San Mateo 13:35 - Triqui de San Juan Copala

³⁵ Da̱nj quiꞌyaj soꞌ, cheꞌé yan me rá soꞌ quiꞌya̱j soꞌ nu̱ꞌ se vaa cataj ꞌo̱ síí nataꞌ snana̱ Yaꞌanj ga̱a naá, cataj soꞌ a: “Ina̱nj cuentó cheꞌé nij rasu̱u̱n nano̱ ꞌu̱nj rihaan yuvii̱, ne̱ dan me se cata̱j xnaꞌanj ꞌu̱nj rihaan nij soꞌ cheꞌé se vaa quiꞌyaj Yaꞌanj asi̱j quiꞌyaj Yaꞌanj man nu̱ꞌ chumii̱ nihánj ado̱nj.” Da̱nj caꞌmii síí nataꞌ snana̱ Yaꞌanj ga̱a naá a.

San Mateo 13:35 Referans Kwoze

Efesios 3:9

Ne̱ me rá Yaꞌanj nata̱ꞌ yá ꞌu̱nj rihaan yuvii̱ nu̱ꞌ nana̱ sa̱ꞌ yuve̱ cheꞌé se vaa quiꞌya̱j soꞌ cheꞌé nij yuvii̱ a. Dan me se Yaꞌanj me síí quiꞌyaj nu̱ꞌ rasu̱u̱n, tza̱j ne̱ ne nata̱ꞌ ya̱ soꞌ nana̱ sa̱ꞌ yuve̱ yoꞌ rihaan yuvii̱ nu̱ꞌ cavii nu̱ꞌ caꞌnaꞌ maꞌ.

1 Corintios 2:7

Tza̱j ne̱ aꞌmii núj snana̱ Yaꞌanj nana̱ cu̱u ado̱nj. Dan me se ga̱a ataa quiꞌya̱j Yaꞌanj chumii̱, ne̱ ꞌo̱ guun rá Yaꞌanj se vaa cuno̱ yuvii̱ nana̱ cu̱u yuve̱ yoꞌ, ne̱ cavi̱i̱ sa̱ꞌ níꞌ, ne̱ veꞌé ndoꞌo ga̱a̱ níꞌ, tza̱j ne̱ nij síí ma̱n ga̱a naá roꞌ, ne queneꞌe̱n nij soꞌ nana̱ yoꞌ maꞌ. Nda̱a ya̱j me tihaa̱n Yaꞌanj nana̱ cu̱u yuve̱ yoꞌ rihaan yuvii̱ na̱nj ado̱nj.

San Juan 17:24

’Ne̱ xa̱ꞌ nij síí rqué so̱ꞌ manj, tza̱j ne̱ me rá ꞌu̱nj ca̱yáán nij soꞌ ga̱ ꞌu̱nj rej ca̱yáán ꞌu̱nj, Ata̱j. ꞌO̱ se me rá ꞌu̱nj queneꞌe̱n nij soꞌ se vaa niꞌndaj ya̱ cavii sa̱ꞌ ꞌu̱nj quiꞌyáá so̱ꞌ á. ꞌO̱ se asi̱j ataa qui̱ꞌyáá so̱ꞌ chumii̱ nihánj me se a̱j ꞌe̱e̱ rá so̱ꞌ manj ado̱nj.

San Mateo 25:34

’Ne̱ guún ꞌu̱nj síí nica̱j suun rey, quiri̱i̱ taꞌngáꞌ ꞌu̱nj rihaan nij soꞌ, ne̱ dan me se caꞌmi̱i̱ ꞌu̱nj rihaan nij síí nicu̱nꞌ rej nuva̱ꞌ ꞌu̱nj, cata̱j ꞌu̱nj a: “Caꞌna̱ꞌ soj si̱j ꞌyaj Réé ꞌu̱nj se lu̱j rihaan á. Ni̱caj soj rej sa̱ꞌ ndoꞌo ca̱yáán soj rej quiꞌyaj chuvi̱i Réé ꞌu̱nj asi̱j güii quiꞌyaj soꞌ chumii̱ á.

Efesios 3:5

Ga̱a rque̱ roꞌ, ne cata̱j xnaꞌanj Yaꞌanj nana̱ sa̱ꞌ yuve̱ yoꞌ rihaan yuvii̱ maꞌ. Tza̱j ne̱ nda̱a ya̱j roꞌ, me tihaa̱n Nimán Yaꞌanj nana̱ yoꞌ rihaan núj si̱j cunuu sa̱ꞌ nimán rihaan Yaꞌanj, si̱j cuneꞌ Jesucristó caꞌa̱nj nata̱ꞌ snana̱ soꞌ do̱ꞌ, rihaan ꞌó nij síí nataꞌ snana̱ Yaꞌanj rihaan yuvii̱ do̱ꞌ a.

