San Mateo 12:48 - Triqui de San Juan Copala

⁴⁸ Ne̱ cataj uún Jesús rihaan síí cataj xnaꞌanj rihaan Jesús a: ―Me chana̱ me nií ꞌu̱nj rihaan ꞌu̱nj, rá so̱ꞌ ga̱. Me síí me tinúú ꞌu̱nj rihaan ꞌu̱nj, rá so̱ꞌ ga̱ ―taj Jesús rihaan soꞌ a.

San Mateo 12:48 Referans Kwoze

San Mateo 10:37

’Sese ꞌe̱e̱ doj rá ꞌo̱ soꞌ niꞌya̱j soꞌ rej soꞌ do̱ꞌ, nii soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ. Ne̱ sese ꞌe̱e̱ doj rá ꞌo̱ soꞌ niꞌya̱j soꞌ taꞌnij sno̱ꞌo soꞌ do̱ꞌ, taꞌnij cha̱na̱ soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ.

San Lucas 2:52

Dan me se cachij Jesús, ne̱ doj a̱ nica̱j soꞌ nana̱ cu̱u do̱ꞌ, doj a̱ cunuu xca̱a̱n soꞌ do̱ꞌ, doj a̱ caranꞌ rá Yaꞌanj niꞌya̱j Yaꞌanj man soꞌ do̱ꞌ, doj a̱ caranꞌ rá yuvii̱ uún niꞌya̱j yuvii̱ man soꞌ do̱ꞌ na̱nj ado̱nj.

2 Corintios 5:16

Cheꞌé dan me caꞌneꞌ rá núj ga̱ suun acaj cuentá nda̱a vaa ruviꞌ yuvii̱ niꞌya̱j tuviꞌ yuvii̱ a. Asi̱j rque̱ me se na̱nj yuvii̱ me Cristó rá núj, ne̱ ina̱nj xcaj núj cuentá nda̱a vaa ruviꞌ soꞌ, tza̱j ne̱ ya̱j me se ne ꞌyaj núj da̱nj a̱ maꞌ.

San Lucas 2:49

Tza̱j ne̱ cataj Jesús rihaan ro̱j soꞌ a: ―Taj cheꞌé nano̱ꞌ ro̱j so̱j manj maꞌ. Me cheꞌé ne neꞌen ro̱j so̱j se vaa no̱ xcúún ꞌu̱nj qui̱ꞌyáj se‑su̱u̱n Réj ga̱ ―taj xnii rihaan ro̱j ni̱ca̱ ro̱j soꞌ a.

San Mateo 12:47

Ne̱ cataj ꞌo̱ soꞌ rihaan Jesús a: ―Ni̱ꞌyaj so̱ꞌ á. Nicu̱nꞌ nií so̱ꞌ ga̱ nij tinúú so̱ꞌ xeꞌ, ne̱ me ndoꞌo rá nij soꞌ caꞌmi̱i̱ nij soꞌ ga̱ so̱ꞌ ado̱nj ―taj soꞌ rihaan Jesús a.

San Mateo 12:49

Ne̱ ticunꞌ soꞌ raꞌa soꞌ rihaan nij síí tucuꞌyón snana̱ soꞌ, ne̱ cataj soꞌ a: ―Ni̱ꞌyaj soj á. Ase vaa nií ꞌu̱nj do̱ꞌ, ase vaa tinúú ꞌu̱nj do̱ꞌ, vaa nij síí nihánj ado̱nj.