San Mateo 19:28 - Triqui de San Juan Copala

²⁸ Ga̱a ne̱ cataj Jesús a: ―Ya̱ ya̱ cata̱j xnaꞌanj ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan soj se vaa asa̱ꞌ cunuu naca̱ chumii̱ nihánj, ne̱ asa̱ꞌ guun cheꞌe̱j cayánj rihaan chruun xlá ya̱ veꞌé vaa, ne̱ ca̱yáán chuvi̱j nij soj si̱j noco̱ꞌ manj chruun xlá sa̱ꞌ ndoꞌo, ne̱ caꞌne̱ꞌ soj cacunꞌ cheꞌé chuvi̱j nij xꞌneꞌ nij yuvii̱ israelitá ado̱nj.

San Mateo 19:28 Referans Kwoze

San Mateo 25:31

’Asa̱ꞌ caꞌnaꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj, ne̱ niꞌndaj ya̱ sa̱ꞌ veꞌé ga̱a̱ caꞌna̱ꞌ ꞌu̱nj, ne̱ caꞌna̱ꞌ cunuda̱nj nij se‑mo̱zó ꞌu̱nj nij síí gue̱e̱ a. Ne̱ asa̱ꞌ caꞌnáꞌ ꞌu̱nj, ne̱ quita̱j ꞌu̱nj rihaan xrúún ꞌu̱nj chruun xlá niꞌndaj ya̱ veꞌé vaa, ne̱ caꞌne̱ꞌ ꞌu̱nj cacunꞌ cheꞌé yuvii̱ ado̱nj.

Apocalipsis 20:4

Ga̱a ne̱ dan me se queneꞌén ꞌu̱nj chruun xlá sa̱ꞌ, ne̱ vaa nij síí ta̱j nij chruun xlá sa̱ꞌ yoꞌ a. Dan me se caꞌneꞌ Yaꞌanj suun rihaan nij soꞌ se vaa caꞌne̱ꞌ nij soꞌ cacunꞌ cheꞌé nij yuvii̱ a. Ne̱ queneꞌén ꞌu̱nj man nimán ꞌó nij síí ya̱nj rej yoꞌ a. Ne̱ nij soꞌ roꞌ, me nij síí sa̱ꞌ tagüéj nii cúú yave̱ cheꞌé snana̱ Jesús nana̱ nataꞌ nij soꞌ do̱ꞌ, cheꞌé snana̱ Yaꞌanj do̱ꞌ a. Ne̱ nij soꞌ roꞌ, ne cara̱a̱ gue̱e̱ nij soꞌ rihaan xcuu yuva̱a̱ do̱ꞌ, rihaan se tinanga̱ꞌ xcuu yuva̱a̱ do̱ꞌ maꞌ. Ne̱ ne caꞌve̱j rá nij soꞌ cata̱ꞌ se‑taꞌnga̱ꞌ xcuu yuva̱a̱ yoꞌ caan rihaan nij soꞌ do̱ꞌ, raꞌa nij soꞌ do̱ꞌ maꞌ. ꞌO̱ se cunuu iꞌna̱ꞌ uún nij soꞌ, ne̱ ꞌo̱ míj yoꞌ cayáán nij soꞌ ne̱ guun chij nij soꞌ ga̱ Cristó a.

Apocalipsis 7:4

Ga̱a ne̱ cunó ꞌu̱nj me daj nij soꞌ cutaꞌ nii taꞌngaꞌ caan rihaan, ne̱ cientó táá vi̱j chiha̱a̱ caꞌa̱nj míj (144,000) yuvii̱ me nij soꞌ, ne̱ si̱j ma̱n cunuda̱nj nij xꞌneꞌ nij yuvii̱ israelitá me nij soꞌ, ne̱ ꞌo̱ xꞌneꞌ cheꞌé ꞌo̱ ꞌo̱ taꞌníí Israel síí cayáán ga̱a naá me nij soꞌ a.

2 Pedro 3:13

Tza̱j ne̱ a̱j cataꞌ tuꞌva Yaꞌanj se vaa ya̱ ga̱a̱ ꞌó chumii̱ naca̱, ne̱ ga̱a̱ ꞌó rej xta̱ꞌ naca̱, ne̱ ina̱nj se sa̱ꞌ quiꞌya̱j nij síí cuma̱n rej yoꞌ asa̱ꞌ quisíj ado̱nj. Dan me se naꞌvi̱j ndoꞌo níꞌ quisi̱j güii yoꞌ cuaj na̱nj á.

