Ase vaa me ndoꞌo rá leé no̱ cutzi̱i leé no̱ too roꞌ, da̱nj gu̱un ndoꞌo rá soj tu̱cuꞌyón soj snana̱ Yaꞌanj nana̱ ya̱ na̱nj á. Ase vaa racuíj too man leé no̱ achij leé no̱ roꞌ, da̱nj ga̱a̱ ra̱cuíj snana̱ Yaꞌanj man soj cunu̱u sca̱ꞌ nimán soj chugua̱nj. Dan, ga̱a ne̱ nani̱i̱ soj rihaan sayuun ne̱ cavi̱i̱ sa̱ꞌ ndoꞌo soj, quiꞌya̱j Yaꞌanj ado̱nj.
San Mateo 18:3 - Triqui de San Juan Copala3 ne̱ cataj soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa no̱ xcúún soj nuchra̱nꞌ nimán soj, ne̱ ase vaa xnii leꞌe̱j nihánj roꞌ, da̱nj ga̱a̱ soj á. Sese naꞌvej rá soj quiꞌya̱j soj da̱nj, ne̱ daj chiha̱a̱ míj se̱ catúj soj rej uun chij Yaꞌanj a̱ maꞌ. Gade chapit la |
San Mateo 18:3
28 Referans Kwoze
―Ase vaa taꞌyaa chru̱j ndoꞌo vaa rej cache̱n yuvii̱ catu̱u̱ yuvii̱ rihaan Yaꞌanj ado̱nj. Quiꞌya̱j nucua̱j soj nimán soj cheꞌé rej catu̱u̱ soj rej yoꞌ na̱nj á. Cata̱j xnaꞌanj ꞌu̱nj rihaan soj cuano̱ se vaa vaa ndoꞌo yuvii̱ gu̱un ndoꞌo rá catu̱u̱ rej yoꞌ, tza̱j ne̱ se̱ guun nucua̱j nij soꞌ catu̱u̱ nij soꞌ maꞌ.
ꞌO̱ se guun nichra̱j rá nimán nij yuvii̱ nihánj ado̱nj. Caráán maꞌa̱n nij soꞌ rihaan nij soꞌ cheꞌé rej se̱ queneꞌen maꞌa̱n nij soꞌ, ne̱ caráán nij soꞌ xréé nij soꞌ, cheꞌé rej se̱ cuno nij soꞌ uún a̱ maꞌ. Ne̱ ne atúj nana̱ nimán nij soꞌ, ꞌyaj nij soꞌ, cheꞌé rej se̱ xcaj nij soꞌ cuentá ne̱ ca̱nica̱j nimán nij soꞌ maꞌ. ꞌO̱ se naꞌvej rá nij soꞌ nahu̱un sa̱ꞌ nimán nij soꞌ qui̱ꞌyáá ꞌu̱nj a̱ maan ado̱nj.” Nana̱ yoꞌ me snana̱ Yaꞌanj caꞌmii síí cuꞌna̱j Isaías ga̱a naá a.
’ꞌO̱ se cata̱j xnaꞌanj ꞌu̱nj rihaan soj se vaa sese nij síí naquiꞌyaj cu̱u stucua̱nj Moisés ga̱ nij síí fariseo me se ꞌyaj sa̱ꞌ nij soꞌ rihaan yuvii̱, rá nij soꞌ, tza̱j ne̱ sese se̱ quiꞌyaj sa̱ꞌ soj doj rihaan nij yuvii̱ nda̱a vaa ꞌyaj nij síí naquiꞌyaj cu̱u stucua̱nj Moisés ga̱ nij síí fariseo, ga̱a ne̱ daj chiha̱a̱ míj se̱ cayáán soj ga̱ Yaꞌanj asa̱ꞌ guun chij Yaꞌanj a̱ maan ado̱nj.
Tza̱j ne̱ a̱j cachíín ni̱ꞌyáá ꞌu̱nj rihaan Yaꞌanj cheꞌé so̱ꞌ, se vaa se̱ caꞌneꞌ rá so̱ꞌ ga̱ suun amán rá niꞌya̱j manj a̱ maꞌ. Ga̱a ne̱ asa̱ꞌ nanica̱j nimán so̱ꞌ canoco̱ꞌ uún so̱ꞌ manj roꞌ, ga̱a ne̱ ra̱cuíj so̱ꞌ man nij tinúú so̱ꞌ se vaa cunu̱u sca̱ꞌ doj nimán nij soꞌ uún na̱nj á ―taj Jesús rihaan Simón Pedró a.
Ne̱ nariꞌ nucuaj nimán cunuda̱nj nij síí tucuꞌyón snana̱ Jesucristó, quiꞌyaj ro̱j soꞌ a. Ne̱ narqué ro̱j soꞌ chrej nucua̱j man nij síí tucuꞌyón snana̱ Jesucristó se vaa daj chiha̱a̱ míj se̱ caꞌneꞌ rá nij soꞌ ga̱ suun noco̱ꞌ stucua̱nj Jesucristó a. Ne̱ cataj ro̱j soꞌ se vaa asino quira̱nꞌ ndoꞌo níꞌ sayuun, ga̱a ne̱ caꞌve̱e catu̱u̱ níꞌ ca̱yáán níꞌ ga̱ Yaꞌanj asa̱ꞌ guun chij Yaꞌanj, taj ro̱j soꞌ a.
