San Mateo 12:8 - Triqui de San Juan Copala

⁸ ꞌO̱ se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, no̱ xcúnj quiri̱i̱ taꞌngaj da̱j quiꞌya̱j yuvii̱ güii naránj rá na̱nj ado̱nj ―taj Jesús rihaan nij síí fariseo yoꞌ a.

San Mateo 12:8 Referans Kwoze

San Lucas 6:5

Ga̱a ne̱ canica̱j soꞌ, cataj uún soꞌ a: ―ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, no̱ xcúnj quiri̱i̱ taꞌngaj da̱j quiꞌya̱j yuvii̱ güii naránj rá na̱nj ado̱nj ―taj Jesús rihaan nij síí fariseo a.

San Marcos 2:28

Cheꞌé dan me, ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, no̱ xcúnj quiri̱i̱ taꞌngaj da̱j quiꞌya̱j yuvii̱ güii naránj rá na̱nj ado̱nj ―taj Jesús a.

San Mateo 9:6

Dan me se me rá ꞌu̱nj xca̱j soj cuentá se vaa ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, no̱ xcúún ꞌu̱nj ti̱navíí ꞌu̱nj cacunꞌ xráá nij yuvii̱ ma̱n rihaan chumii̱ nihánj ado̱nj ―taj Jesús rihaan nij soꞌ a. Dan me se cataj Jesús rihaan síí naꞌvee cache̱e̱ a: ―Na̱xaga̱a̱ so̱ꞌ, ne̱ nacue̱ so̱ꞌ tuvéé so̱ꞌ, ne̱ na̱nꞌ so̱ꞌ tucuá so̱ꞌ á ―taj Jesús rihaan síí na̱j rihaan yuvéé yoꞌ a.

Apocalipsis 1:10

Ne̱ ꞌo̱ güii aráj gue̱e̱ níꞌ rihaan Síí ꞌNi̱j Raꞌa man níꞌ me se queneꞌen nimanj rasu̱u̱n quiꞌyaj Nimán Yaꞌanj, ne̱ dan me se rej xco̱j roꞌ, nucua̱j ndoꞌo caꞌmii ꞌo̱ soꞌ cunoj, ne̱ da̱j se uun ráꞌ ga̱a aꞌyánj nii chruun aꞌyánj roꞌ, da̱nj guun raj ga̱a cunoj snana̱ soꞌ ado̱nj.

1 Corintios 16:2

ꞌO̱ se da̱j a̱ cotungó roꞌ, caꞌne̱j sa̱ꞌ soj do̱j saꞌanj tucuá soj cheꞌé nij síí nique̱ á. Sese noco̱o doj quiꞌyaj canaán ꞌo̱ soj, ne̱ noco̱o doj caꞌne̱j sa̱ꞌ soj, ne̱ sese do̱j doj quiꞌyaj canaán ꞌó soj, ne̱ do̱j doj caꞌne̱j sa̱ꞌ soj á. Veꞌé tu̱mé soj saꞌanj yoꞌ nda̱a se cuchi̱ꞌ ꞌu̱nj chiháán soj á. ꞌO̱ se naꞌvej raj naquiꞌya̱j chre̱ꞌ soj saꞌanj nda̱a güii cuchi̱ꞌ ꞌu̱nj maꞌ. ꞌO̱ se güii yoꞌ a̱j naquiꞌyaj chre̱ꞌ soj saꞌanj, raj a.

1 Corintios 9:21

Ase vaa nij síí ne nocoꞌ stucua̱nj Moisés roꞌ, da̱nj vaa ꞌu̱nj ga̱a taj xnaꞌanj ꞌu̱nj rihaan nij soꞌ cheꞌé Cristó, cheꞌé se me raj cuno̱ nij soꞌ snana̱ Cristó ado̱nj. Dan me se ne ꞌyáá ꞌu̱nj na̱j guun se vaa me raj qui̱ꞌyáj maꞌ. Né se ne unó ꞌu̱nj stucua̱nj Yaꞌanj, tza̱j ne̱ unó ꞌu̱nj tucuáán cuchruj Cristó ado̱nj. ꞌO̱ se unó ꞌu̱nj rihaan Yaꞌanj, ne̱ unó ꞌu̱nj cunuda̱nj tucuáán cuchruj Cristó rihaan níꞌ ado̱nj.

San Mateo 8:20

Ga̱a ne̱ cataj Jesús rihaan soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ ꞌó rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Mateo 12:32

Dan me se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, caꞌve̱e se caꞌmi̱i̱ ꞌo̱ soꞌ nana̱ nij cheꞌej, tza̱j ne̱ caꞌve̱e navi̱j cacunꞌ yoꞌ xráá soꞌ quiꞌya̱j Yaꞌanj na̱nj ado̱nj. Tza̱j ne̱ sese caꞌmi̱i̱ ꞌo̱ soꞌ nana̱ nij cheꞌé Nimán Yaꞌanj, ne̱ daj chiha̱a̱ míj se̱ tinavij Yaꞌanj cacunꞌ yoꞌ xráá soꞌ a̱ maꞌ. Dan me se caꞌve̱e se rihaan chumii̱ nihánj do̱ꞌ, caꞌve̱e se nda̱a cavi̱ꞌ soꞌ do̱ꞌ, tza̱j ne̱ se̱ navij cacunꞌ yoꞌ nu̱ꞌ cavii nu̱ꞌ caꞌanj xráá soꞌ a̱ maꞌ.

San Mateo 12:40

ꞌO̱ se ase vaa cunuû síí cuꞌna̱j Jonás vaꞌnu̱j ya̱ güii rque xcuu xi̱j va̱j rque na yaꞌa̱nj roꞌ, taꞌngaꞌ da̱nj ga̱a̱ vaꞌnu̱j ya̱ güii nuvi̱i niga̱nꞌ qui̱náá ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rque yoꞌóó queneꞌe̱n soj ado̱nj.