San Mateo 16:27

’ꞌO̱ se ya̱ ya̱ caꞌna̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ niꞌndaj ya̱ sa̱ꞌ veꞌé ga̱a̱ ꞌu̱nj, quiꞌya̱j Réé ꞌu̱nj, ne̱ caꞌna̱ꞌ nij se‑mo̱zó soꞌ ga̱ ꞌu̱nj na̱nj ado̱nj. Ga̱a ne̱ na̱ruꞌvee ꞌu̱nj rihaan ꞌo̱ ꞌo̱ soꞌ cheꞌé se vaa quiꞌyaj ꞌo̱ ꞌo̱ soꞌ na̱nj ado̱nj.

Apocalipsis 21:5

Ga̱a ne̱ cataj uún soꞌ a: ―Ni̱ꞌyaj soj á. Nihánj me se naquiꞌya̱j naca̱ uún ꞌu̱nj man cunuda̱nj nij rasu̱u̱n na̱nj á ―taj soꞌ a. Ga̱a ne̱ cataj uún soꞌ a: ―Cachro̱n so̱ꞌ nana̱ nihánj rihaan yanj á. ꞌO̱ se nana̱ ya̱ me nana̱ nihánj, ne̱ vaa cheꞌé ga̱a̱ nucua̱j rá soj manj se vaa qui̱ꞌyáj nu̱ꞌ rasu̱u̱n nihánj ado̱nj ―taj soꞌ a.

Apocalipsis 4:4

Ne̱ nu̱ꞌ anica̱j chruun xlá sa̱ꞌ yoꞌ roꞌ, nicunꞌ ꞌó ico̱ caꞌa̱nj (24) chruun xlá sa̱ꞌ, ne̱ ta̱j ico̱ caꞌa̱nj síí uun chij rihaan nij chruun xlá sa̱ꞌ yoꞌ, ne̱ nu̱u̱ nij síí uun chij yatzíj catzi̱i̱, ne̱ nu̱u̱ raa̱ nij soꞌ cachriin agaꞌ oró míí a.

Apocalipsis 3:21

Ne̱ síí quiꞌya̱j canaán roꞌ, ca̱yáán soꞌ rihaan xrúún ꞌu̱nj chruun xlá sa̱ꞌ ga̱ ꞌu̱nj, ne̱ gu̱un chij soꞌ ga̱j, qui̱ꞌyáj, nda̱a vaa quiꞌyaj Réj Yaꞌanj ga̱j ado̱nj. Dan me se ga̱a quiꞌyaj canaán ꞌu̱nj, ne̱ cayáán ꞌu̱nj rihaan xrúún Réj Yaꞌanj chruun xlá sa̱ꞌ ga̱ soꞌ, ne̱ uun chij ꞌu̱nj ga̱ soꞌ, quiꞌyaj soꞌ chugua̱nj.

2 Timoteo 2:12

Sese se̱ cunánj níꞌ rihaan sayuun, ga̱a ne̱ gu̱un chij níꞌ ga̱ soꞌ uún a. Sese cata̱j níꞌ se vaa né si̱j noco̱ꞌ man soꞌ me níꞌ, ne̱ cata̱j soꞌ se vaa né tuvi̱ꞌ soꞌ me níꞌ uún a.

Hechos 3:21

Cuano̱ nihánj me se vaa cheꞌé ca̱yáán soꞌ rej xta̱ꞌ nda̱a se quisi̱j güii naquiꞌya̱j sa̱ꞌ Yaꞌanj nu̱ꞌ nij rasu̱u̱n nda̱a rá se vaa nij rasu̱u̱n asi̱j naá ndoꞌo nda̱a vaa cataj xnaꞌanj nij síí sa̱ꞌ síí nataꞌ snana̱ Yaꞌanj ga̱a naá a.

San Mateo 20:21

―Me se achiin mán so̱ꞌ ga̱ ―taj Jesús, xnáꞌanj soꞌ man noꞌ a. Ne̱ cataj noꞌ a: ―Caꞌne̱ꞌ so̱ꞌ suun se vaa asa̱ꞌ guun chij so̱ꞌ, ne̱ quita̱j ro̱j taꞌníj xꞌnúú so̱ꞌ, ne̱ ꞌo̱ soꞌ ca̱yáán rej nuva̱ꞌ so̱ꞌ, ne̱ ꞌó soꞌ ca̱yáán rej ni̱chruún so̱ꞌ, ne̱ quiri̱i̱ taꞌngaꞌ ro̱j soꞌ ga̱ so̱ꞌ, cata̱j so̱ꞌ, raj a ―taj chana̱ yoꞌ a.

