San Lucas 9:18 - Triqui de San Juan Copala

¹⁸ Dan me se ꞌo̱ güii caꞌanj Jesús ꞌo̱ rej yaníj cachíín niꞌya̱j soꞌ rihaan Yaꞌanj, ne̱ nij síí tucuꞌyón snana̱ soꞌ roꞌ, ma̱n rej yoꞌ ga̱ soꞌ, ne̱ xnáꞌanj soꞌ man nij soꞌ, cataj soꞌ a: ―Me si̱j mé ꞌu̱nj, taj nij yuvii̱ ga̱ ―taj Jesús, xnáꞌanj soꞌ man nij soꞌ a.

San Lucas 9:18 Referans Kwoze

San Lucas 11:1

Ga̱a ne̱ cachíín niꞌya̱j Jesús rihaan Yaꞌanj ꞌo̱ güii, ne̱ ga̱a quisíj cachíín niꞌya̱j soꞌ rihaan Yaꞌanj, ga̱a ne̱ cataj ꞌo̱ síí tucuꞌyón snana̱ soꞌ rihaan soꞌ a: ―Señor, tu̱cuꞌyón so̱ꞌ man núj da̱j caꞌmi̱i̱ núj ga̱a cachi̱nj niꞌya̱j núj rihaan Yaꞌanj, ase vaa quiꞌyaj Juan Síí Cutaꞌ Ne man yuvii̱ rihaan nij síí tucuꞌyón snana̱ soꞌ a ―taj soꞌ rihaan Jesús a.

San Mateo 26:36

Ga̱a ne̱ caꞌanj Jesús ga̱ nij soꞌ nda̱a ꞌó rej cuꞌna̱j Getsemaní, ne̱ cataj xnaꞌanj Jesús rihaan nij soꞌ a: ―Ca̱yáán soj nihánj, na̱ꞌvi̱j soj mán ꞌu̱nj, ne̱ caꞌa̱nj ꞌu̱nj ga̱nꞌ do̱j tzínꞌ, ne̱ cachi̱nj ni̱ꞌyáj rihaan Réj a ―taj Jesús a.

San Mateo 14:23

Dan me se cataj Jesús rihaan nij yuvii̱ se vaa caꞌve̱e caꞌa̱nj nij yuvii̱ a. Ga̱a ne̱ cavii o̱rúnꞌ soꞌ raa̱ tacaan, ne̱ cachíín niꞌya̱j soꞌ rihaan Yaꞌanj a. Ne̱ da̱j doj cata̱ꞌ güii, ne̱ soꞌ me se quináj o̱rúnꞌ soꞌ raa̱ tacaan yoꞌ a.

San Lucas 3:21

Dan me se ga̱a ataa catu̱u̱ Juan tagaꞌ, ne̱ cataꞌ ne ta̱ranꞌ nij yuvii̱, quiꞌyaj Juan, ga̱a ne̱ cataꞌ ne Jesús, ne̱ nu̱ꞌ cachíín niꞌya̱j Jesús rihaan Yaꞌanj, ga̱a ne̱ naxraꞌ rej xta̱ꞌ a.

San Lucas 6:12

Dan me se cachén do̱j güii, ga̱a ne̱ caꞌanj Jesús rej tacaan, caꞌanj cachi̱nj niꞌya̱j soꞌ rihaan Yaꞌanj a. Niga̱nꞌ quináj soꞌ tacaan cachíín niꞌya̱j soꞌ rihaan Yaꞌanj a.

San Lucas 9:19

―Vaa síí taj se vaa síí cuꞌna̱j Juan Síí Cutaꞌ Ne man yuvii̱ mé so̱ꞌ ado̱nj. Ne̱ vaa síí taj uún se vaa síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ chugua̱nj. Ne̱ vaa síí taj uún se vaa ꞌó síí nataꞌ snana̱ Yaꞌanj ga̱a naá mé so̱ꞌ xa̱ꞌ. Da̱nj taj ꞌo̱ ꞌo̱ taꞌa̱j nij yuvii̱ na̱nj á ―taj nij soꞌ a.

San Lucas 9:28

Quisíj caꞌmii Jesús nana̱ vaa da̱nj, ga̱a ne̱ cachén ꞌo̱ tu̱nj güii ta̱ꞌ asuun, ga̱a ne̱ nica̱j Jesús man Pedró do̱ꞌ, Juan do̱ꞌ, Jacobo do̱ꞌ, ne̱ cavii soꞌ raa̱ ꞌo̱ quij xca̱a̱n, caꞌanj cachi̱nj niꞌya̱j soꞌ rihaan Yaꞌanj a.

San Lucas 9:29

Ga̱a cachíín niꞌya̱j soꞌ rihaan Yaꞌanj, ne̱ ꞌo̱ cunuu ino̱ rihaan soꞌ, ne̱ cunuu catzi̱i̱ saga̱nꞌ soꞌ, ne̱ nda̱a raa̱n la maꞌa̱n saga̱nꞌ soꞌ a.