San Mateo 12:28 - Triqui de San Juan Copala

²⁸ Tza̱j ne̱ ꞌu̱nj me se ya̱ Nimán Yaꞌanj me síí racuíj manj rii ꞌu̱nj nana̱ chre̱e nimán yuvii̱ ado̱nj. Cheꞌé dan xca̱j soj cuentá se vaa a̱j guun cheꞌe̱ Yaꞌanj uun chij Yaꞌanj scaꞌnúj soj ado̱nj.

San Mateo 12:28 Referans Kwoze

San Lucas 11:20

Tza̱j ne̱ ꞌu̱nj me se ya̱ maꞌa̱n raꞌa Yaꞌanj racuíj manj rii ꞌu̱nj man nij nana̱ chre̱e nimán nij yuvii̱ ado̱nj. Cheꞌé dan xca̱j soj cuentá se vaa a̱j guun cheꞌe̱ Yaꞌanj uun chij Yaꞌanj scaꞌnúj soj ado̱nj.

San Mateo 21:43

Cheꞌé dan cuano̱ nihánj me se cata̱j xnaꞌanj ꞌu̱nj rihaan nij soj se vaa caꞌne̱ꞌ rá Yaꞌanj ga̱ yan uun chij soꞌ rihaan nij soj, ne̱ cune̱ꞌ soꞌ man ꞌó nij yuvii̱ gu̱un chij soꞌ rihaan, ne̱ veꞌé quiꞌya̱j ꞌó nij yuvii̱ yoꞌ nu̱ꞌ se vaa me rá Yaꞌanj quiꞌya̱j nij soꞌ na̱nj á.

San Mateo 6:33

Cheꞌé dan nano̱ꞌ soj rej da̱j quiꞌya̱j soj ne̱ gu̱un chij Yaꞌanj nimán soj ne̱ cunu̱u sa̱ꞌ nimán soj, ga̱a ne̱ rque̱ Yaꞌanj nu̱ꞌ rasu̱u̱n yoꞌ man soj ado̱nj.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.

Colosenses 1:13

Asino ya̱a̱n me se guun chij Síí Chre̱e rihaan níꞌ, ne̱ ase vaa síí chéé rej rmi̱ꞌ roꞌ, da̱nj vaa níꞌ ga̱a rque̱ a. Tza̱j ne̱ ya̱j me se tinanii Yaꞌanj man níꞌ rihaan Síí Chre̱e, ne̱ ya̱j uun chij Taꞌníí Yaꞌanj rihaan níꞌ quiꞌyaj Yaꞌanj ado̱nj. Dan me se ꞌe̱e̱ ndoꞌo rá Yaꞌanj man Taꞌníí soꞌ,

Romanos 14:17

ꞌO̱ se nica̱j yuꞌunj Yaꞌanj man níꞌ, ne̱ cheꞌé dan se̱ nanó rá níꞌ cheꞌé se cha̱ níꞌ do̱ꞌ, cheꞌé se coꞌo̱ níꞌ do̱ꞌ maꞌ. Tza̱j ne̱ xca̱j níꞌ cuentá cheꞌé tinúú níꞌ á. ꞌO̱ se xa̱ꞌ suun uun chij Yaꞌanj nimán níꞌ, tza̱j ne̱ né cheꞌe̱ se chá níꞌ do̱ꞌ, né cheꞌe̱ se coꞌo níꞌ do̱ꞌ, me yoꞌ maꞌ. Ma̱an se cheꞌé rej cunu̱u sa̱ꞌ nimán níꞌ ne̱ cheꞌé rej ga̱a̱ xe̱j nimán níꞌ ne̱ cheꞌé rej gu̱un niha̱ꞌ rá nimán níꞌ quiꞌya̱j Nimán Yaꞌanj me yoꞌ a.