Apocalipsis 22:2

Ne̱ tanu̱u̱ callé noco̱o caxra̱ꞌ ta̱j rque chumanꞌ yoꞌ nicunꞌ chruun ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj a. Dan me se nu̱ꞌ niha̱ tuꞌva chráá yoꞌ nicunꞌ chruun yoꞌ a. Ne̱ da̱j a̱ yavii avii chruj raa̱ chruun yoꞌ a. ꞌO̱ se chuvi̱j ya̱ rii chruun yoꞌ chruj da̱j a̱ yoꞌ ado̱nj. Ne̱ coj ma̱n raꞌa chruun yoꞌ roꞌ, ꞌyaj nahuun sa̱ꞌ cunuda̱nj nij yuvii̱ ma̱n rihaan chumii̱ a.

Apocalipsis 12:1

Ga̱a ne̱ dan me se naquiꞌyaa ꞌo̱ rasu̱u̱n noco̱o curuviꞌ rej xta̱ꞌ rihaan ꞌu̱nj, quiꞌyaj Yaꞌanj, ne̱ chana̱ me yoꞌ, ne̱ saga̱nꞌ chana̱ yoꞌ roꞌ, me güii, ne̱ táá tacóó noꞌ xráá yavii a. Ne̱ nu̱u̱ raa̱ noꞌ ꞌo̱ cachriin no̱ chuvi̱j yatiꞌ a.

San Mateo 6:33

Cheꞌé dan nano̱ꞌ soj rej da̱j quiꞌya̱j soj ne̱ gu̱un chij Yaꞌanj nimán soj ne̱ cunu̱u sa̱ꞌ nimán soj, ga̱a ne̱ rque̱ Yaꞌanj nu̱ꞌ rasu̱u̱n yoꞌ man soj ado̱nj.

San Mateo 8:20

Ga̱a ne̱ cataj Jesús rihaan soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ ꞌó rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Mateo 19:27

Ga̱a ne̱ cataj Pedró rihaan Jesús a: ―Ne̱ núj ga̱. A̱j tanáj núj nu̱ꞌ siꞌyaj núj, ne̱ nocoꞌ núj mán so̱ꞌ ado̱nj. Da̱j quira̱nꞌ núj ga̱ ―taj Pedró, xnáꞌanj soꞌ a.

San Marcos 10:37

Ga̱a ne̱ cataj ro̱j soꞌ rihaan Jesús a: ―Cata̱j xnaꞌanj so̱ꞌ se vaa asa̱ꞌ niꞌndaj ya̱ sa̱ꞌ veꞌé guun chij so̱ꞌ rihaan chumii̱ nihánj, ne̱ quita̱j rój xꞌnúú so̱ꞌ, ne̱ ca̱ta̱ rój suun sa̱ꞌ doj, qui̱ꞌyáá so̱ꞌ á. Dan me se ꞌo̱ rój ca̱yáán rej nuva̱ꞌ so̱ꞌ, ne̱ ꞌó rój ca̱yáán rej ni̱chruún so̱ꞌ, rá rój a ―taj ro̱j soꞌ a.

Apocalipsis 11:16

Ne̱ ico̱ caꞌa̱nj (24) nij síí uun chij ta̱j rihaan chruun xlá sa̱ꞌ rej rihaan Yaꞌanj me se caꞌanj ca̱yáán ru̱j nij soꞌ rihaan Yaꞌanj, ne̱ tocoꞌ ni̱j nij soꞌ rihaan nij soꞌ rihaan yoꞌóó, ne̱ caráj gue̱e̱ nij soꞌ rihaan Yaꞌanj a.

Apocalipsis 22:5

ne̱ taj va̱j rej nii̱ queneꞌe̱n nij soꞌ rej yoꞌ a̱ maꞌ. Ne̱ se̱ cachiin agaꞌ yaꞌan chuguu̱n do̱ꞌ, naán güii do̱ꞌ, rihaan nij soꞌ a̱ maꞌ. ꞌO̱ se maꞌa̱n Yaꞌanj Si̱j ꞌNi̱j Raꞌa man níꞌ chugu̱u̱n rihaan nij soꞌ, ne̱ dan me se gu̱un chij nij soꞌ nu̱ꞌ cavii nu̱ꞌ caꞌanj na̱nj chugua̱nj.