Apocalipsis 13:8

Ne̱ caráj gue̱e̱ cunuda̱nj nij yuvii̱ ma̱n rihaan chumii̱ man soꞌ a. Ne̱ nij síí caráj gue̱e̱ man soꞌ me se nuviꞌ se‑chuvi̱i nij soꞌ nó rihaan danj Matzinj Leꞌe̱j ticaviꞌ nii man a. Ne̱ danj Matzinj Leꞌe̱j roꞌ, me yanj taj me síí ca̱yáán ga̱ Yaꞌanj nu̱ꞌ cavii nu̱ꞌ caꞌanj, ne̱ no̱ se‑chuvi̱i nij soꞌ rihaan yanj asi̱j ataa quiꞌya̱j Yaꞌanj chumii̱ na̱nj ado̱nj.

San Mateo 13:14

Ne̱ ase vaa nana̱ nihánj nana̱ nataꞌ síí cuꞌna̱j Isaías cheꞌé Yaꞌanj ga̱a naá roꞌ, veé da̱nj vaa nij yuvii̱ ne̱ veé da̱nj ꞌyaj nij yuvii̱ cuano̱ ado̱nj: Catu̱u̱ uxrá nana̱ xréé nij soꞌ, tza̱j ne̱ se̱ xcaj nij soꞌ cuentá maꞌ. Ne̱ ni̱ꞌyaj uxrá nij soꞌ, tza̱j ne̱ se̱ queneꞌen nij soꞌ maꞌ.

Apocalipsis 17:8

Xcuu yuva̱a̱ queneꞌén so̱ꞌ roꞌ, me síí cayáán asi̱j rque̱ doj, tza̱j ne̱ taj va̱j soꞌ rihaan chumii̱ cuano̱ maꞌ. Ne̱ rej rihaan níꞌ me se vaa cavi̱i̱ uún soꞌ yuꞌuj cunu̱u̱ ndoꞌo, ga̱a ne̱ caꞌa̱nj soꞌ rej quiri̱ꞌ nu̱ꞌ soꞌ ado̱nj. Da̱nj na̱nj uún, ne̱ vaa nij síí ma̱n rihaan chumii̱ síí taj vaj se‑chuvi̱i nó rihaan yanj no̱ se‑chuvi̱i nij síí ga̱a̱ iꞌna̱ꞌ nu̱ꞌ cavii nu̱ꞌ caꞌanj asi̱j ataa quiꞌya̱j Yaꞌanj chumii̱, ne̱ caꞌa̱nj rá nij soꞌ ni̱ꞌyaj nij soꞌ xcuu yuva̱a̱ yoꞌ, cheꞌé se queneꞌe̱n nij soꞌ se vaa asi̱j rque̱ doj cayáán soꞌ, ne̱ taj va̱j soꞌ cuano̱ maꞌ. Ne̱ rej rihaan níꞌ me se caꞌna̱ꞌ uún soꞌ ado̱nj.

San Lucas 10:14

Dan me se güii caꞌne̱ꞌ ꞌu̱nj cacunꞌ cheꞌé nij yuvii̱ roꞌ, doj a̱ ga̱a̱ sayuun quira̱nꞌ soj rihaan sayuun quira̱nꞌ nij síí chiꞌi̱i̱ ma̱n chumanꞌ Tiro do̱ꞌ, ma̱n chumanꞌ Sidón do̱ꞌ ado̱nj.

Hechos 15:18

ne̱ asi̱j naá cataj ꞌu̱nj se vaa qui̱ꞌyáj da̱nj ado̱nj, taj snana̱ Yaꞌanj nana̱ cachrón síí nataꞌ snana̱ Yaꞌanj ga̱a naá rihaan yanj a.

Hebreos 1:1

Nataꞌ uxrá Yaꞌanj snana̱ soꞌ rihaan nij síí nataꞌ snana̱ Yaꞌanj ga̱a naá, ne̱ nataꞌ nij soꞌ nana̱ yoꞌ rihaan nij xi̱i níꞌ nij síí cumán ga̱a naá a. Dan me se do̱ꞌ do̱ꞌ cataj xnaꞌanj Yaꞌanj snana̱ soꞌ rihaan nij síí nataꞌ yoꞌ, ne̱ ino̱ vaa tihaa̱n ꞌo̱ ꞌo̱ nij soꞌ rihaan nij xi̱i níꞌ da̱j taj Yaꞌanj a.

San Mateo 5:2

Ga̱a ne̱ guun cheꞌe̱ Jesús tucuꞌyón Jesús rihaan nij soꞌ, cataj soꞌ a:

San Mateo 13:3

Ne̱ nanó ndoꞌo Jesús cuentó rihaan nij yuvii̱, cataj soꞌ a: ―Ni̱ꞌyaj soj á. Curiha̱nj ꞌo̱ síí me rá ti̱xꞌnuu̱ ꞌnúú trigó,