ꞌO̱ se guun nichra̱j rá nimán nij yuvii̱ nihánj ado̱nj. Caráán maꞌa̱n nij soꞌ rihaan nij soꞌ, cheꞌé rej se̱ queneꞌen maꞌa̱n nij soꞌ, ne̱ caráán nij soꞌ xréé nij soꞌ, cheꞌé rej se̱ cuno nij soꞌ uún a̱ maꞌ. Ne̱ ne atúj nana̱ nimán nij soꞌ, ꞌyaj nij soꞌ, cheꞌé rej se̱ xcaj nij soꞌ cuentá ne̱ ca̱nica̱j nimán nij soꞌ maꞌ. ꞌO̱ se naꞌvej rá nij soꞌ nahu̱un sa̱ꞌ nimán nij soꞌ qui̱ꞌyáá ꞌu̱nj a̱ maan ado̱nj. Yoꞌ me snana̱ Yaꞌanj nana̱ nataꞌ Isaías cheꞌé maꞌa̱n Yaꞌanj ga̱a naá a.
’Ne̱ ga̱a tocoꞌ soj xꞌnaa man soj cheꞌé se aráj gue̱e̱ soj rihaan Yaꞌanj, ne̱ se̱ quiꞌyaj soj nda̱a vaa ꞌyaj nij síí nucuiꞌ rá maꞌ. Dan me se ga̱a tocoꞌ nij soꞌ xꞌnaa man maꞌa̱n nij soꞌ, ne̱ ase vaa rihaan síí nanó ndoꞌo rá roꞌ, vaa rihaan nij soꞌ, ꞌyaj nij soꞌ, ne̱ me ina̱nj rá nij soꞌ queneꞌe̱n yuvii̱ man nij soꞌ da̱j ꞌyaj nij soꞌ ga̱a ne̱ xca̱j nij yuvii̱ cuentá se vaa aráj gue̱e̱ nij soꞌ rihaan Yaꞌanj, rá nij soꞌ na̱nj ado̱nj. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa a̱j quiriꞌ nij soꞌ tuꞌvee nij soꞌ vaa, ese a̱j veꞌé caꞌmii yuvii̱ cheꞌé nij soꞌ na̱nj ado̱nj.
’Ne̱ ga̱a achíín niꞌya̱j soj rihaan Yaꞌanj, ne̱ se̱ quiꞌyaj soj se vaa ꞌyaj nij síí nucuiꞌ rá maꞌ. ꞌO̱ se niha̱ꞌ rá nij soꞌ canicu̱nꞌ nij soꞌ rá veꞌ tucuꞌyón yuvii̱ israelitá stucua̱nj Moisés do̱ꞌ, rej nuná tuviꞌ chrej caꞌa̱a̱n noco̱o do̱ꞌ, ne̱ achíín niꞌya̱j nij soꞌ rihaan Yaꞌanj, cheꞌé se ina̱nj me rá nij soꞌ queneꞌe̱n yuvii̱ man nij soꞌ, ne̱ veꞌé caꞌmi̱i̱ yuvii̱ cheꞌé nij soꞌ, rá nij soꞌ ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa a̱j veꞌé caꞌmii yuvii̱ cheꞌé nij soꞌ, ne̱ a̱j navij quiriꞌ nij soꞌ tuꞌvee nij soꞌ vaa ga̱a na̱nj ado̱nj.
Cheꞌé dan sese me rá so̱ꞌ rque̱ so̱ꞌ saꞌanj man nij síí nique̱, ne̱ se̱ guun rá so̱ꞌ caꞌya̱nj nii chruun aꞌyánj qui̱ꞌyáá so̱ꞌ, ne̱ ni̱ꞌyaj yuvii̱ caxri̱i̱ so̱ꞌ saꞌanj ston síí nique̱, ne̱ cata̱j nij yuvii̱ se vaa veꞌé quiꞌyáá so̱ꞌ maꞌ. ꞌO̱ se ina̱nj da̱nj ꞌyaj nij síí nucuiꞌ rá ga̱a va̱j nij soꞌ rá veꞌ tucuꞌyón níꞌ stucua̱nj Moisés do̱ꞌ, rihaan nij callé do̱ꞌ, ne̱ uno cunuda̱nj yuvii̱, ꞌyaj nij soꞌ ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa a̱j veꞌé caꞌmii yuvii̱ cheꞌé nij soꞌ, tza̱j ne̱ a̱ ꞌó rasu̱u̱n se̱ quiriꞌ uún nij soꞌ a̱ maꞌ.
Piblisite