San Marcos 5:9 - Triqui de San Juan Copala

⁹ Ga̱a ne̱ xnáꞌanj Jesús man nana̱ chre̱e a: ―Da̱j cuꞌna̱j so̱ꞌ ga̱ ―taj Jesús a. Ga̱a ne̱ cataj nana̱ chre̱e rihaan Jesús a: ―Xꞌneꞌ noco̱o cuꞌna̱j núj, cheꞌé se queꞌe̱e̱ ndoꞌo núj á ―taj nana̱ chre̱e a.

San Marcos 5:9 Referans Kwoze

San Lucas 8:30

Ga̱a ne̱ xnáꞌanj Jesús man nana̱ chre̱e yoꞌ, cataj soꞌ a: ―Da̱j cuꞌna̱j so̱ꞌ ga̱ ―taj Jesús, xnáꞌanj soꞌ man nana̱ chre̱e a. Ne̱ dan me se cataj nana̱ chre̱e yoꞌ a: ―Xꞌneꞌ noco̱o cuꞌna̱j núj á ―taj soꞌ cheꞌé se a̱j catúj queꞌe̱e̱ ndoꞌo nij soꞌ nimán snóꞌo yoꞌ a.

San Marcos 5:15

ne̱ caꞌnaꞌ nij soꞌ rihaan Jesús, ne̱ queneꞌen nij soꞌ man síí curiha̱nj nana̱ chre̱e nimán a. A̱j nanuû soꞌ saga̱nꞌ soꞌ, ne̱ dínj ne soꞌ rihaan Jesús a. Ne̱ a̱j tiꞌinj se snúú soꞌ, ne̱ nuu sa̱ꞌ soꞌ a. Ga̱a ne̱ cuchuꞌviꞌ ndoꞌo nij yuvii̱ a.

San Mateo 26:53

Ne̱ ne neꞌén so̱ꞌ se vaa gu̱un nu̱cuáj cachi̱nj ni̱ꞌyáj rihaan Réj, ne̱ caꞌna̱ꞌ ri̱i̱ uxrá se‑mo̱zó Réj rihanj cuano̱ ra̱cuíj nij soꞌ manj a̱ naꞌ.

San Mateo 12:45

Ga̱a ne̱ ꞌanj uún nana̱ chre̱e yoꞌ, ne̱ nica̱j soꞌ ꞌó chi̱j tuviꞌ nana̱ chre̱e yoꞌ síí chiꞌi̱i̱ doj, ne̱ ꞌnaꞌ nique uún soꞌ nimán snóꞌo yoꞌ, ga̱a ne̱ ca̱yáán ta̱ranꞌ nij nana̱ chre̱e yoꞌ a. Dan me se ga̱a naá ga̱a cayáán o̱rúnꞌ nana̱ chre̱e yoꞌ, ne̱ ma̱an taꞌngaꞌ qui̱j vaa nimán snóꞌo yoꞌ, tza̱j ne̱ ga̱a namán ꞌó chi̱j nana̱ chre̱e yoꞌ, ga̱a ne̱ doj a̱ tico nana̱ chre̱e man soꞌ, ne̱ doj a̱ qui̱j vaa nimán snóꞌo yoꞌ, ꞌyaj nij nana̱ chre̱e yoꞌ na̱nj ado̱nj. ’Ne̱ ase vaa ranꞌ snóꞌo yoꞌ roꞌ, taꞌngaꞌ da̱nj quira̱nꞌ soj si̱j vaa iꞌna̱ꞌ cuano̱ si̱j naꞌvej rá cuno̱ snana̱ ꞌu̱nj ado̱nj ―taj Jesús rihaan nij síí naquiꞌyaj cu̱u stucua̱nj Moisés do̱ꞌ, rihaan nij síí fariseo do̱ꞌ a.

San Marcos 5:8

Da̱nj caꞌmii soꞌ cheꞌé se a̱j cataj Jesús rihaan soꞌ a: ―Rihaan so̱ꞌ na̱na̱ chre̱e nu̱u̱ nimán síí nihánj aꞌnéꞌ ꞌu̱nj suun se vaa cu̱riha̱nj so̱ꞌ nimán síí nihánj á ―taj Jesús a.

San Marcos 5:10

Ne̱ rquee̱ nij nana̱ chre̱e yoꞌ rihaan Jesús se vaa a̱ doj se̱ caꞌnéé Jesús man nij nana̱ chre̱e nda̱a ꞌó rej yaníj maꞌ.