San Mateo 12:33 - Triqui de San Juan Copala

³³ ’Sese sa̱ꞌ vaa ꞌo̱ chruun, ne̱ sa̱ꞌ vaa chruj ma̱n raa̱ chruun yoꞌ a. Sese chiꞌi̱i̱ vaa ꞌo̱ chruun ne̱ chiꞌi̱i̱ vaa chruj ma̱n raa̱ chruun yoꞌ a. Dan me se sese neꞌen yuvii̱ se vaa vaa sa̱ꞌ chruj ma̱n raa̱ chruun, ne̱ neꞌen yuvii̱ se vaa chruun sa̱ꞌ me yoꞌ a. Ne̱ sese neꞌen yuvii̱ se vaa vaa chiꞌi̱i̱ chruj ma̱n raa̱ chruun, ne̱ neꞌen uún yuvii̱ se vaa chruun chiꞌi̱i̱ me yoꞌ ado̱nj.

San Mateo 12:33 Referans Kwoze

Santiago 4:8

Nichru̱nꞌ soj rihaan Yaꞌanj, ga̱a ne̱ nichru̱nꞌ Yaꞌanj rihaan soj á. Soj si̱j tumé cacunꞌ roꞌ, ta̱náj soj stucua̱nj soj tucuáán chiꞌi̱i̱, ne̱ soj si̱j uun vi̱j rá canoco̱ꞌ man Yaꞌanj roꞌ, naquiꞌya̱j nica̱ soj nimán soj á.

San Lucas 3:9

Da̱j se vaa ꞌyaj yuvii̱ nica̱j yuvii̱ agaꞌ ne̱ aꞌneꞌ yuvii̱ chruun nuviꞌ chruj sa̱ꞌ raꞌa ne̱ caca̱a̱ yoꞌ roꞌ, taꞌngaꞌ da̱nj quiꞌya̱j Yaꞌanj ado̱nj. Nichrunꞌ quiꞌya̱j soꞌ sayuun man nij yuvii̱ naꞌvej rá canoco̱ꞌ chrej sa̱ꞌ ado̱nj ―da̱nj cataj Juan rihaan nij yuvii̱ a.

Santiago 3:12

Taj chruj olivó avii raa̱ chruun higó maꞌ. Ne̱ chruj higó ne avii raa̱ chruun uvá maꞌ. Ne̱ da̱nj na̱nj na uún, ne̱ se̱ caꞌvee cu̱riha̱nj na chiha̱nꞌ rej nu̱u̱ na ꞌne̱ꞌ a̱ maan ado̱nj.

San Mateo 23:26

Ase vaa síí tuchri̱i vaa soj si̱j fariseo ado̱nj. Ase vaa ꞌyaj yuvii̱ naꞌnuꞌ rque vasó do̱ꞌ, coꞌoo do̱ꞌ roꞌ, da̱nj quiꞌya̱j uún soj, naquiꞌya̱j sa̱ꞌ soj nimán soj á. Nda̱a síj, ga̱a ne̱ sa̱ꞌ ina̱nj quiꞌya̱j soj queneꞌe̱n yuvii̱ chugua̱nj.