San Lucas 16:16

’ꞌO̱ se ga̱a ataa caꞌna̱ꞌ síí cuꞌna̱j Juan Síí Cuta̱ꞌ Ne man yuvii̱ me se cuno yuvii̱ rihaan ina̱nj stucua̱nj Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ a. Tza̱j ne̱ ya̱j me se uno ndoꞌo yuvii̱ nana̱ sa̱ꞌ nana̱ cheꞌé da̱j vaa uun chij Yaꞌanj, ne̱ me ndoꞌo rá nimán cunuda̱nj nij yuvii̱ gu̱un chij Yaꞌanj nimán nij soꞌ ado̱nj.

San Marcos 1:15

ne̱ cataj soꞌ a: ―A̱j quisíj güii, ne̱ a̱j nichrunꞌ se vaa gu̱un chij Yaꞌanj ado̱nj. Cheꞌé dan nuchra̱nꞌ nimán soj, ne̱ cuchuma̱n rá soj cuno̱ soj snana̱ Yaꞌanj nana̱ sa̱ꞌ á ―taj Jesús a.

San Mateo 21:31

Ne̱ me taꞌníí snóꞌo yoꞌ cuno sa̱ꞌ rihaan soꞌ, rá soj ga̱ ―taj Jesús, xnáꞌanj Jesús man nij soꞌ a. ―Xnii caꞌanj quiꞌya̱j suun roꞌ, cuno ya̱ soꞌ rihaan rej soꞌ a ―taj nij soꞌ rihaan Jesús a. Ga̱a ne̱ cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan nij soj cuano̱ se vaa nij síí tihaꞌ yuꞌunj man yuvii̱ cheꞌé impuestó do̱ꞌ, nij chana̱ niha̱ꞌ rá ga̱ chii do̱ꞌ, táá ya̱a̱n rihaan soj aꞌvej rá nij soꞌ gu̱un chij Yaꞌanj nimán nij soꞌ, ne̱ náj xco̱ nij soj ado̱nj.

San Lucas 9:2

Ga̱a ne̱ caꞌnéé soꞌ man nij soꞌ caꞌa̱nj caꞌmi̱i̱ natáj nij soꞌ cheꞌé da̱j vaa uun chij Yaꞌanj, ne caꞌne̱e̱ nij soꞌ chiꞌii̱ xráá nij síí ranꞌ do̱ꞌ a.

San Marcos 16:17

Ne̱ nihánj me suun sa̱ꞌ noco̱o quiꞌya̱j nij síí amán ya̱ rá niꞌya̱j manj a. Dan me se cheꞌé se‑chu̱vií ꞌu̱nj quiri̱i̱ nij soꞌ nana̱ chre̱e nimán yuvii̱, ne̱ caꞌmi̱i̱ nij soꞌ xnaꞌánj naca̱ xnaꞌánj ne neꞌen maꞌa̱n nij soꞌ a.

Hebreos 12:28

Dan me se gu̱un níꞌ si̱j chiha̱nj rej sa̱ꞌ ndoꞌo rej gu̱un chij níꞌ ga̱ Yaꞌanj, ne̱ daj chiha̱a̱ míj se̱ quinaa̱n chumanꞌ yoꞌ a̱ maꞌ. Cheꞌé dan guun niꞌya̱j uxrá níꞌ rihaan Yaꞌanj, ne̱ cheꞌé dan ꞌo̱ quiꞌya̱j níꞌ se‑su̱u̱n Yaꞌanj, ne̱ cara̱nꞌ rá Yaꞌanj, quiꞌya̱j níꞌ á. Ne̱ cara̱a̱ gue̱e̱ uxrá níꞌ rihaan Yaꞌanj na̱nj á.

