoꞌ, ga̱a ne̱ canacúún Cornelió caꞌna̱ꞌ vi̱j se‑mo̱zó maꞌa̱n soꞌ do̱ꞌ, ꞌo̱ tanuu nu̱u̱ rihaan soꞌ, síí noco̱ꞌ man Yaꞌanj ga̱ soꞌ do̱ꞌ a.

Hechos 5:19

Tza̱j ne̱ rej nii̱ me se caꞌnaꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ, ne̱ caꞌnúj soꞌ taꞌyaa tagaꞌ yoꞌ, ne̱ caꞌanj nica̱j soꞌ man nij soꞌ xeꞌ a. Ga̱a ne̱ cataj se‑mo̱zó Yaꞌanj yoꞌ rihaan nij soꞌ a:

San Mateo 2:12

Ne̱ rej nii̱ caꞌmii nej rihaan nij soꞌ, ne̱ cataj xnaꞌanj Yaꞌanj rihaan nij soꞌ se vaa se̱ canica̱j uún nij soꞌ caꞌa̱nj nij soꞌ rihaan síí nica̱j suun rey cuꞌna̱j Herodes, taj nej rihaan nij soꞌ a. Cheꞌé dan ꞌó chrej canica̱j nij soꞌ quinanꞌ nij soꞌ chiháán nij soꞌ a.

San Mateo 1:20

Dan me se nuchruj ra̱a̱ soꞌ da̱j quiꞌya̱j soꞌ, ga̱a ne̱ cotoj soꞌ, ne̱ ta̱j niꞌyo̱n naquiꞌyaa rihaan soꞌ se vaa caꞌnaꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ, ne̱ cataj se‑mo̱zó Yaꞌanj rihaan soꞌ a: ―Cu̱nó so̱ꞌ caꞌmi̱i̱ ꞌu̱nj, José. ꞌO̱ se taꞌníí taꞌnij siꞌno̱ rey cuꞌna̱j David síí cayáán ga̱a naá mé so̱ꞌ ado̱nj. Se̱ cuchuꞌvíꞌ so̱ꞌ xca̱j so̱ꞌ man chana̱ cuꞌna̱j Mariá maꞌ. Ne tumé noꞌ cacunꞌ maꞌ. Nimán Yaꞌanj quiꞌyaj se vaa nariꞌ noꞌ neꞌej ado̱nj.

San Mateo 2:16

Quisíj caꞌanj nij re̱j Jesús yoꞌóó noco̱o cuꞌna̱j Egiptó, ga̱a ne̱ xcaj síí nica̱j suun rey cuꞌna̱j Herodes cuentá se vaa a̱j tihaꞌ yuꞌunj nij síí tucuꞌyón cheꞌé yatiꞌ man soꞌ a. Ga̱a ne̱ cuyanj ndoꞌo rá soꞌ, ne̱ cheꞌé dan caꞌneꞌ soꞌ suun rihaan tanuu se vaa ticavi̱ꞌ tanuu man nu̱ꞌ neꞌej sno̱ꞌo cunii ya̱nj nu̱ꞌ anica̱j chumanꞌ Belén a. Neꞌej va̱j vi̱j yoꞌ rej rque̱ roꞌ, cavi̱ꞌ, taj soꞌ a. Da̱nj quiꞌyaj soꞌ, ga̱a ne̱ cavi̱ꞌ neꞌej caꞌmii yatiꞌ cheꞌé taj nij síí tucuꞌyón cheꞌé yatiꞌ rihaan soꞌ, rá soꞌ a.

Apocalipsis 12:14

Tza̱j ne̱ rqué nii vi̱j scache̱e xtaa xi̱j man chana̱, cheꞌé rej caꞌve̱e cavi̱i̱ noꞌ caꞌa̱nj noꞌ rej tacaan rej ya̱nj noꞌ quiꞌyaj Yaꞌanj, ne̱ yoꞌ me rej rque̱ Yaꞌanj se cha̱ noꞌ vaꞌnu̱j yoꞌ táá néé, ne̱ ga̱nꞌ ndoꞌo cunánj noꞌ rihaan xcuáá tuꞌvi̱i a.

Hechos 16:36

Ga̱a ne̱ cuchiꞌ síí tumé tagaꞌ yoꞌ rihaan Pabló, ne̱ nataꞌ soꞌ snana̱ nij misión rihaan Pabló, cataj soꞌ a: ―Caꞌnéé ro̱j cuese̱ nana̱ se vaa naꞌne̱j ꞌu̱nj man ro̱j so̱j na̱nj á. Cheꞌé dan cuano̱ nihánj me se caꞌve̱e caꞌa̱nj ro̱j so̱j, ne̱ ga̱a̱ dínj nimán ro̱j so̱j á ―taj soꞌ rihaan Pabló a.

