San Lucas 9:14 - Triqui de San Juan Copala

¹⁴ Dan me se ꞌu̱nꞌ míj snóꞌo mán rej yoꞌ ta̱ꞌ asuun ado̱nj. Tza̱j ne̱ cataj Jesús rihaan nij síí tucuꞌyón snana̱ soꞌ a: ―Ca̱yáán nij yuvii̱ rihaan yoꞌóó, quiꞌya̱j soj, ne̱ dan me se cunu̱u chre̱ꞌ ꞌo̱ vi̱j chiha̱a̱ chi̱ꞌ (50) vi̱j chiha̱a̱ chi̱ꞌ yuvii̱ ca̱yáán ꞌo̱ ꞌo̱ rej, quiꞌya̱j soj á ―taj Jesús rihaan nij soꞌ a.

San Lucas 9:14 Referans Kwoze

1 Corintios 14:40

Tza̱j ne̱ veꞌé ina̱nj quiꞌya̱j soj nu̱ꞌ se vaa ꞌyaj soj, ne̱ chij ina̱nj quiꞌya̱j soj nu̱ꞌ se‑su̱u̱n Yaꞌanj á.

San Marcos 8:6

Ga̱a ne̱ caꞌneꞌ Jesús suun rihaan nij yuvii̱ se vaa caꞌa̱nj ca̱yáán nij yuvii̱ rihaan yoꞌóó a. Ga̱a ne̱ nica̱j soꞌ chi̱j nij rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún a. Ga̱a ne̱ cuxraꞌ taꞌa̱j soꞌ rachrúún yoꞌ, ne̱ caxríj soꞌ ston nij síí tucuꞌyón snana̱ soꞌ ta̱cuachén nij soꞌ rihaan nij yuvii̱, ne̱ da̱nj quiꞌyaj nij soꞌ a.

San Lucas 9:13

Tza̱j ne̱ cataj Jesús rihaan nij soꞌ a: ―Rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a. Ga̱a ne̱ cataj nij soꞌ a: ―Tza̱j ne̱ taj se chá rihaan núj maꞌ. Ma̱an se o̱rúnꞌ ꞌu̱nꞌ rachrúún ne̱ vi̱j gue̱e̱ xcuaj vaa rihaan núj na̱nj á. Xraj ne̱ caꞌve̱e caꞌa̱nj núj, ne̱ quira̱a̱n núj se chá cha̱ cunuda̱nj nij yuvii̱ ri̱i̱ uxrá nihánj na̱nj á ―taj nij soꞌ rihaan Jesús a.

San Lucas 9:15

Ne̱ veé da̱nj quiꞌyaj nij soꞌ, ne̱ caꞌanj ca̱yáán cunuda̱nj nij yuvii̱ a.