San Mateo 12:24 - Triqui de San Juan Copala

²⁴ Tza̱j ne̱ cuno nij síí fariseo da̱j caꞌmii nij yuvii̱ cheꞌé Jesús, ne̱ cataj nij soꞌ a: ―Né maꞌa̱n síí nihánj rii nana̱ chre̱e maꞌ. Ma̱an se aꞌmii soꞌ ga̱ nana̱ chre̱e uun chij doj, síí cuꞌna̱j Beelzebú, ne̱ cheꞌé dan rii soꞌ nij nana̱ chre̱e nimán yuvii̱ ado̱nj ―taj nij síí fariseo cheꞌé Jesús, caꞌmii ne̱ nij soꞌ a.

San Mateo 12:24 Referans Kwoze

San Marcos 3:22

Ga̱a ne̱ nij síí naquiꞌyaj cu̱u stucua̱nj Moisés síí nanij chumanꞌ Jerusalén roꞌ, caꞌnaꞌ nij soꞌ ne̱ cataj nij soꞌ se vaa nana̱ chre̱e uun chij doj, síí cuꞌna̱j Beelzebú, nuû nimán Jesús a. Ne̱ cheꞌé dan guun nucua̱j Jesús quiri̱i̱ Jesús nana̱ chre̱e nimán yuvii̱, taj nij soꞌ a.

San Mateo 9:34

Tza̱j ne̱ cataj nij síí fariseo a: ―Guun nucua̱j soꞌ quirii soꞌ man nana̱ chre̱e, cheꞌé se racuíj nana̱ chre̱e uun chij doj man soꞌ ado̱nj ―taj nij síí fariseo cheꞌé Jesús a.

San Lucas 11:15

ne̱ taꞌa̱j nij yuvii̱ cataj se vaa aꞌmii Jesús ga̱ síí cuꞌna̱j Beelzebú, síí uun chij doj rihaan nij nana̱ chre̱e, ne̱ cheꞌé dan rii soꞌ man nij nana̱ chre̱e nimán yuvii̱, taj taꞌa̱j nij yuvii̱, niꞌya̱j nij yuvii̱ man Jesús a.

San Mateo 9:32

Tanáj ro̱j soꞌ man Jesús, ne̱ dan me se cuchiꞌ yuvii̱ nica̱j man ꞌo̱ síí yaꞌmi̱i rihaan Jesús a. Síí yaꞌmi̱i yoꞌ me se nana̱ chre̱e nuû nimán soꞌ, ne̱ cheꞌé dan ne aꞌmii soꞌ, ꞌyaj nana̱ chre̱e yoꞌ a.

San Mateo 10:25

Dan me se neꞌen síí noco̱ꞌ nana̱ neꞌen mozó neꞌen da̱j quiꞌya̱j yuvii̱ man maꞌa̱n soꞌ, tza̱j ne̱ me ina̱nj rá soꞌ gu̱un soꞌ nda̱a vaa síí tucuꞌyón nana̱ man soꞌ do̱ꞌ, nda̱a vaa se‑ruꞌve̱e̱ soꞌ do̱ꞌ a. Dan me se tucuꞌnáj nij yuvii̱ Beelzebú manj, ne̱ yoꞌ me ꞌó se‑chuvi̱i Síí Chre̱e a. Ne̱ ase vaa rej soj vaa ꞌu̱nj a. Cheꞌé dan da̱nj caꞌmi̱i̱ nij yuvii̱ nana̱ vaa da̱nj cheꞌé maꞌa̱n soj na̱nj ado̱nj.

San Lucas 11:14

Dan me se quirii Jesús ꞌo̱ nana̱ chre̱e yaꞌmi̱i nimán ꞌo̱ snóꞌo, ne̱ ga̱a curiha̱nj nana̱ chre̱e, ne̱ caꞌmii síí yaꞌmi̱i ado̱nj. Ne̱ caráyaꞌa̱nj uxrá nij yuvii̱ queneꞌen nij soꞌ se vaa quiꞌyaj Jesús,