San Lucas 10:11

“Asa̱ꞌ curiha̱nj núj chumanꞌ nihánj, ne̱ nacuna̱nꞌ núj tacóó núj, ne̱ tucuayu̱u núj yoꞌóó tachru̱u̱ avii chiháán soj tacóó núj cayu̱u yoꞌ rihaan maꞌa̱n soj a. Ga̱a ne̱ xca̱j soj cuentá se vaa a̱j nichrunꞌ se vaa gu̱un chij Yaꞌanj na̱nj á.” Da̱nj cata̱j soj rihaan nij síí naꞌvej rá cuno̱ nana̱ caꞌmii soj a.

San Marcos 11:10

Cuna̱j uxrá vaa ꞌnaꞌ síí gu̱un chij nda̱a vaa guun chij xi̱i níꞌ rey David ga̱a naá a. Síí sa̱ꞌ uxrá me Yaꞌanj si̱j nicu̱nꞌ xta̱ꞌ na̱nj á ―taj nij yuvii̱ yoꞌ a.

San Mateo 12:18

Ni̱ꞌyaj soj man síí nihánj á. Síí nu̱u̱ rihaan ꞌu̱nj do̱ꞌ, síí narii ꞌu̱nj do̱ꞌ, me soꞌ ado̱nj. ꞌE̱e̱ rá ꞌu̱nj do̱ꞌ, aranꞌ rá nimán ꞌu̱nj do̱ꞌ, niꞌya̱j ꞌu̱nj man soꞌ a. Caꞌne̱j ꞌu̱nj Nimán ꞌu̱nj nimán soꞌ, ne̱ nata̱ꞌ soꞌ rihaan nij síí yaníj se vaa veꞌé caꞌne̱ꞌ ꞌu̱nj cacunꞌ cheꞌé nij soꞌ a.

San Mateo 4:24

Ne̱ cuchiꞌ nana̱ cheꞌé soꞌ nu̱ꞌ estadó Siria, ga̱a ne̱ nica̱j ndoꞌo nij yuvii̱ tuviꞌ nij yuvii̱ síí ranꞌ ndoꞌo, caꞌanj nij yuvii̱ rej va̱j Jesús a. Dan me se nij yuvii̱ ranꞌ ndoꞌo quiꞌyaj chiꞌii̱ do̱ꞌ, nij yuvii̱ aꞌngaj ndoꞌo cúú man do̱ꞌ, nij yuvii̱ nu̱u̱ nana̱ chre̱e nimán do̱ꞌ, nij yuvii̱ ranꞌ chiꞌii̱ snúú do̱ꞌ, nij yuvii̱ naꞌvee cache̱e̱ do̱ꞌ, cuchiꞌ rihaan Jesús, quiꞌyaj tuviꞌ nij yuvii̱, ne̱ nahuun cunuda̱nj nij soꞌ, quiꞌyaj Jesús na̱nj ado̱nj.

San Mateo 12:29

’Ne̱ sese me rá ꞌo̱ soꞌ catu̱u̱ soꞌ rá veꞌ tucuá síí nucua̱j quiꞌya̱j itu̱u̱ soꞌ siꞌyaj síí nucua̱j yoꞌ, ne̱ asino nu̱míj soꞌ man síí nucua̱j yoꞌ, ga̱a ne̱ ca̱nica̱j soꞌ catzi̱j soꞌ tucuá síí nucua̱j yoꞌ ado̱nj.

1 Juan 3:8

Ne̱ síí ꞌyaj cacunꞌ me se síí noco̱ꞌ stucua̱nj Síí Chre̱e me soꞌ na̱nj ado̱nj. ꞌO̱ se asi̱j guun cheꞌe̱ Yaꞌanj quiꞌyaj Yaꞌanj chumii̱ nihánj, ne̱ si̱j ꞌyaj ina̱nj cacunꞌ me Síí Chre̱e na̱nj ado̱nj. Ne̱ caꞌnaꞌ Taꞌníí Yaꞌanj rihaan chumii̱ nihánj, cheꞌé rej caꞌve̱e tiri̱ꞌ soꞌ nu̱ꞌ se vaa ꞌyaj Síí Chre̱e yoꞌ ado̱nj.