San Mateo 14:21 - Triqui de San Juan Copala

²¹ Ne̱ nij snóꞌo rqué Jesús rachrúún me se ꞌu̱nꞌ míj snóꞌo me nij soꞌ, ne̱ ne quiꞌya̱j contá nii man chana̱ ga̱ xnii maꞌ.

San Mateo 14:21 Referans Kwoze

Filipenses 4:19

Dan me se sese vaa se achiin man soj, ne̱ rque̱ Taꞌanj ꞌu̱nj nu̱ꞌ rasu̱u̱n yoꞌ rihaan soj cheꞌé se me soj síí noco̱ꞌ man Cristó Jesús, ne̱ xa̱ꞌ Yaꞌanj, tza̱j ne̱ taj va̱j rasu̱u̱n achiin rihaan Yaꞌanj maꞌ. ꞌO̱ se soꞌ me síí uun chij rihaan cunuda̱nj rasu̱u̱n ado̱nj.

Hechos 4:4

Tza̱j ne̱ queꞌe̱e̱ ndoꞌo nij síí cuno snana̱ ro̱j soꞌ roꞌ, cuchumán rá nana̱ yoꞌ, ne̱ veé da̱nj quisíj ꞌu̱nꞌ míj snóꞌo canocoꞌ man Jesús ta̱ꞌ asuun a.

Hechos 4:34

Ne̱ taj va̱j a̱ ꞌó síí achiin rasu̱u̱n man ꞌni̱j scaꞌnúj nij soꞌ maꞌ. ꞌO̱ se cunuda̱nj tinúú nij soꞌ síí vaa toꞌóó do̱ꞌ, síí vaa veꞌ tucuá do̱ꞌ, cutuꞌvéj nij soꞌ siꞌyaj nij soꞌ, ne̱ nica̱j nij soꞌ saꞌanj quiriꞌ nij soꞌ,

San Juan 6:10

Ga̱a ne̱ cataj Jesús a: ―Caꞌa̱nj ca̱yáán nij yuvii̱ rihaan coj chri̱nꞌ, quiꞌya̱j nij soj á ―taj Jesús rihaan nij síí tucuꞌyón snana̱ soꞌ a. Dan me se ma̱n uxrá coj chri̱nꞌ rej yoꞌ, ne̱ caꞌanj ca̱yáán nij yuvii̱ rihaan coj chri̱nꞌ yoꞌ, ne̱ ꞌu̱nꞌ míj snóꞌo me nij soꞌ a.

San Mateo 14:20

Ga̱a ne̱ chá ta̱ranꞌ nij yuvii̱, ne̱ caraa rque cunuda̱nj nij soꞌ, ne̱ nda̱a quináj ndoꞌo se chá a. Ga̱a ne̱ naquiꞌyaj chre̱ꞌ nii man se quináj tuꞌva nij yuvii̱, ne̱ caraa ꞌó chuvi̱j ya̱ scaa a.

San Mateo 14:22

Ga̱a ne̱ raꞌya̱nj caꞌneꞌ Jesús suun rihaan nij síí tucuꞌyón snana̱ soꞌ se vaa cavi̱i̱ nij soꞌ rihoo chéé rihaan na caꞌa̱nj nij soꞌ rej xco̱ na laguaná yoꞌ, quita̱j ya̱a̱n nij soꞌ rihaan Jesús, ne̱ dan me se maꞌa̱n Jesús naꞌne̱j chrej man nij yuvii̱ ri̱i̱, taj Jesús rihaan nij síí tucuꞌyón snana̱ soꞌ a.

San Marcos 6:44

Ne̱ vaa ꞌu̱nꞌ míj snóꞌo scaꞌnúj nij yuvii̱ chá rachrúún rqué Jesús a.