Hechos 10:22

Ga̱a ne̱ cataj nij soꞌ a: ―Caꞌmii ꞌo̱ se‑mo̱zó Yaꞌanj mozó gue̱e̱ rihaan ꞌo̱ síí cuꞌna̱j Cornelió, ne̱ soꞌ roꞌ, me tanuu capitán ꞌni̱j raꞌa cientó tanuu a. Ne̱ cunuda̱nj nij yuvii̱ israelitá taj se vaa síí vaa nica̱ nimán me soꞌ ne̱ síí aráj cochro̱j ndoꞌo rihaan Yaꞌanj me uún soꞌ a. Ne̱ dan me se cataj xnaꞌanj se‑mo̱zó Yaꞌanj rihaan soꞌ se vaa nacu̱nj soꞌ mán so̱ꞌ cuchi̱ꞌ so̱ꞌ veꞌ tucuá soꞌ ne̱ cuno̱ soꞌ nana̱ nata̱ꞌ so̱ꞌ rihaan soꞌ a ―taj nij soꞌ rihaan Pedró a.

Hechos 7:19

Ne̱ soꞌ me síí tihaꞌ yuꞌunj man tuviꞌ níꞌ nij yuvii̱ israelitá, ne̱ tucuxruꞌ soꞌ man xi̱i níꞌ nij yuvii̱ israelitá yoꞌ a. Dan me se caꞌneꞌ soꞌ suun se vaa quiriꞌi̱j nii man taꞌníí nij yuvii̱ israelitá leé no̱ xeꞌ, cheꞌé yan cavi̱ꞌ nij neꞌej a.

San Mateo 10:23

Ne̱ sese quiꞌya̱j nij síí ma̱n ꞌo̱ chumanꞌ sayuun man soj, ne̱ cuna̱nj soj caꞌa̱nj soj ꞌó chumanꞌ á. Ya̱ ya̱ cata̱j xnaꞌanj ꞌu̱nj rihaan soj se vaa se̱ canó cunuda̱nj nij chumanꞌ ma̱n nij yuvii̱ israelitá caꞌa̱nj soj, ne̱ caꞌna̱ꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ado̱nj.

Apocalipsis 12:6

Ga̱a ne̱ cunánj chana̱ nda̱a rej tacaan rej quiꞌyaj maꞌa̱n Yaꞌanj ca̱yáán noꞌ, cheꞌé rej caꞌve̱e rque̱ Yaꞌanj se cha̱ noꞌ ꞌo̱ míj táá vi̱j cientó táá vaꞌnu̱j chiha̱a̱ (1260) güii a.

Apocalipsis 12:4

Ne̱ taneꞌ xoꞌ me se cuxuun yoꞌ ꞌo̱ yatiꞌ rihaan da̱j a̱ vaꞌnu̱j nij yatiꞌ ma̱n rej xta̱ꞌ, ne̱ cayuu nij yatiꞌ rihaan yoꞌóó, quiꞌyaj xoꞌ a. Ne̱ canicunꞌ xcuáá tuꞌvi̱i yoꞌ rihaan chana̱ cuchru̱j neꞌej, cheꞌé rej cha̱ nu̱ꞌ xoꞌ man neꞌej cuchru̱j chana̱ yoꞌ a.

San Mateo 2:22

Ne̱ cuchiꞌ nana̱ rihaan soꞌ se vaa síí cuꞌna̱j Arquelao guun síí nica̱j suun rey uun chij rihaan estadó Judea a. Dan me se nayón Arquelao rihaan rej soꞌ Herodes a. Cheꞌé dan cuchuꞌviꞌ ndoꞌo José caꞌa̱nj soꞌ estadó Judea, ga̱a ne̱ caꞌmii uún nej rihaan soꞌ se vaa se̱ caꞌanj soꞌ estadó Judea maꞌ. Cheꞌé dan caꞌanj soꞌ estadó Galilea,

San Mateo 2:14

Ga̱a ne̱ naxaga̱a̱ José, ne̱ nica̱j soꞌ man ro̱j ni̱i neꞌej, ne̱ rej nii̱ cavii nij soꞌ caꞌanj nij re̱j soꞌ yoꞌóó Egiptó,

Hechos 12:7

Ne̱ ta̱j niꞌyo̱n curiha̱nj ꞌo̱ se‑mo̱zó Yaꞌanj rá veꞌ na̱j Pedró, ne̱ chuguu̱n ndoꞌo rá tagaꞌ yoꞌ a. Ga̱a ne̱ tinasquiꞌ se‑mo̱zó Yaꞌanj xꞌnúú Pedró, tinanuû soꞌ man Pedró, ne̱ cataj soꞌ a: ―ꞌO̱ na̱xaga̱a̱ so̱ꞌ cuaj, Pedro ―taj soꞌ rihaan Pedró a. Dan me se naxaga̱a̱ Pedró, ne̱ agaꞌ ne̱ꞌ numi̱i raꞌa soꞌ roꞌ, naxraꞌ yoꞌ, ne̱ quinij yoꞌ rihaan yoꞌóó a.