San Mateo 12:42 - Triqui de San Juan Copala

⁴² Ne̱ güii caꞌne̱ꞌ Yaꞌanj cacunꞌ cheꞌé yuvii̱ roꞌ, cuchi̱ꞌ chana̱ nica̱j suun reiná guun chij rihaan chumanꞌ na̱j ga̱nꞌ ndoꞌo rihaan yoꞌóó rej sur, ne̱ canicu̱nꞌ noꞌ rihaan soj, quiꞌya̱j Yaꞌanj, ne̱ cuta̱ꞌ noꞌ cacunꞌ xráá soj ado̱nj. ꞌO̱ se ga̱nꞌ ndoꞌo cachéé noꞌ cuchi̱ꞌ noꞌ rihaan rey cuꞌna̱j Salomón, ne̱ cuno noꞌ nana̱ cu̱u tucuꞌyón Salomón man noꞌ ado̱nj. Ne̱ xa̱ꞌ ꞌu̱nj si̱j nicu̱nꞌ rihaan soj cuano̱, tza̱j ne̱ síí cu̱u doj raa̱ mé ꞌu̱nj rihaan Salomón na̱nj ado̱nj.

San Mateo 12:42 Referans Kwoze

San Juan 1:14

Ga̱a ne̱ guun snana̱ Yaꞌanj yoꞌ yuvii̱, ne̱ cayáán soꞌ scaꞌnúj níꞌ, ne̱ queneꞌen núj se vaa niꞌndaj ya̱ sa̱ꞌ veꞌé vaa soꞌ, cheꞌé se o̱rúnꞌ Taꞌníí Rej soꞌ Yaꞌanj me soꞌ a. Ne̱ soꞌ me se uxrá ꞌyaj soꞌ se lu̱j do̱ꞌ, aꞌmii soꞌ nana̱ ya̱ do̱ꞌ ado̱nj.

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Juan 1:18

Ne̱ xa̱ꞌ Yaꞌanj, tza̱j ne̱ taj va̱j a̱ doj síí neꞌen rihaan man Yaꞌanj maꞌ. Tza̱j ne̱ o̱rúnꞌ Taꞌníí Yaꞌanj si̱j ya̱nj xꞌnúú Yaꞌanj, me síí tihaa̱n rihaan níꞌ da̱j vaa Yaꞌanj ado̱nj.

San Mateo 3:17

Ga̱a ne̱ rej xta̱ꞌ caꞌmii Yaꞌanj, ne̱ cuno nij síí nicu̱nꞌ ga̱ Jesús nana̱ caꞌmii Yaꞌanj, ne̱ dan me se cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man me síí nihánj, ne̱ aranꞌ ndoꞌo raj niꞌya̱j ꞌu̱nj man soꞌ ado̱nj ―taj nana̱ cavii rej xta̱ꞌ caꞌmii Yaꞌanj a.

San Mateo 12:41

Nij síí cumán chumanꞌ noco̱o cuꞌna̱j Nínive roꞌ, canicu̱nꞌ nij soꞌ ga̱ maꞌa̱n soj si̱j vaa iꞌna̱ꞌ rihaan chumii̱ nihánj cuano̱ asa̱ꞌ quisíj güii caꞌne̱ꞌ Yaꞌanj cacunꞌ cheꞌé yuvii̱, ne̱ cuta̱ꞌ nij síí cumán chumanꞌ Nínive yoꞌ cacunꞌ xráá soj ado̱nj. Cuno nij soꞌ nana̱ caꞌmii natáj Jonás, ne̱ nuchranꞌ nimán nij soꞌ, ne̱ canocoꞌ nij soꞌ man Yaꞌanj ado̱nj. Ne̱ xa̱ꞌ ꞌu̱nj si̱j nicu̱nꞌ rihaan soj cuano̱, tza̱j ne̱ síí vaa se uun doj mé ꞌu̱nj rihaan Jonás ado̱nj.

San Mateo 12:6

Ne̱ cuano̱ nihánj me cata̱j xnaꞌanj ꞌu̱nj rihaan soj se vaa vaa síí nicu̱nꞌ rihaan soj cuano̱, ne̱ sa̱ꞌ doj vaa soꞌ rihaan nuvií noco̱o yoꞌ ado̱nj.