San Marcos 6:51 - Triqui de San Juan Copala

⁵¹ Ga̱a ne̱ catúj soꞌ rque rihoo rej nu̱u̱ nij síí tucuꞌyón snana̱ soꞌ, ga̱a ne̱ canicunꞌ nana̱ yoꞌ, ne̱ caꞌanj ndoꞌo rá nij soꞌ a.

San Marcos 6:51 Referans Kwoze

San Marcos 4:39

Ga̱a ne̱ canicunꞌ caya̱ Jesús, ne̱ nucua̱j caꞌmii soꞌ rihaan nana̱, ne̱ cataj soꞌ rihaan na laguaná a: ―Ga̱a̱ dínj rihaan so̱ꞌ, ne̱ se̱ quinaán so̱ꞌ maꞌ ―taj soꞌ a. Ga̱a ne̱ nu̱ꞌ canicunꞌ nana̱, ne̱ cunuu dínj rihaan na laguaná yoꞌ, quiꞌyaj Jesús na̱nj ado̱nj.

San Juan 6:21

Cheꞌé dan guun niha̱ꞌ uxrá rá nij soꞌ, ne̱ nu̱ꞌ catúj Jesús rá rihoo, ne̱ nu̱ꞌ cuchiꞌ rihoo tuꞌva na laguaná rej va̱j nij soꞌ a.

San Marcos 7:37

Ga̱a ne̱ caꞌanj uxrá rá nij yuvii̱ xcaj cuentá da̱j quiꞌyaj Jesús, ne̱ cataj nij yuvii̱ se vaa sa̱ꞌ uxrá vaa nu̱ꞌ se vaa quiꞌyaj Jesús, ne̱ nda̱a nachuguu̱n xréé nij síí soꞌo̱ do̱ꞌ, nda̱a aꞌmii sa̱ꞌ nij síí yaꞌmi̱i do̱ꞌ, ꞌyaj Jesús, taj nij yuvii̱ yoꞌ a.

San Marcos 6:32

Ga̱a ne̱ cavii nij soꞌ rque rihoo chéé rihaan na, ne̱ caꞌanj o̱rúnꞌ nij soꞌ ꞌo̱ rej taj va̱j yuvii̱ a.

San Marcos 5:42

Nu̱ꞌ caꞌmii Jesús nana̱ vaa da̱nj, ne̱ nu̱ꞌ naxaga̱a̱ chala̱ cunii yoꞌ, chéé noꞌ cuaj a. Ne̱ chuvi̱j yoꞌ va̱j noꞌ a. Ne̱ nij síí queneꞌen roꞌ, caꞌanj ndoꞌo rá nij soꞌ a.

San Marcos 4:41

Ga̱a ne̱ cuchuꞌviꞌ ndoꞌo nij soꞌ, ne̱ xnáꞌanj nij soꞌ man tuviꞌ nij soꞌ a: ―Da̱j si̱j me síí nihánj ga̱. Nda̱a nana̱ do̱ꞌ, nda̱a na do̱ꞌ, uno aꞌmii soꞌ asunj ―taj nij soꞌ a.

San Marcos 2:12

Ga̱a ne̱ cuaj naxaga̱a̱ soꞌ, ne̱ nacué soꞌ tuvéé soꞌ, ga̱a ne̱ curiha̱nj soꞌ rá veꞌ, niꞌya̱j ta̱ranꞌ nij yuvii̱ ma̱n rá veꞌ a. Nda̱a síj, ga̱a ne̱ caꞌanj rá nij yuvii̱, ne̱ cataj nij soꞌ se vaa veꞌé uxrá quiꞌyaj Yaꞌanj, ne̱ cataj uún nij soꞌ a: ―Daj chiha̱a̱ míj ne queneꞌe̱n níꞌ suun vaa da̱nj a̱ maan ado̱nj ―taj nij yuvii̱ a.

San Marcos 1:27

Ga̱a ne̱ caꞌanj uxrá rá nij yuvii̱, ne̱ xnáꞌanj nij yuvii̱ man tuviꞌ nij yuvii̱, cataj nij yuvii̱ a: ―Asa̱ꞌ caꞌvee quiꞌyaj soꞌ da̱nj ga̱. Tucuáán naca̱ me nihánj chugua̱nj. ꞌO̱ se guun chij ndoꞌo síí nihánj, ne̱ nda̱a rihaan nij nana̱ chre̱e aꞌneꞌ síí nihánj suun da̱j quiꞌya̱j nij soꞌ, ne̱ uno nij nana̱ chre̱e yoꞌ rihaan soꞌ asânj ―taj nij yuvii̱ rihaan tuviꞌ nij yuvii̱ a.

San Mateo 8:10

Dan me se, ga̱a cuno Jesús nana̱ caꞌmii tanuu capitán yoꞌ, ne̱ caráyaꞌa̱nj Jesús, ne̱ cataj soꞌ rihaan nij síí noco̱ꞌ rej xco̱ soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán síí yaníj nihánj a̱ maꞌ.