San Lucas 8:38 - Triqui de San Juan Copala

³⁸ Ga̱a ne̱ rquee̱ síí nahuun sa̱ꞌ rihaan Jesús se vaa caꞌve̱j rá Jesús caꞌa̱nj soꞌ ga̱ Jesús, tza̱j ne̱ ne caꞌve̱j rá Jesús maꞌ. Ga̱a ne̱ cataj Jesús a:

San Lucas 8:38 Referans Kwoze

Filipenses 1:23

ꞌO̱ se sa̱ꞌ cuya̱a̱n vaa ro̱j chrej chugua̱nj. Dan me se sese cavi̱ꞌ ꞌu̱nj, ne̱ quina̱nꞌ ꞌu̱nj rihaan Cristó, ne̱ sa̱ꞌ uxrá doj ga̱a̱ na̱nj ado̱nj.

San Lucas 8:37

Cheꞌé dan cuchuꞌviꞌ ndoꞌo nij síí ma̱n chumanꞌ Gadara ga̱ ꞌó nij chumanꞌ na̱j nu̱ꞌ anica̱j rej yoꞌ, ne̱ cheꞌé dan rquee̱ ta̱ranꞌ nij soꞌ rihaan Jesús se vaa caꞌa̱nj yaníj Jesús rihaan nij soꞌ a. Dan me se catúj Jesús rque rihoo, ne̱ guun cheꞌe̱ soꞌ canica̱j soꞌ caꞌa̱nj soꞌ a.

San Lucas 8:28

Dan me se caꞌneꞌ Jesús suun rihaan nana̱ chre̱e se vaa cu̱riha̱nj nana̱ chre̱e nimán soꞌ a. ꞌO̱ se quisíj queꞌe̱e̱ canó nana̱ chre̱e man soꞌ a. Dan me se nda̱a agaꞌ ne̱ꞌ numíj nii raꞌa soꞌ do̱ꞌ, tacóó soꞌ do̱ꞌ, tza̱j ne̱ xuun soꞌ, ne̱ xꞌneꞌ yoꞌ, quiꞌyaj soꞌ, ga̱a ne̱ nica̱j nana̱ chre̱e man soꞌ caꞌanj nij soꞌ tacaan naco̱o̱ na̱nj ado̱nj. Dan me se ga̱a queneꞌen soꞌ man Jesús, ne̱ caguáj soꞌ, ne̱ quinij ru̱j soꞌ rihaan Jesús, ne̱ nucua̱j caꞌmii soꞌ, cataj soꞌ a: ―Veé neꞌén ꞌu̱nj se vaa Taꞌni̱j Yaꞌanj Si̱j Uun Chij Doj mé so̱ꞌ, Jesús. Me cheꞌé ꞌnáꞌ so̱ꞌ rej ya̱nj ꞌu̱nj ga̱. Rqueé ꞌu̱nj mán so̱ꞌ se vaa se̱ quiꞌyáá so̱ꞌ sayuun manj maꞌ ―taj soꞌ rihaan Jesús a.

San Mateo 4:24

Ne̱ cuchiꞌ nana̱ cheꞌé soꞌ nu̱ꞌ estadó Siria, ga̱a ne̱ nica̱j ndoꞌo nij yuvii̱ tuviꞌ nij yuvii̱ síí ranꞌ ndoꞌo, caꞌanj nij yuvii̱ rej va̱j Jesús a. Dan me se nij yuvii̱ ranꞌ ndoꞌo quiꞌyaj chiꞌii̱ do̱ꞌ, nij yuvii̱ aꞌngaj ndoꞌo cúú man do̱ꞌ, nij yuvii̱ nu̱u̱ nana̱ chre̱e nimán do̱ꞌ, nij yuvii̱ ranꞌ chiꞌii̱ snúú do̱ꞌ, nij yuvii̱ naꞌvee cache̱e̱ do̱ꞌ, cuchiꞌ rihaan Jesús, quiꞌyaj tuviꞌ nij yuvii̱, ne̱ nahuun cunuda̱nj nij soꞌ, quiꞌyaj Jesús na̱nj ado̱nj.

San Lucas 8:39

―Ca̱nica̱j so̱ꞌ nánꞌ so̱ꞌ tucuá so̱ꞌ, ne̱ cata̱j xnaꞌanj so̱ꞌ rihaan tuvíꞌ so̱ꞌ cheꞌé se sa̱ꞌ ndoꞌo quiꞌyaj Yaꞌanj cheꞌé so̱ꞌ á ―taj Jesús rihaan soꞌ a. Ga̱a ne̱ canica̱j síí nahuun sa̱ꞌ yoꞌ quinanꞌ soꞌ, ne̱ caꞌmii natáj soꞌ rihaan ta̱ranꞌ nij yuvii̱ ya̱nj chumanꞌ yoꞌ cheꞌé se sa̱ꞌ quiꞌyaj Jesús ga̱ soꞌ a.